2 TIMOTEO 3:12 - BUKUIT NE TILIIL Sireet ne Dutero Kanon

¹² Ee, tugul che machei kotebi eng' atebeet ne myee eng' Kristo Jeso, konyooru usiisyet.

Bukuit Ne Tilil

¹² Ee, tugul che machei kotebi eng' atebeet ne myee eng' Kristo Jeso, konyooru usiisyet.

BUKUIT NE TILIL

¹² Ee, tugul che machei kotebi eng’ atebet ne mie eng’ Kristo Jesu, konyoru usisiet.

2 TIMOTEO 3:12 ပူးပေါင်းရင်းမြစ်များ

MATAYO 16:24

Kingo pata koleenji Jeso kasubikyik, “Ngo machei chii kosubwo, ko nyolu koeesyogei, ak kosut koip kimurtoiyondennyi, ak kosubwo.

MATAYO 23:34

Nooto anyun ayookwok maotik, piik che ng'oomen ak siriik, che alak eng' icheek ko tuun obare ak ogartoti, ak obire kipchoritiit alak eng' icheek eng' sinagogisyekwok, ak ousoti kong'etee nganaseet age agoi nganaseet age.

MARIKO 10:30

ne ma nyooru konyil pogol nguno eng' peetuusyechu, kooriik, ak ng'eetap kametwagik, ak chepkametwagik, ak kametwagik, ak lagok, ak mbareenik, kobooto usiisyosyek; ak eng' peetuusyek che tuun pwoonei, saboondap koigeny.

JOHANA 16:2

Oonok eng' sinagogisyek. Nyoonei sait, ne ibwaati chii tugul ne parok kole, ayachini Kamuktaindet poisyet.

JOHANA 16:33

Kaamwaiwok tuguuchu, si kobiit onyoorunena kaalyeet. Otinye nyalilda eng' ng'wony! Ago onyiganitu; amu kaaterter ng'wony.”

JOHANA 17:14

Ki agoochi ng'olyoondeng'ung'; ak kawech ng'wony icheek, amu ma po ng'wony, ko uu ye ma po ng'wony anee.

POISYONIGAP CHE KIYOKTOI 14:22

Ki igimitoti saboonwegap kasubik, ko ki ili koba tai eng' kayaneet ak koleenji, “Kanyool keit laitornatetap Kamuktaindet eng' nyalilwogik che chaang'.”

1 KORINTOEK 15:19

Ngot ko kogimang'u Kristo eng' sabooni kityo, ko kaagaa ki piik che tinyei riirek kosiir tugul.

2 KORINTOEK 1:12

Amu kalasunennyo ko ni, paornateetap kabwaatennyo, keele ki kiteptoi tiliilindo ak atepto ne ma tinyei keniisyet, ne po Kamuktaindet, eng' ng'wony, ma eng' utaatyetap poorto ago eng' myeeindap Kamuktaindet, ak ne siirei miising' ko eng' komostang'wong'.

2 KORINTOEK 4:9

Ki onwech, ago ma kibagaaktaech; ki wiirtaech ago ma ki parech;

1 TIMOTEO 2:2

agobo laitorinik ak tugul che tinyei pounateet; si kobiit ketebee kaalyeet ak mutyonet eng' kayweet ne kiywei Kamuktaindet ak teegisto.

1 TIMOTEO 3:16

Ak ne matiny, ko oo ung'ootyot ne po kayweet ne kiywei Kamuktaindet: Ineendet ne king'ang'ak eng' poorto, ki kiityi imanda eng' Kabuuset ne Tiliil, ne ki keer malaikaisyek, ne ki kiamda eng' Pororyosyek, ne ki iyan che po ng'wony, ne ki kimut kwo parak eng' toroornatet.

1 TIMOTEO 6:3

Ngo neeti chii age tugul kaneetisyet ne teer, ama chamei ng'aleek che po iman, ng'aleegap Kiptaiyandennyo Jeso Kristo, ak kaneetisyet ne namegei ak atebeet ne po kaiyweisyetap Kamuktaindet;

TITO 1:1

Paulo, otwogindetap Kamuktaindet, ak kayooktoindet ne po Jeso Kristo, ko uu kayaneetap che ki kilewen che po Kamuktaindet, ak naetap imanit ne namegei ak kayweet ne kiywei Kamuktaindet,

TITO 2:12

Ineetech kole keeesye ooreet ne ma tokyingei Kamuktaindet, ak maguutik che po ng'wony, ak ketebi eng' ng'omnateet ne litit, ak eng' imanda, ak eng' ooreet ne tokyingei Kamuktaindet eng' kenyisyechu;

JOSHUA 17:14

Ki ng'alaalji `lagogap Joseph Joshua koleenji, “Amu nee si igoono parbaryat agenge, kebeberta agenge koek poroteet ak ingen ile aa pororyet ne oo amu ki koberuura Kamuktaindet ne Toroor agoi rani?”

1 PETERO 3:14

Ago ngot onyalili agobo imanda, ko oo poiboen: amoiywei kamuisennywa, anan oiimge:

2 PETERO 3:11

Amu tuun chotoos tuguuchuuto tugul ko uu niito, ko nyolu oegu piik che uu nee eng' atebeet ne tiliil ak kayweetap Kamuktaindet,

NG'ANG'UTYET 12:4

Ak ichuuti katutyennyi kebeberta agenge eng' somok ne po kecheigap kipsengwet, ak kowiirchi ng'wony. Ki tonon maswetit eng' taitap kwonyooto ne kimachei kosigiis, kole si ye sigis, koam lakweet.

NG'ANG'UTYET 7:14

Ki aleenji ineendet, “Kiptaiyandennyu, ingen inyee.” Koleenjo anyun, “Chu ko icheek che punu nyalilda ne oo; ak ki komwet ngoroikwak koleelagitu eng' korotiigap Aarwet.