ATEPTAP LAWIK 1:3 - BUKUIT NE TILIIL Sireet ne Dutero Kanon

³ “Ngo kagoochinennyi ko po tiseiywot ne kibeelei ne po tuuga, kogoitoi kirgit ne libwoop. Ingokweri kwo emait ne kituiyechin si kochamak eng' taitap Kamuktaindet ne Toroor.

Bukuit Ne Tilil

³ “Ngo kagoochinennyi ko po tiseiywot ne kibeelei ne po tuuga, kogoitoi kirgit ne libwoop. Ingokweri kwo emait ne kituiyechin si kochamak eng' taitap Kamuktaindet ne Toroor.

BUKUIT NE TILIL

³ Ngo kagochinennyi ko bo tiseiywot ne kibeelei ne bo tuga, kogoitoi kirgit ne libwob: ingokweri kwo emait ne kituiyechin, si kochamak eng’ taitab Jehovah.

ATEPTAP LAWIK 1:3 ပူးပေါင်းရင်းမြစ်များ

TAUNET 22:13

Kotabendo Abraham ak koguskong'; ogeero, mengit ne kanam sondiit kuinoikyik. Ki wo anyun Abraham koget mengit ak koeny koek kogoochinet ne kibeelei, kogeere weeriinnyi.

TAUNET 22:2

Koleenji, “Imut weeriing'ung', nooto ne ineegei, ne ichame, Isak, ak iwe agoi emetap Moriah, si igoite eng' olooto koek kagoochinet ne kibeelei eng' tulweet age ne tuun amwaun.”

TAUNET 22:8

Ki leenji Abraham, “Weeriinnyu, cheeng'jingei Kamuktaindet aarwetap keechiir ne egu kagoochinet ne kibeelei.” Yeityo koba tuwai.

TAUNET 8:20

Kiteekyi `Noah Kamuktaindet ne Toroor kaptisisyet, ak konam koip eng' tyony age tugul ne tiliil ak eng' toriit age tugul ne tiliil ak kogoito koek konunoik che kibeelei eng' kaptisiisyo.

2 ATEPTAP PEETUUSYEK 29:32

Ak ki ek koitetap kagoochinoik che kibeelei che kiget tuiyet, kiruugik tamanwogik tisap, mengichik pogol ak aaregap keechiir pogol aeng'; ki po chooto tugul kagoochinoik che kibeeljin Kamuktaindet ne Toroor.

2 ATEPTAP PEETUUSYEK 35:12

Ak ki isto kagoochinoik che kibeelei, si kobiit kogoito, ko uu ole ki kipcheita kooriigap kwanisyegap lagogap piik, kogoochi Kamuktaindet ne Toroor ko uu ye siraat eng' bukuitap Musa. Ak ki yachi ko uu nooto eiik.

TIENWOGIKAL 110:3

Chamdogei piiguk eng' peetuutap kimnateng'ung': eng' karaaranindap tiliilindo, ye machei koeech. Itinye rewootap ming'inateng'ung'.

TIENWOGIKAL 40:8

Abaibai ayai mageng'ung', ee Kamuktaindennyu, miitei ng'atuutyeng'ung' muguleldanyu.”

KOMONG'U 12:5

Egu arweng'wong' mengit ne libwoop ne ma siirei kenyiit agenge. Oleweni arwanooto eng' keechiirek anan ko ng'oroorek.

KOMONG'U 24:5

Yeityo koyookto murenik che neran che po piigap Israel kogoito kagoochinoik che kibeelei ak kieng'ji tuuga Kamuktaindet ne Toroor koek tiseiywegap kaalyeet.

KOMONG'U 29:18

Beel mengoto komugul eng' kaptisisyet: niito ko kagoochinet ne kibeelei ne po Kamuktaindet ne Toroor; nyamdutyet ne anyiny, kagoochinet ne kigoochin Kamuktaindet ne Toroor kobunei maat.

KOMONG'U 29:4

Imutu Aron ak weeriikyik kobwa kurgeetap emait ne kituiyechin ak iun icheek eng' peek.

KOMONG'U 29:42

Egu nooto kagoochinet ne kibeelei ne po kotugul eng' ibinwekwok tugul eng' kurgeetap emait ne kituiyechin eng' taitap Kamuktaindet ne Toroor, eng' ole kituiyechini ak inyee si ang'alaalun eng' olooto.

KOMONG'U 32:6

Ki ng'eetyo karon miising' eng' peetuut ne ki isubi peetuunooto ak kogoito kagoochinoik che kibeelei. Ki ip kagoochinoigap kaalyeet, ak ki tep ng'wony piik koamis, koeeiso ak kong'eetyo kourerenso.

KOMONG'U 35:21

Ki nyo age tugul ne ki ichirchir muguleldanyi, ak age tugul ne ki igiil muguleldanyi kogoon, ki ip kagoochinoigap Kamuktaindet ne Toroor che po poisyetap emait ne kituiyechin, che po poisyennyi tugul ak che po ngoroik che itabaanatiin.

KOMONG'U 35:29

Ki ipchi `piigap Israel Kamuktaindet ne Toroor kagoochinoik che po chamyet; muren age tugul ak kobogoryo age tugul che ki igiil mugulelwekwak koip tuguuk che po poisyonooto tugul, che kiga ng'at Kamuktaindet ne Toroor keyai eng' Musa.

KOMONG'U 35:5

Oip eng' kwenung'wong' kagoochinet ne kigoochin Kamuktaindet ne Toroor. Chii age tugul ne tinyei muguleldo ne chamei, ko ingoip, kagoochinet ne kigoochin Kamuktaindet ne Toroor: thahabu, fedha ak sugunonik,

KOMONG'U 36:3

Kitaach icheek kagoochinoik tugul eng' Musa che kiga koip piigap Israel keyae poisyetap ole-tiliil. Ki ipchi kogeny karonet age tugul kagoochinoik alak che po chamyet.

KOMONG'U 38:1

Ki yai kaptisisyet ole kibeelee tiseiywot eng' keetiigap chebitoik. Ki achin koindonyi ak tebeesindannyi ko mitainik aeng' ak robo eng' mitainik aeng' ak robo ak tononennyi kogimitait agenge ak robo.

ISAIAH 1:11

Tilei nee eng' anee chaang'indap tiseiywekwok? Mwaei Kamuktaindet ne Toroor. Kigonyia kagoochinoik che po peelset che po mengichik, ak sunetigap tuuga che pootin; ama paibaitune korotiigap kiruugik, anan ko che po aaregap keechiir, anan ko che po kwesik.

EZEKIEL 20:40

Amu tuun ota koot komugul ne po Israel eng' tulweennyu ne tiliil, eng' tulweet ne kooi ne po Israel, ota icheek tugul eng' emet, mwaei Kiptaiyat Kamuktaindet ne Toroor: ataache icheek eng' olooto, ak amagenak eng' olooto kagoochinoikwok, ak tongoanigap kagoochinoikwok, kobooto tuguukwok tugul che tiliileen.

EZEKIEL 40:39

Ak kimi ye neegitee keterutap ormariichet, mesosyek aeng'u eng' komosi ak aeng' eng' komosin, che kieng'jin kagoochinet ne kibeelei, ak kagoochinetap tengekto, ak kagoochinetap chalwokto.

ATEPTAP LAWIK 1:10

“Ngo po kagoochinennyi ne kibeelei neego che po keechiirek anan che po ng'oroorek ko ingogoitoi mengit anan kwesta ne libwoop.

ATEPTAP LAWIK 14:10

“Ak konam eng' peetuut ne po sisiit aarek aeng' che mengichik che libwoben, ak aarwetap keechiir, subeendo ne libwoop, ne ma siirei kenyiit agenge, ak kebebertap somok ne po litaiyat che po peek che ng'ootiin che tambulul, koek kagoochinetap peek, che ki kiburukto mwaita, ak taabeet ne ming'in ne po mwaita.

ATEPTAP LAWIK 16:7

Yeityo kokweri kwesichooto aeng', ak konde taitap Kamuktaindet ne Toroor, eng' kurgeetap emait ne kituiyechin.

ATEPTAP LAWIK 17:4

ama ket konyo kurgeetap emait ne kituiyechin, si kogoito koek kagoochinet ne igoochin Kamuktaindet ne Toroor eng' taitap kootap Kamuktaindet ne Toroor, ki ityin chiichooto korotiik. Kagotumda korotiik, ak king'etoi chiichooto eng' piikyik.

ATEPTAP LAWIK 17:8

“Ak ileenji icheek, Chii age tugul ne po kootap Israel, anan ne po punootik che mi kobooto icheek, ne igoitoi kagoochinet ne kibeelei anan tiseiywot,

ATEPTAP LAWIK 17:9

ama ket agoi kurgeetap emait ne kituiyechin, si kobiit koeng'ji Kamuktaindet ne Toroor, king'etoi chiichooto eng' piikyik.

ATEPTAP LAWIK 23:12

Ak eng' peetuunooto oongoi okweek peek, ogoite anyun mengit ne libwoop ne ma siirei kenyiit agenge koek kagoochinet ne kibeelei ne po Kamuktaindet ne Toroor.

ATEPTAP LAWIK 23:18

Ak ogoite kobooto magatiinik aarek tisap che libwoben che po keechiir che ma siirei kenyiit agenge ak kirgit agenge ne neran, ak mengichik aeng'. Egu kagoochinet ne kibeelei ne po Kamuktaindet ne Toroor, kobooto kagoochinennywa ne po peek ak kagoochinoikwak che kieei, kagoochinet ne punei maat, ne po nyamdutyet ne anyiny eng' Kamuktaindet ne Toroor.

ATEPTAP LAWIK 3:1

“Ngo kagoochinennyi ko tiseiywotap kaalyeet, ko ingogoitoi ne po tuuga; ngo kirgit anan ko rooryat, kogoitoi ne libwoop eng' taitap Kamuktaindet ne Toroor.

ATEPTAP LAWIK 4:15

Ingogonoor poisyegap tuiyet eunekwak metitap kirgooto, yeityo kebar kirgooto eng' taitap Kamuktaindet ne Toroor.

ATEPTAP LAWIK 4:23

ak ngiboorchi ineendet tengektanyi ne ki yai, koget kwesta ne libwoop kobunji kagoochinennyi.

ATEPTAP LAWIK 4:3

Ngo yai tengekto tisiindet ne ki kiil kot koipchi piik ng'oogisto, ko ingogoito anyun kirgit ne neran ne libwoop kogoochi Kamuktaindet ne Toroor koek kagoochinetap tengektanyi ne kogoyai.

ATEPTAP LAWIK 4:32

“Ngo kagoochinennyi ne po tengekto ko keechiiryet, ko ingoget subeendo ne libwoop,

ATEPTAP LAWIK 5:15

“Ngo yai chii age tugul chalwokto, lelutyet ne koma kokwetyin, eng' tuguuk che itabaanatiin che po Kamuktaindet ne Toroor, kokwerichi anyun Kamuktaindet ne Toroor kagoochinetap chalwoktanyi, mengit ne libwoop eng' akweetap keechiirek, ne po kamanuutyet ne irogendochini eng' shekelisyek che po fedha, ko uu shekel ne po ole-tiliil. Nooto ko kagoochinetap chalwokto.

ATEPTAP LAWIK 5:18

Ketu anyun mengit ne libwoop ne punu akweetap keechiirek kogetyi tisiindet, ko uu kamanuutyet ne irogendochini, si koek kagoochinetap chalwokto. Yae tisiindet kagaigaet agobo ineendet amu lelutyet nooto ki yai ama eng' kwetyinet, ak kenyochigaat.

ATEPTAP LAWIK 6:2

“Ngo yai chii age tugul tengek, koleelji Kamuktaindet ne Toroor amu kaiberber chiitap kokwennyi eng' tuguuk che kigoochin kogonor, anan eng' kamanisyet, anan eng' rebisyet, anan ngo sastae chiitap kokwennyi,

ATEPTAP LAWIK 6:8

Ki ng'alaalji `Kamuktaindet ne Toroor Musa koleenji,

ATEPTAP LAWIK 7:16

Ago, ngo kagoochinetap kongoi, anan kagoochinet eng' chameet, keamei eng' peetuunooto ka kigoitoi, ak keamei eng' peetuutap aeng' che kong'et eng' chooto.

ATEPTAP LAWIK 8:18

Ki kweri mengitap kagoochinet ne kibeelei, ak kogonoor Aron ak weeriikyik eunekwak metitap mengoto.

ATEPTAP LAWIK 8:21

Ki iun eng' peek tuguugap moo ak keelyek, ak kobeel mengoto komugul eng' kaptisisyet. Ki kagoochinet nooto ne kibeelei koek nyamdutyet ne anyiny, kagoochinet ne kigoochin Kamuktaindet ne Toroor kobun maat, ko uu ye ki ng'at `Kamuktaindet ne Toroor Musa.

ATEPTAP LAWIK 9:2

ak koleenji Aron, “Kweri kirgit ne ming'in ne libwoop koek kagoochinetap tengekto ak mengit ne libwoop koek kagoochinet ne kibeelei, ak igoite eng' taitap Kamuktaindet ne Toroor.

SEKARIA 13:7

Ng'eet, ee rotwetap chok, porye mestowondennyu, porye chiito ne ki mi tuwai, mwaei Kamuktaindet ne Toroor ne po lugoosyek: pir mestowot, si koiyesta keechiirek; ak atokyi eunnyu che mengeechen.

MALAKI 1:14

Ago chuboot kaberberindet, ne tinyei mengit eng' akweennyi, ak koarorto, yeityo koeng'ji Kiptaiyat kiit ne tinyei perutyet. Amu Aa Laitoryat ne oo, ak kiywei kainennyu eng' pororyosyek mwaei Kamuktaindet ne Toroor ne po lugoosyek.

KAITOSYEK 15:3

ak omach ochopchi Kamuktaindet ne Toroor kagoochinet ne punei maat, ngo kagoochinet ne kibeelei anan tiseiywot, si kobiit ogesu kayasyoet anan kagoochinet ne po chamyet anan eng' igoorwek che ki king'at, si oyachi Kamuktaindet ne Toroor nyamdutyet ne anyiny ne po tuuga anan ko ne po neego,

KAITOSYEK 15:8

Ye ichop kirgit ne ming'in koek kagoochinet ne kibeelei anan ko ne po tiseiywot, si kobiit igeesu kayasyoet anan ko che po kagoochinoigap kaalyeet eng' Kamuktaindet ne Toroor,

KAITOSYEK 19:2

“Kaneetisyet ni ne po ng'atuutyet ne ki kong'at Kamuktaindet ne Toroor kole: Mwachi piigap Israel kogetun rooryat ne piriir ne ma tinyei peruut, ne libwoop ne tomo kerat.

KAITOSYEK 23:19

Ma chiito Kamuktaindet, kot komwa lembech, anan weeriitap chii, kot kowal kabwaatutikyik. Tos kagomwa, ak ma yaei? Anan kagomwa, ama yaei kosulda?

KAITOSYEK 23:27

Ki leenji `Balak Balaam, “Nyoo anyun amutin komosta age, tamangap kocham Kamuktaindet ichubwa pichooto eng' olooto.”

KAITOSYEK 23:3

Yeityo koleenji `Balaam Balak, “Tonone ye mi kagoochineng'ung' ne kebeelei si awo; tamangap kotorookwo Kamuktaindet ne Toroor, ak amwaun anyun kiy age tugul ne kaiboorwo ineendet.” Ak ki wo tulweet parak ye lapkei.

KAITOSYEK 23:30

Ki yai anyun Balak ko uu ye kagamwa Balaam, ak ki igoito kirgit ak mengit eng' kaptisisyet age tugul.

KAITOSYEK 28:11

“Eng' taunetap arawet age tugul, ogoochi Kamuktaindet ne Toroor kagoochinet ne kibeelei: kiruugik aeng' che mengeechen, mengit agenge ak aarek tisap che mengichik che libwoben, che ma siirei kenyiit agenge.

KAITOSYEK 28:19

Ago ogoite kagoochinet ne punei maat, kagoochinet ne kibeelei, ne kigoochin Kamuktaindet ne Toroor: kiruugik aeng' che neran, mengit agenge ak aarek tisap che mengichik che ma siirei kenyiit agenge, egu che libwoben eng' okweek.

KAITOSYEK 28:31

Ogoitoi che kitesyin kagoochinet ne kibeelei ne po kotugul, kagoochinennyi ne po peek kobooto kagoochinoikwak che kieei. Egu che libwoben eng' okweek.

KAITOSYEK 29:13

Ogoite kagoochinet ne kibeelei ne punei maat, ne po nyamdutyet ne anyiny eng' Kamuktaindet ne Toroor: kiruugik taman ak somok che neran, mengichik aeng' ak aarek che mengichik taman ak ang'wan che ma siirei kenyiit agenge, egu che libwoben.

KAITOSYEK 29:2

Ogoochi Kamuktaindet ne Toroor kagoochinet ne kibeelei ne po nyamdutyet ne anyiny: kirgit agenge ne neran, mengit agenge ak aarek tisap che mengichik che libwoben che ma siirei kenyiit agenge.

LUKA 1:35

Ak ki wolji malaikaiyat koleenji, “Nyonjinin Kabuuset ne Tiliil ak kouurin kamuktaetap Ineendet Ne Toroor Miising'; nooto anyun kiguure ne tiliil, Weeriitap Kamuktaindet, ineendet ne tuun kisichei.

JOHANA 1:36

ak ki keerot `ineendet Jeso kowendoti, ak kole, “Ogeero, Aarwet ne po Kamuktaindet!”

JOHANA 10:7

Koleenji anyun Jeso icheek kogeny, Amwaiwok, iman, iman, ale, Aa kurgeetap keechiirek.

JOHANA 10:9

Aa kurgeet: ngwo chii age tugul ko ne puna anee, kesaru, ak kwo ko, ak komanda saang', ak konyoor ole kiyage.

2 KORINTOEK 8:12

Amu ngo choboot kabwaatetap chii, ko taachaksei ko uu ye tinyei chii, ma ko uu ye ma tinyei.

2 KORINTOEK 9:7

Ingogoito chii age tugul ko uu ye Ki kochop eng' muguleldanyi; ma eng' ng'ooknateet, anan torchinet: amu chamei Kamuktaindet ne igoitoi eng' poiboiyet.

EPESOEK 2:18

amu kinyooru acheek tuwai eng' ineendet ooreennyo eng' Kabuuset ne Tiliil agenge, ne ki itee ole mi Kwanda.

EPESOEK 5:27

si kobiit komutyigei kaniset, nooto ne po toroornatet, ne ma tinyei kunenden anan siring'ut anan kiy age tugul ne uu nooto; ago koek ne tiliil ne ma tinyei tisya.

NG'ATUTIK 12:27

ak igoite kagoochinoiguk che kibeelei, panyeek kobooto korotiik eng' kaptisisyetap Kamuktaindet ne Toroor Kamuktaindeng'ung'. Iroong'jin korotiigap tiseiyweguk kaptisisyetap Kamuktaindet ne Toroor Kamuktaindeng'ung' yeityo iam panyeek.

NG'ATUTIK 15:21

Ngo ma libwoop, ngo ng'wali anan ngo koraat, anan ngo tinyei peruut age tugul ne ya, ko matyeng'ji nooto Kamuktaindet ne Toroor Kamuktaindeng'ung'.

NG'ATUTIK 17:1

“Ameeng'ji Kamuktaindet ne Toroor Kamuktaindeng'ung' eito anan keechiiryet ne tinyei peruut, anan kiy age tugul ne ya amu wechei nooto Kamuktaindet ne Toroor Kamuktaindeng'ung'.

HEBRANIK 7:26

Amu nyoljinech tisiindet ne oo ne uu ni, ne tiliil, ne ma tinyei keniisyet, ama tinyei murwoonindo, ne itabaanat eng' kiptengegiinik, ak ki kitoroor kosiir kipsengwet;

HEBRANIK 9:14

kotiliili anyun ne tya korotiigap Kristo, ne ki igoochigei Kamuktaindet eng' Kabuuset ne po koigeny, koma tinyei peruut, kotiliil kabwaateng'wong' eng' poisyosyek che meiyotiin si oboisyechi Kamuktaindet ne sabei!