2 TIMOTEO 2:22 - BUKUIT NE TILIIL Sireet ne Dutero Kanon

²² Ago mwee maguutik che po neranik, ak isup imanda, chamyet, kayaneet, kaalyeet, kobooto icheeget che kuurei Kiptaiyat eng' mugulelwek che tiliileen.

Bukuit Ne Tilil

²² Ago mwee maguutik che po neranik, ak isup imanda, chamyet, kayaneet, kaalyeet, kobooto icheeget che kuurei Kiptaiyat eng' mugulelwek che tiliileen.

BUKUIT NE TILIL

²² Ago mwee magutik che bo neranik, ak isub imanda, chamnyet, kayanet, kalyet, koboto icheget che kuurei Kiptaiyat eng’ mugulelwek che tililen.

2 TIMOTEO 2:22 ပူးပေါင်းရင်းမြစ်များ

TIENWOGIKAL 119:9

Itiliile nee mureno ooreennyi? Kogas iit, ko uu ng'olyoondeng'ung'.

TIENWOGIKAL 17:1

Kas imanda, ee Kamuktaindet ne Toroor, epchi iit riirekyuk; ingogas iting'ung' saaennyu, ne ma mang'une kutitap ng'aalseet.

KALEWANAIK 15:8

Wechei `Kamuktaindet ne Toroor tiseiywotap kiptengeginik, ago poiboenji saaetap che po iman.

KALEWANAIK 6:5

Sarugei ko uu ye sarugei kenyeleet eng' kiplogotyot, ko uu toriityon ne sarugei eng' eutap namindetap toriitik.

KALEWANAIK 7:8

kobunei ooreet ole neegitee luuitap kwonyooto, ak ki isup ooreet ne wendi koonnyi,

ATEPTAP LAWIK 15:18

Ak ngo tuiyogei muren ak kwony ak komaanda kesweegap iyoteet, konyolu kouungei icheek tuwai, ak komurwoniitu tuwai agoi koimen.

POISYONIGAP CHE KIYOKTOI 7:59

Kolach anyun Stepano, koguurei Kiptaiyat, koleen, “Kiptaiyat Jeso, taach saboondanyu.”

POISYONIGAP CHE KIYOKTOI 9:14

ak tinyei eng' yuto kimnateet ne punu tisiik che eecheen si korat tugul che kuurei kaineng'ung'.”

ROMANIK 14:17

amu laitornatetap Kamuktaindet koma amisyet ak eeiset, ago imanda ak kaalyeet ak poiboiyet eng' Kabuuset ne Tiliil.

ROMANIK 14:19

Nooto anyun, ongisup tuguuk che yaei kaalyeet, ak tuguuk che kiteegegei acheegei eng' acheegei.

1 KORINTOEK 1:10

Asoomok miising' anyun, che kitupche, eng' kainetap Kiptaiyandennyo Jeso Kristo, ale, omwa tugul kiit agenge, si ma piit pesyosyek eng' kwenung'wong'; ago si oegu che ititaatiin kibagenge eng' kabwaatet agenge ak eng' kirwooget agenge.

1 KORINTOEK 1:2

kisirchini kanisetap Kamuktaindet ne miitei Korinto, icheek che ki kitabaan eng' Kristo Jeso, che ki kiguur koek che tiliileen, kobooto tugul che kuurei kainetap Kiptaiyandennyo Jeso Kristo eng' komosta age tugul, Kiptaiyannyo ak ko nenywa.

1 KORINTOEK 10:14

Nooto anyun, chamanikyuk, omwee piteetap kanamonik.

1 KORINTOEK 14:1

Osup chamyet; ak ocheeng' miising' konunoik che po Kabuuset, ago ne siirei ko oamde logoiywek.

1 KORINTOEK 6:18

Omwee ibeetapkei. Tengek age tugul ne yaei chii komiitei saang'utap poorto; ago ineendet ne yaei ibeetapkei koyachin poortanyi tengekto.

1 TIMOTEO 1:14

ak kitesak myeeindap Kiptaiyandennyo kobarait kobooto kayaneet ak chamyet ne mi eng' Kristo Jeso.

1 TIMOTEO 1:5

Ago kasuldaetap ng'atuutyoni ko chamyet ne punu muguleldo ne tiliil ak kabwaatet ne myee ak kayaneet ne ma tinyei keniisyet:

1 TIMOTEO 2:8

Amache anyun ale kosaaei murenik eng' komosta age tugul, konamjin parak eunekwak che tiliileen, koma mi nereegek ak tiyet.

1 TIMOTEO 4:12

Amat kosas chii ming'inateng'ung'; ago egu kaboorunet eng' icheek che iyani, eng' ng'olyoot, eng' atepto, eng' chamyet, eng' kayaneet, eng' tiliilindo.

1 TIMOTEO 6:11

Ago inyee, ee, chiitap Kamuktaindet, mwee tuguuchuuto; ak isup imanda, ak kayweet ne kiywei Kamuktaindet, kayaneet, chamyet, muitaet, mutyonet.

HEBRANIK 12:14

Ogiilgei otebi eng' kaalyeet kobooto piik tugul, ak tiliilinooto ne ngo ma tinyei chii koma imuuchi kogeer Kiptaiyat:

1 PETERO 2:11

Chamanichu, asoomok ko uu ye oo toek ak ko oo kiprutoinik, ale oistoegei maguutik che po poorto, che poortos ak saboondo;

1 PETERO 3:11

Ingoistoegei yaityo, ak koyai ne myee; Ingocheeng' kaalyeet ak koosup.

3 JOHANA 1:11

Chamanani, amesup yaityet ago isup ne myee. Ineendet ne yaei ne myee ko po Kamuktaindet; ineendet ne yaei yaityo ko tomo kogeer Kamuktaindet.