ATEPTAP LAWIK 16:18 - BUKUIT NE TILIIL Sireet ne Dutero Kanon

¹⁸ Yeityo komanda saang', kwo ole mi kaptisisyet ne mi taitap Kamuktaindet ne Toroor, ak koyai kagaigaet agobo nooto; ak konam korotiik alak che po kirgit, ak che po kwesta, koilee kuinoigap kaptisisyet komoswek tugul.

Bukuit Ne Tilil

¹⁸ Yeityo komanda saang', kwo ole mi kaptisisyet ne mi taitap Kamuktaindet ne Toroor, ak koyai kagaigaet agobo nooto; ak konam korotiik alak che po kirgit, ak che po kwesta, koilee kuinoigap kaptisisyet komoswek tugul.

BUKUIT NE TILIL

¹⁸ Yeityo komanda sang’, kwo ole mi kaptisisiet ne mi taitab Jehovah, ak koyai kagaigaet agobo noto; ak konam korotik alak che bo kirgit, ak che bo kwesta, ak koiile kuinoikab kaptisisiet komoswek tugul.

ATEPTAP LAWIK 16:18 ပူးပေါင်းရင်းမြစ်များ

KOMONG'U 30:10

Ingoyai Aron kagaigaet eng' kuinoigap kaptisisyonooto konyil agenge eng' kenyiit age tugul. Yaei kagaigaet eng' korotiigap kagoochinetap tengekto ne po kagaigaet konyil agenge eng' kenyiit age tugul eng' ibinwekwok tugul. Nooto ne tiliil miising' eng' taitap Kamuktaindet ne Toroor.”

EZEKIEL 43:20

Ak itaach korotiikyik, si iilee kuinoik ang'wan che po kaptisisyet ak luukwek ang'wan che po tegeleiywot, kobooto mireiywot eng' komoswek tugul: itiliili ko uu nooto ye iyachini kagaigaet.

EZEKIEL 43:22

Ak igoite eng' peetuut ne po aeng' kwesta ne libwoop koek kagoochinetap tengekto; yeityo koanyiny icheek kaptisisyet ko uu ye kagagoanyinye kirgit.

EZEKIEL 45:19

Ak konam tisiindet korotiigap kagoochinetap tengekto, ak konde tugatugigap koot, ak koilee luukwek ang'wan che po tegeleiywotap kaptisisyet, ak koilee tugatugigap seremut ne po oriit.

ATEPTAP LAWIK 16:16

Yaei anyun kagaigaet agobo ole-tiliil, amu murwoonindap piigap Israel, ak pistoennywa, agot tengekwogikwak tugul. Ak koyachi ko uu nooto emait ne kituiyechin, ne meng'iisyei kobooto icheek eng' kwenutap murwoonindanywa.

ATEPTAP LAWIK 16:17

Amat kobiit chii ne mi emait ne kituiyechin, ye wendi tisiindet ineendet si koyai kagaigaet eng' ole-tiliil, agoi komong' saang', ko kagoyachigei kagaigaet, ak koonnyi, ak tuiyet komugul ne po Israel.

ATEPTAP LAWIK 4:18

Yeityo konde korotichooto alak kuinoigap kapkorosuut ne miitei taitap Kamuktaindet ne Toroor eng' emait ne kituiyechin. Roong'jin korotiik tugul kelutap kaptisisyet ne kibeelee kagoochinoik ne miitei kurgeetap emait ne kituiyechin.

ATEPTAP LAWIK 4:25

Yeityo konam tisiindet korotichooto po kagoochinetap tengekto, eng' mornennyi ak koiilate kuinoigap kaptisisyet ne po kagoochinoik che kibeelei ak koroong'ji korotiikyik kelutap kaptisisyet ne kibeelee kagoochinoik.

ATEPTAP LAWIK 4:7

Ye ibata konde tisiindet alak eng' korotichooto kuinoigap kapkorosuut ne po nyamdutik che ng'uu ne anyiny che kibeelei eng' taitap Kamuktaindet ne Toroor, nooto mi emait ne kituiyechin. Ingotumji ineendet korotiik tugul che po kirgooto kaptisisyet keel ne kibeelee kagoochinoik, ne miitei kurgeetap emait ne kituiyechin.

KAITOSYEK 28:22

Ak koek kwesta agenge kagoochinetap tengekto, si keyaunenok kagaigaet.

JOHANA 17:19

Ak atabaanige agobo icheek si kobiit kitabaan icheek eng' imanit.

HEBRANIK 2:11

Amu ineendet ne itiliilisyei ak icheek che kitiliili kobunu agenge: eng' nooto anyun koma keerei ineendet kalilanet koguure icheek che kitupche,