ATEPTAP LAWIK 14:10 - BUKUIT NE TILIIL Sireet ne Dutero Kanon

¹⁰ “Ak konam eng' peetuut ne po sisiit aarek aeng' che mengichik che libwoben, ak aarwetap keechiir, subeendo ne libwoop, ne ma siirei kenyiit agenge, ak kebebertap somok ne po litaiyat che po peek che ng'ootiin che tambulul, koek kagoochinetap peek, che ki kiburukto mwaita, ak taabeet ne ming'in ne po mwaita.

Bukuit Ne Tilil

¹⁰ “Ak konam eng' peetuut ne po sisiit aarek aeng' che mengichik che libwoben, ak aarwetap keechiir, subeendo ne libwoop, ne ma siirei kenyiit agenge, ak kebebertap somok ne po litaiyat che po peek che ng'ootiin che tambulul, koek kagoochinetap peek, che ki kiburukto mwaita, ak taabeet ne ming'in ne po mwaita.

BUKUIT NE TILIL

¹⁰ Ak konam eng’ betut ne bo sisiit arek aeng’ che mengichik che libwoben, ak aruetab kechir, subendo ne libwob, ne masiirei kenyit agenge, ak kebeberwek somok eng’ taman che bo epah agenge che bo busiek che tambulul, koek kagochinetab busiek, che kigiburukto mwaita, ak tabet ne ming’in ne bo mwaita.

ATEPTAP LAWIK 14:10 ပူးပေါင်းရင်းမြစ်များ

KOMONG'U 29:40

Itesyini aarwet age keruutyet agenge ne po peek che ng'ootiin che tambulul che kagiburukto litait agenge ne po mwaita ne pitunee tuisyet, ak litait agenge ne po divaik koek kagoochinet ne kirong'u.

ATEPTAP LAWIK 1:10

“Ngo po kagoochinennyi ne kibeelei neego che po keechiirek anan che po ng'oroorek ko ingogoitoi mengit anan kwesta ne libwoop.

ATEPTAP LAWIK 1:3

“Ngo kagoochinennyi ko po tiseiywot ne kibeelei ne po tuuga, kogoitoi kirgit ne libwoop. Ingokweri kwo emait ne kituiyechin si kochamak eng' taitap Kamuktaindet ne Toroor.

ATEPTAP LAWIK 14:11

Igoitoi tisiindet ne itiliili ineendet, chiichooto kitiliili ak tuguuchooto, eng' taitap Kamuktaindet ne Toroor, eng' kurgeetap emait ne kituiyechin.

ATEPTAP LAWIK 14:12

Ak konam tisiindet mengit agenge eng' areechooto po keechiir, kogoito koek kagoochinetap chalwokto, kobooto taabeet ne ming'in ne po mwaita, koongoi tuguuchooto koek kagoochinet ne kiongoi eng' taitap Kamuktaindet ne Toroor.

ATEPTAP LAWIK 14:15

Yeityo konem tisiindet mwanik alak che mi taabeet, ak koroong'ji rubeitap eunnyi ne po kaataam,

ATEPTAP LAWIK 14:21

“Ago ngo kibanania, amaimuuchi konyoor che yamegei ak kioto, kokweri anyun mengit agenge ne ming'in koek kagoochinet ne po chalwokto ne kiongoi, si koyai kagaigaet agobo ineendet, ak kiloit agenge ne po peek che ng'ootiin che tambulul che kagiburukto mwaita koek kagoochinetap peek, ak taabeet ne ming'in ne po mwaita.

ATEPTAP LAWIK 2:1

Ye igoitoi chii age tugul kagoochinet ne po peek che igoochin Kamuktaindet ne Toroor, ko ingoek kagoochinennyi peek che ng'ootiin che tambulul. Ingoroong'ji mwaita peechooto ng'ootiin tambulul, ak konde tuguuk che nyamdut ak icheek.

ATEPTAP LAWIK 2:11

“Amat onde mermereek kagoochinet age tugul ne po peek ne ogoochini Kamuktaindet ne Toroor. Amu mobeele mermereek anan kumyat age tugul, koek kagoochinet ne kigoochin Kamuktaindet ne Toroor, kobunei maat.

ATEPTAP LAWIK 2:13

Inde muunyuk kagoochineng'ung' age tugul ne po peek; amengorartae kagoochinetap peek muunyuk che po kayomisetap Kamuktaindeng'ung'. Igoitoi muunyuk kobooto kagoochinoiguk tugul.

ATEPTAP LAWIK 23:13

Ak egu kagoochinennyi ne po peek kiloinik aeng' che po peek che ng'ootiin che tambulul che kagiburukto mwaita, kagoochinet ne punei maat kigoochin Kamuktaindet ne Toroor, koek nyamdutyet ne anyiny. Ak egu kagoochinennyi ne kieei, divaik, che yamei litaiyat agenge.

ATEPTAP LAWIK 4:32

“Ngo kagoochinennyi ne po tengekto ko keechiiryet, ko ingoget subeendo ne libwoop,

ATEPTAP LAWIK 9:1

Eng' peetuutap sisiit, koguur `Musa Aron ak weeriikyik kobooto poisyegap Israel,

KAITOSYEK 28:20

Kagoochinennywa ne po peek che ng'ootiin, che kiburuktoi mwaita: ogoitoi keruutik somok eng' kirgit agenge, ak keruutik aeng' eng' mengit,

KAITOSYEK 6:14

yeityo kogoochi kagoochinennyi Kamuktaindet ne Toroor; mengit agenge ne ma siirei kenyiit agenge ne libwoop koek kagoochinet ne kibeelei, subeendo agenge ne libwoop ne po keechiir ne ma siirei kenyiit agenge koek kagoochinetap tengekto ak mengit agenge ne libwoop kobunji kagoochinoigap kaalyeet.

KAITOSYEK 7:43

Kagoochinennyi kogi sanit agenge ne po fedha ne yamei nyigiisindanyi shekelisyek pogol ak sosom, ak taabeet agenge ne po fedha ne yamei shekelisyek tamanwogik tisap, ko uu shekel ne po ole-tiliil. Ki nyiitootiin tuguuchooto tuwai peek che ng'ootiin che tambuluul, che ki kiburukto mwaita koek kagoochinetap peek;

MATAYO 8:4

Ak ki mwachi Jeso koleenji, “Riipkei, memwachi chii, ago ui iboorchigei tisiindet, ak igoite kagoochinet ne ki ng'at Musa, si koek paornateet eng' icheek.”

MARIKO 1:44

koleenji, “Memwachi chii kiy, ago ui iboorchigei tisiindet ak igoite konunotyotap katiliileng'ung' ko uu ye ki ng'at Musa, si koek paornat eng' icheek.”

LUKA 5:14

Ak ki ng'at anyun koleenji, amat imwachi chii. Kileenji, “Ui ak iboorchigei tisiindet, ak igoite che po katiliileng'ung', ko uu ye ki ng'at Musa, koek paornateet eng' icheeget.”

JOHANA 1:29

Eng' peetuut ne po aeng' kogeer `Johana Jeso konyonjin, ak kole, “Ogeero, Aarwet ne po Kamuktaindet, ne ibei tengektap ng'wony!

JOHANA 6:33

Amu magatyat ne po Kamuktaindet ko nooto choorugei eng' kipsengwet, ak kogoochi ng'wony saboondo.”

JOHANA 6:51

Aa magatyat ne sabei ne ki choorgei eng' kipsengwet: ngo am chii age tugul magatyandani, kosabei koigeny: ee, ak poortanyu ko magatyat ne agoitoi agobo saboondo ne po ng'wony.”

1 PETERO 1:19

ago eng' korotiik che po kamanuutyet ne oo, ko uu che po aarwet ne ma tinyei peruut ak ne ma tinyei tisya, chooto ko korotiigap Kristo: