ATEPTAP LAWIK 10:1 - BUKUIT NE TILIIL Sireet ne Dutero Kanon

¹ King'etyo anyun weeriigap Aron, Nadap ak Abiu, konam chii tugul tereennyi ak konde maat oriit, yeityo konde oriit nyamdutik che kibeelei; ak ki igoito icheek eng' taitap Kamuktaindet ne Toroor maat ne teer ne ki ma ng'at ineendet.

Bukuit Ne Tilil

¹ King'etyo anyun weeriigap Aron, Nadap ak Abiu, konam chii tugul tereennyi ak konde maat oriit, yeityo konde oriit nyamdutik che kibeelei; ak ki igoito icheek eng' taitap Kamuktaindet ne Toroor maat ne teer ne ki ma ng'at ineendet.

BUKUIT NE TILIL

¹ Ak kinam Nadab ak Abiu werikab Aron chi tugul terennyi, ak konde mat orit, yeityo konde orit nyamdutik che kibeelei, ak kogoito eng’ taitab Jehovah mat ne ter ne kima ng’at inendet.

ATEPTAP LAWIK 10:1 ပူးပေါင်းရင်းမြစ်များ

1 LAITORINIK 18:38

Kochoorgei anyun maatap Kamuktaindet ne Toroor, ak kobeel kagoochinet ne kibeelei, kogees, ak kweenik, koik, ng'ung'unyek ak kobeel peek che ki mi keriinget kobek.

TIENWOGIKAL 141:2

Ingotogosta saaennyu ko uu nyamdutik eng' taing'ung'; ingoigei eunekyuk che anamjini parak korosyot ne po koskoleny.

KOMONG'U 24:1

Yeityo koleenji `Kamuktaindet ne Toroor Musa, “Otogosu ole mi Kamuktaindet ne Toroor, inyee, Aron, Nadap, Abiu ak poisyek tamanwogik tisap che po Israel. Ye neegit oitu ole ami, ong'uruukyo osaa.

KOMONG'U 24:9

Ki togosta anyun Musa ak Aron, Nadap, Abiu ak poisyek tamanwogik tisap che po Israel.

KOMONG'U 27:3

Min tereenikyik che ki ibe oreek ak kechigosyekyik che eecheen, taabookyik che mengeechen, kariik che sogotiin ak taabookyik alak che ki ibe maat. Yae tuguuchu tugul sugunonik.

KOMONG'U 28:1

“Imutu anyun Aron ng'eetap komet konyo ole ami kobooto weeriikyik, kobwa eng' ole mi piigap Israel, si kobiit koboisyeiwo eng' tisiisyet. Icheeget che imutu ko; Aron ak weeriikyik, Nadap, Abiu, Eleazar ak Ithamar.

KOMONG'U 31:11

ak mwaita ne ki iilse ak nyamdutigap tuguuk che ng'uu ne anyiny che po ole-tiliil. Yaei anyun icheek ko uu tugul che kaang'atiin.”

KOMONG'U 37:29

Ki chop mwaita ne tiliil ne ki ilse, ak nyamdutik che tiliileen che kibeelei che po tuguuchooto anyinyen che ng'uu ne anyiny, ne poisyetap ng'amotyot ne puruchi tuguuk che ng'uu ne karaaran.

KOMONG'U 38:3

Ki itaany tuguuk tugul che po kaptisisyet, tereenik, kechigok che eecheen, taabook che mengeechen, kariik che kirutunee panyeek ak taabook che ki ibe maat. Ki itaany tuguukyik tugul eng' sugunwet.

KOMONG'U 40:27

ak kibeelee kapkorosunooto nyamdutik che po tuguuk che ng'uu ne anyiny, ko uu ye ki ng'at `Kamuktaindet ne Toroor Musa.

KOMONG'U 6:23

Ki itun `Aron Eliseba, cheptap Aminadab, chepkametap Nason, ne ki sikyi ineendet Nadap, Abiu, Eleazar ak Ithamar.

KOMONG'U 8:27

Nyolu keebe panda ne po peetuusyek somok eng' surkwen, si kegoochi tiseiywot Kamuktaindet ne Toroor, Kamuktaindennyo, ko uu ye kong'atech.”

JEREMIA 19:5

ak ki koteekyi Baal komoswek che torooreen, si kobeel weeriikwak, koek kagoochinoik che kibeelei, kogoochin Baal; kiit ne ki ma ang'at, anan amwa, anan konyoonjo met:

JEREMIA 32:35

Ak ki teech komoswek che torooreen che po Baal, che mi atebweetap weeriitap Hinom, si kogoito weeriikwak ak tiibiikwak kobun maat kogoochi Molek; ne ki ma ang'at, ama kuura met, ale si kobiit koyai kii kiwechei; ak kogoochi Judah koyai tengekto.

JEREMIA 44:15

Ki wol anyun murenik tugul che ki ingen kole kibeeljin osotikwak nyamdutik kamuktaik che teer, ak kwonyiik tugul che kitonondos eng' ole neegit, che kituiyet ne oo, agot piik tugul che ki menyei emetap Misiri, eng' Patros, kowolji Jeremiah koleenji,

JEREMIA 44:8

amu otagena poisyonigap eunekwok, obeeljini nyamdutik kamuktaik eng' emetap Misiri, ole ki obe otebee; si kobiit kigeswok, ak oegu che kisasei ak che kichotei eng' pororyosyek tugul che po ng'wony?

JEREMIA 7:31

Kigoteech komoswek che torooreen che po Topet, ne mi atebweetap weeriitap Hinom, si kobeel weeriikwak ak tiibiikwak eng' maat; ne ki ma ang'at, ne ma kuura met.

ATEPTAP LAWIK 16:1

Ki ng'alaalji `Kamuktaindet ne Toroor Musa, ye kingo pata meetap weeriik aeng' che po Aron, ye kingo riikyi taitap Kamuktaindet ne Toroor,

ATEPTAP LAWIK 16:12

Ak konem tereet ne nyiitaat ng'etetyot ne punu maatap kaptisisyet ne mi taitap Kamuktaindet ne Toroor, ak ko nyiitaat eunekyik nyamdutik che ng'uu ne anyiny che ki kitui komengegitu, ak koip koba koot ne po oriit, ne ki kioiye angeet.

ATEPTAP LAWIK 22:9

Riibei anyun katigonutikyuk, si ma nam icheek tengektap tuguuchooto, ak kobekyi tuguuchooto ngo reeny. Anee Kamuktaindet ne Toroor ne atabaani icheek.

ATEPTAP LAWIK 9:24

Ak ki mong' maat kobunu taitap Kamuktaindet ne Toroor, ak kobeel kagoochinet ne kibeelei ak mwanik eng' kaptisisyet. Ye kingo keer piik tugul, kowokyo eng' poiboiyet, ak kobutyo kot kotiiny togoochikwak ng'wony.

KAITOSYEK 16:46

Yeityo koleenji `Musa Aron, “Ip tereeng'ung' ak inde maat ne punu kaptisisyet tereet oriit ak inde nyamdutik paragunnyi yeityo iip ichaaktae kwo ole miitei tuiyet si iyachi kagaigaet. Amu kagobun nereegek Kamuktaindet ne Toroor ak kagotoigei koroito.”

KAITOSYEK 26:61

Ago ki pek Nadap ak Abihu ye ki igoitoi kogoochinet eng' maat ne teer eng' taitap Kamuktaindet ne Toroor.

KAITOSYEK 4:18

“Among' kobet koniinda ooreetap kooriigap Kohatik eng' Lawiik.

NG'ATUTIK 12:32

“Oriip kiy age tugul ne ang'atook oyai. Amat otes anan ichuchuch.

NG'ATUTIK 17:3

ak kwo koot kanamonik kogutung'ji anan asiista anan arawet anan age tugul ne po chaang'indap kipsengwet ne ma ang'at,

NG'ATUTIK 4:2

Amotesyi kiy ng'olyoot ne ang'atook anan ochuchuch alak, si kobiit oriip ng'atuutigap Kamuktaindet ne Toroor Kamuktaindeng'wong' che ang'atook.

HEBRANIK 9:4

ne tinyei kapkorosutap thahabu, ak moingetap arorutyet ne ki kiliige thahabu komoswek tugul, ole ki mi tereet ne po thahabu ne ki mi mana, ak kirokto ne po Aron ne ki ing'ati, ak koik che po arorutyet;