ATEPTAP LAWIK 1:10 - BUKUIT NE TILIIL Sireet ne Dutero Kanon

¹⁰ “Ngo po kagoochinennyi ne kibeelei neego che po keechiirek anan che po ng'oroorek ko ingogoitoi mengit anan kwesta ne libwoop.

Bukuit Ne Tilil

¹⁰ “Ngo po kagoochinennyi ne kibeelei neego che po keechiirek anan che po ng'oroorek ko ingogoitoi mengit anan kwesta ne libwoop.

BUKUIT NE TILIL

¹⁰ Ak ngo bo nego kagochinennyi, che bo kechirek, anan che bo ng’ororek, kobunji kagochinet ne kibeelei; kogoitoi mengit anan kwesta ne libwob.

ATEPTAP LAWIK 1:10 ပူးပေါင်းရင်းမြစ်များ

TAUNET 4:4

Ki kwerichi Abel agine iyoteetap tai che akwaen che po akweennyi. Ak ki cham `Kamuktaindet ne Toroor Abel ak kagachinennyi,

TAUNET 8:20

Kiteekyi `Noah Kamuktaindet ne Toroor kaptisisyet, ak konam koip eng' tyony age tugul ne tiliil ak eng' toriit age tugul ne tiliil ak kogoito koek konunoik che kibeelei eng' kaptisiisyo.

KOMONG'U 12:5

Egu arweng'wong' mengit ne libwoop ne ma siirei kenyiit agenge. Oleweni arwanooto eng' keechiirek anan ko ng'oroorek.

EZEKIEL 43:22

Ak igoite eng' peetuut ne po aeng' kwesta ne libwoop koek kagoochinetap tengekto; yeityo koanyiny icheek kaptisisyet ko uu ye kagagoanyinye kirgit.

ATEPTAP LAWIK 14:10

“Ak konam eng' peetuut ne po sisiit aarek aeng' che mengichik che libwoben, ak aarwetap keechiir, subeendo ne libwoop, ne ma siirei kenyiit agenge, ak kebebertap somok ne po litaiyat che po peek che ng'ootiin che tambulul, koek kagoochinetap peek, che ki kiburukto mwaita, ak taabeet ne ming'in ne po mwaita.

ATEPTAP LAWIK 16:3

Nyoonei Aron ole tiliil ak kirgit ne neran kobunji kagoochinetap tengekto, ak mengit kobunji kagoochinet ne kibeelei.

ATEPTAP LAWIK 16:5

Ak koget eng' tuiyetap piigap Israel kwesik aeng' kobunji kagoochinetap tengekto, ak mengit agenge kobunji kagoochinet ne kibeelei.

ATEPTAP LAWIK 22:19

si kobiit ketaachak, ogoitoi kagoochinet ne kirgit ne libwoop eng' tuuga, anan eng' keechiirek, anan eng' ng'oroorek.

ATEPTAP LAWIK 23:12

Ak eng' peetuunooto oongoi okweek peek, ogoite anyun mengit ne libwoop ne ma siirei kenyiit agenge koek kagoochinet ne kibeelei ne po Kamuktaindet ne Toroor.

ATEPTAP LAWIK 3:1

“Ngo kagoochinennyi ko tiseiywotap kaalyeet, ko ingogoitoi ne po tuuga; ngo kirgit anan ko rooryat, kogoitoi ne libwoop eng' taitap Kamuktaindet ne Toroor.

ATEPTAP LAWIK 4:23

ak ngiboorchi ineendet tengektanyi ne ki yai, koget kwesta ne libwoop kobunji kagoochinennyi.

ATEPTAP LAWIK 4:3

Ngo yai tengekto tisiindet ne ki kiil kot koipchi piik ng'oogisto, ko ingogoito anyun kirgit ne neran ne libwoop kogoochi Kamuktaindet ne Toroor koek kagoochinetap tengektanyi ne kogoyai.

ATEPTAP LAWIK 5:15

“Ngo yai chii age tugul chalwokto, lelutyet ne koma kokwetyin, eng' tuguuk che itabaanatiin che po Kamuktaindet ne Toroor, kokwerichi anyun Kamuktaindet ne Toroor kagoochinetap chalwoktanyi, mengit ne libwoop eng' akweetap keechiirek, ne po kamanuutyet ne irogendochini eng' shekelisyek che po fedha, ko uu shekel ne po ole-tiliil. Nooto ko kagoochinetap chalwokto.

ATEPTAP LAWIK 9:2

ak koleenji Aron, “Kweri kirgit ne ming'in ne libwoop koek kagoochinetap tengekto ak mengit ne libwoop koek kagoochinet ne kibeelei, ak igoite eng' taitap Kamuktaindet ne Toroor.

MALAKI 1:14

Ago chuboot kaberberindet, ne tinyei mengit eng' akweennyi, ak koarorto, yeityo koeng'ji Kiptaiyat kiit ne tinyei perutyet. Amu Aa Laitoryat ne oo, ak kiywei kainennyu eng' pororyosyek mwaei Kamuktaindet ne Toroor ne po lugoosyek.

KAITOSYEK 15:5

Ingoito anyun litait agenge ne po divaik kobunji kagoochinet ne kieei, chop chooto kobooto kagoochinet ne kibeelei anan ko tiseiywot, si kigoito kobooto aarwet age tugul ne po keechiir.

KAITOSYEK 19:2

“Kaneetisyet ni ne po ng'atuutyet ne ki kong'at Kamuktaindet ne Toroor kole: Mwachi piigap Israel kogetun rooryat ne piriir ne ma tinyei peruut, ne libwoop ne tomo kerat.

KAITOSYEK 6:14

yeityo kogoochi kagoochinennyi Kamuktaindet ne Toroor; mengit agenge ne ma siirei kenyiit agenge ne libwoop koek kagoochinet ne kibeelei, subeendo agenge ne libwoop ne po keechiir ne ma siirei kenyiit agenge koek kagoochinetap tengekto ak mengit agenge ne libwoop kobunji kagoochinoigap kaalyeet.

JOHANA 1:29

Eng' peetuut ne po aeng' kogeer `Johana Jeso konyonjin, ak kole, “Ogeero, Aarwet ne po Kamuktaindet, ne ibei tengektap ng'wony!

1 PETERO 1:19

ago eng' korotiik che po kamanuutyet ne oo, ko uu che po aarwet ne ma tinyei peruut ak ne ma tinyei tisya, chooto ko korotiigap Kristo: