ATEPTAP LAWIK 10:6 - BUKUIT NE TILIIL Sireet ne Dutero Kanon

⁶ Ki leenji `Musa Aron ak weeriikyik, Eleazar ak Ithamar, “Amat oyat metowekwok ak amogereer ngoroikwok, si obegu ak konereekyi ineendet tuiyet komugul. Ago ingoriiryo tupchosyekwok, koot komugul ne po Israel amu maat ne kagoyook Kamuktaindet ne Toroor.

Bukuit Ne Tilil

⁶ Ki leenji `Musa Aron ak weeriikyik, Eleazar ak Ithamar, “Amat oyat metowekwok ak amogereer ngoroikwok, si obegu ak konereekyi ineendet tuiyet komugul. Ago ingoriiryo tupchosyekwok, koot komugul ne po Israel amu maat ne kagoyook Kamuktaindet ne Toroor.

BUKUIT NE TILIL

⁶ Ak kilenji Musa Aron, ak Eleasar ak Itamar, werikyik, Amat oyat metowekwok, amogerer ngoroikwok; si mobegu, si manerekyi inendet tuiyet komugul: ago ingoririo tupchosiekwok, got komugul ne bo Israel, amu mat ne kagonaam Jehovah.

ATEPTAP LAWIK 10:6 ပူးပေါင်းရင်းမြစ်များ

2 SAMUEL 24:1

Ki nereech kot kogeny Kamuktaindet ne Toroor agobo Israel, ak king'eetyi `Kamuktaindet ne Toroor Daudi kosich kabwaatet ne ya agobo icheek. Ki leenji anyun “Ui, iit Israel ak Judah.”

EZRAH 7:5

weeriitap Abisua, weeriitap Phineas, weeriitap Eleazar, weeriitap Aron tisiindet ne oo.

KOMONG'U 33:5

Ki leenji `Kamuktaindet ne Toroor Musa, “Mwachi piigap Israel leenjin, oo piik che uueen kaat, ngot awe atogoste kobootok ko ne matya, abarook ageeswok. Ara anyun oreegu tuguukwok che po lele si kobiit ageer kiit ne ayaiywok.”

KOMONG'U 6:23

Ki itun `Aron Eliseba, cheptap Aminadab, chepkametap Nason, ne ki sikyi ineendet Nadap, Abiu, Eleazar ak Ithamar.

JEREMIA 7:29

Ee Jerusalem, icheru suumeeguk anyun, ak iwiirte, rirate eng' tuloonook che churyotin, amu kaesyok ak ametook anee Kamuktaindet ne Toroor, okweek ibini ko kogoono nereegek.

ATEPTAP LAWIK 13:45

“Ilachei ne tinyei mogondosaik ngoroik che kibetak, ak kiyaatei metinnyi, tuchei kutit ye po parak ak koboloti kowachei koleen, ‘Aa ng'waan, aa ng'waan!’

MIKAH 1:16

Ingochurin met, ak icheru meting'ung' agobo lagok che iboiboin: tes poostong'ung' si koigei ne po chepsengwet; amu kageluul icheek eng' ole imi.

KAITOSYEK 1:53

Ago menyei koyiemei Lawiik kootap paornateet si manyonji nereeknateet tuiyetap piigap Israel; riibei Lawiik kootap paornateet.”

KAITOSYEK 14:6

Ki pet ngoroikwak Joshua weeriitap Nun ak Kaleb weeriitap Jepune; chuuto tuwai ko ki mi kobooto icheek che kigaba kosegei emet,

KAITOSYEK 16:22

Ago ki ing'uruukso icheek kot kotiiny togoochikwak ng'wony ak kole, “Ee Kamuktaindet, Kamuktaindet ne po saboonwegap piik tugul, tos inereekyini tuiyet komugul ngo yai chiito agenge tengekto?”

KAITOSYEK 18:5

Oriip oyai ng'atuutyetap ole-tiliil ak ng'atuutyetap kapkorosuut, si mata kobiit nereegek kogeny agobo piigap Israel.

KAITOSYEK 20:25

Imutu Aron ak weeriinnyi Eleazar, kobwa tulweetap Hor;

KAITOSYEK 5:18

Ye kagonde tisiindet kwonyooto taitap Kamuktaindet ne Toroor, kotyach suumeekyik ak konde eunnyi kagoochinetap peek che po kabwaatet, peechooto po kagoochinetap ng'etkong'. Ak eng' yooto kotinyei tisiindet peek eng' eunnyi che po ng'wanindo che ibu chubisyet.

NG'ATUTIK 33:9

Ne ki mwa agobo kwandanyi ak kamennyi kole, ‘Ma ageer ineendet’; Ama nai che tupcho, Ama nai lagokyik: Amu ki isup icheek ng'olyoondeng'ung', Ak ki riip kayomiseng'ung'.

JOSHUA 22:18

Ago kaomaste rani eng' kasubet ne osubi Kamuktaindet ne Toroor? Amu kaongelelji Kamuktaindet ne Toroor rani, ko mutai konereekyin ineendet tuiyet komugul ne po Israel.

JOSHUA 22:20

Tos ki ma ibutyi nereegek tuiyet komugul ne po Israel amu ki yai Akan weeriitap Zerah chalwokto eng' kiit ne ki itabaanat ak tos kimalus chiichooto ineegei eng' tengektanyi?”

JOSHUA 7:1

Ago ki yai chalwok piigap Israel agobo tuguuk che itabaanatiin. Ki ip Akan weeriitap Karmi, weeriitap Sabdi, weeriitap Zerah ne po pororyetap Judah tuguuk alak eng' che itabaanatiin. Ki nereech kot Kamuktaindet ne Toroor agobo piigap Israel.

JOSHUA 7:11

Kogoyai Israel tengekto, ee kogobistoe kayomisennyu ne kiga ang'at ak kogoip tuguuk eng' che itabaanatiin, kogochoorso, koberberis ak kogonde ole mi tuguukwak.