2 TIMOTEO 4:17 - BUKUIT NE TILIIL Sireet ne Dutero Kanon

¹⁷ Ago ki tonon Kiptaiyat kobooto, ak kogimita; si kobiit keamda eng' anee ng'aleek komyee, ak si kogas Pororyosyek tugul: ak ki kisarwo eng' kutitap ng'etundo.

Bukuit Ne Tilil

¹⁷ Ago ki tonon Kiptaiyat kobooto, ak kogimita; si kobiit keamda eng' anee ng'aleek komyee, ak si kogas Pororyosyek tugul: ak ki kisarwo eng' kutitap ng'etundo.

BUKUIT NE TILIL

¹⁷ Ago kitonon Kiptaiyat kobota, ak kogimita; si kobiit keamda eng’ ane ng’alek komie, ak si kogas Bororiosiek tugul: ak kigisorua eng’ kutitab ng’etundo.

2 TIMOTEO 4:17 ပူးပေါင်းရင်းမြစ်များ

TIENWOGIKAL 109:31

Amu tonone eutap tai ne po ineendet ne panani, si kosar ineendet eng' icheek che irwookyin saboondanyi.

TIENWOGIKAL 22:21

Sarwo eng' kutitap ng'etundo; ee, kaiwolwo eng' kuinoigap soenik.

KALEWANAIK 20:2

Uu porisenetap ng'etundo kamuisetap laitoryat; ineendet ne tachei laitoryat koyachin saboondanyi tengekto.

KALEWANAIK 28:15

Uu ng'etundo ne pooriseni ak magalaluut ne ombenoti, pounindet ne ya ne pou kibananook.

ISAIAH 41:10

ameiyweisye, amu ami kobooten; amearagen, amu aa Kamuktaindeng'ung': agimiitin; ee, atoretiin; ee, anamin eng' eunnyu ne po tai ne po imandanyu.

ISAIAH 41:14

Meiywei, inyee Jakobo, ne ii kutyet, ak okweek piigap Israel; atoretiin, mwaei Kamuktaindet ne Toroor, ak katyagindeng'ung' ko Ineendet ne Tiliil ne po Israel.

JEREMIA 2:30

Ki abir lagokwok puch, ma cham icheeget katigonet. Kigobar rotweng'ung' po chok maotikwok, ko uu ng'etundo ne ng'emisyei.

MATAYO 10:19

Ago ye igoitook, ko mogereer met agobo ole ong'alaaldoi anan kiit ne omwae; amu ki koonok eng' sainooto ne omwae.

LUKA 1:1

Amu ki konde eunekwak che chaang' kotet ng'aleek agobo tuguuchooto ki kosulda eng' kwenunnyo,

LUKA 21:15

amu agoonok kutit ak utaatyet, ne ma imuuchi puunikwok tugul kota kowol kiy anan kogirindaak.

POISYONIGAP CHE KIYOKTOI 23:11

Ak eng' kemout ne ki isubi nooto kotonon Kiptaiyat eng' ye neegitee ineendet ak koleenji, “Nyiganitu: amu ko uu ye ki ibaoryanjo eng' Jerusalem, ko uu nooto kanyool ibaoryan eng' Rome agine.”

POISYONIGAP CHE KIYOKTOI 9:15

Ago ki leenji Kiptaiyat, “Ui inyee, amu kinnyu ineendet ne aboisyee ne ki alewen, si koip kainennyu taitap Pororyosyek ak laitorinik, ak piigap Israel:

ROMANIK 15:31

si kobiit kityaacha eng' icheek che ma kase iit eng' Judea, si koek poisyennyu ne atinye agobo Jerusalem ne taagaksei eng' che tiliileen;

2 KORINTOEK 12:9

Ak ki leenjo, Yamin myeeindonyu: amu kiyaei kamugennyu koek ne ititaat eng' nyalulet. Alasuge anyun eng' poiboiyet miising' kosiir amu nyalulnatosyekyuk, si kobiit kotebena kamugetap Kristo.

EPESOEK 3:8

Ki kigoono myeini, anee, ne aa ming'in kosiir ineendet ne ming'in eng' che tiliileen tugul: aamji Pororyosyek mogornatosyegap Kristo che ma isiagaksei;

1 TIMOTEO 1:12

Amwachini kongoi ineendet, ne ki imuktaiwa, ineendet Kristo Jeso Kiptaiyandennyo, amu kiita kole aa chiito ne kiyani, kondea poisyet;

2 TIMOTEO 2:1

Kimitu anyun, lakweennyu, eng' myeeindo ne miitei eng' Kristo Jeso.

2 TIMOTEO 2:9

ne anyoorunee nyalilda, agoi monjorornatosyek; ko uu chiito ne yaei yaityo; ago ma rataat ng'olyootap Kamuktaindet.

2 TIMOTEO 3:11

usiisyosyek, nyalilwogik; tuguuchooto che kibwanjo eng' Antiok, ak Ikonia, ak Lystra; ki amuite eng' usiisyosyechooto tugul: ak kisarwo Kiptaiyat eng' chooto tugul.

2 TIMOTEO 4:5

Ago riipkei inyee eng' tuguuk tugul, muite eng' nyalilda, yai poisyetap amdaetap logoiywek che myach, yai poisyeng'ung' kosulda.

TITO 1:3

ago ki ng'aany ng'olyoondennyi eng' peetuusyekyik eng' amdaet, ne ki kiyanwa ko uu ng'atuutyetap Kamuktaindet Yetindennyo:

HEBRANIK 11:33

che ki iterteer laitornatosyek eng' kayaneet, koyai imanda, ki sich arorutik, kiger kutusweegap ng'etuunyik,

1 PETERO 5:8

Oriipkei, oriipse: amu wendoti punyondeng'wong' chesawilyet, ko uu ng'etundo ne pooriseni, kocheeng'ei ne amei:

2 PETERO 2:9

ko ingen anyun Kiptaiyat kosar eng' yoomseet che iywei Kamuktaindet ak koriip che ma po imanda kot koit peetuutap kirwooget, si tuun kirwookyi.

1 SAMUEL 17:37

Kamuktaindet ne Toroor ne kisarwo eng' siyoogap ng'etundo ak eng' siyoogap tyonyooto, kosarwo eng' eutap Philistindoni.” Koleenji `Saulo Daudi, “Ui ak mi Kamuktaindet ne Toroor kobooten.”