2 TIMOTEO 2:19 - BUKUIT NE TILIIL Sireet ne Dutero Kanon

¹⁹ Ago tononi lumeiywot ne kiim ne po Kamuktaindet, kotinyei ng'ooksoni keele, Ingen Kiptaiyat icheek che chechiik; ak, Ingoistoegei yaityet age tugul ne mwaei kainetap Kiptaiyat.

Bukuit Ne Tilil

¹⁹ Ago tononi lumeiywot ne kiim ne po Kamuktaindet, kotinyei ng'ooksoni keele, Ingen Kiptaiyat icheek che chechiik; ak, Ingoistoegei yaityet age tugul ne mwaei kainetap Kiptaiyat.

BUKUIT NE TILIL

¹⁹ Ago tononi lumeiywot ne kim ne bo Jehovah, kotinyei ng’oksoni kele, Ingen Kiptaiyat ichek che chechik; ak, Ingoistoegei yaitiet age tugul ne mwaei kainetab Kiptaiyat.

2 TIMOTEO 2:19 ပူးပေါင်းရင်းမြစ်များ

Kitabuutap JOB 28:28

Ak ki mwachi chiito, koleenji, ‘Ogeero, ngiywei Kiptaiyat, ko utaatyet nooto; Ak ngeistoegei yaityet, ko kaguiyet nooto.’ ”

TIENWOGIKAL 1:6

Amu ingen Kamuktaindet ne Toroor ooreetap che po imanda; ago petei ooreetap kiptengeginik.

TIENWOGIKAL 112:6

Amu ma koi kiisto; kibwaati ne po iman koigeny.

TIENWOGIKAL 34:14

Istoegei yaityo, ak iyai ne myee; cheeng' kaalyeet, ak isup.

TIENWOGIKAL 37:18

Ingen Kamuktaindet ne Toroor peetuusyegap che ititaatiin, ak po koigeny porotennywa.

TIENWOGIKAL 97:10

Ee okweek che ochame Kamuktaindet ne Toroor, owech yaityet; riibei saboonwegap chechiik che tiliileen; saru icheek eng' eutap kiptengeginik.

KALEWANAIK 10:25

Ye siirto kipchurchuryet koma komi kiptengekyot, ago lumeiywot ne po koigeny chiito ne po iman.

KALEWANAIK 3:7

Amendegei inyegei ile ii utaat; iywei Kamuktaindet ne Toroor, ak iistoegei yaityo.

ISAIAH 14:32

Kiwoljin nee anyun piik che kiyooktoi, che po pororyet? Kele, “Kagolumda Kamuktaindet ne Toroor Zion, ak komwechi olooto piikyik che ki kius.”

ISAIAH 28:16

mwaei anyun Kiptaiyat Kamuktaindet ne Toroor kole, Ogeero, andoi Zion koita koek lumeiywot, koita ne kigetyem, koita ne po kamanuutyet ne oo ne po luuita, lumeiywot ne kiim; ma igirgiri ne iyani.

ISAIAH 63:19

Kageige piik che kitom ibou; ko uu icheeget che ma kimwaitae kaineng'ung'.

ISAIAH 65:15

Ak omete kaineng'wong' koek chubisyet eng' chechuuk che ki alewen, ak kobarin Kiptaiyat Kamuktaindet ne Toroor; ak koguur otwogikyik eng' kainet age:

EZEKIEL 9:4

Ak ki leenji `Kamuktaindet ne Toroor ineendet, Ui pun kwenutap nganaseet, kwenutap Jerusalem, ak ing'ooch turyosyegap togoochigap piik che tigendos ak koriirtos agobo tuguuk tugul che kiwechei che ki yai eng' kwenunnyi.

NAHUM 1:7

Myee Kamuktaindet ne Toroor, irimeet eng' peetuutap nyalilda; ak kongen icheeget che imang'u ineendet.

HAGGAI 2:23

‘Eng' peetuunooto, anamin ee Zerubabel otwogindennyu, weeriitap Shealtiel, ak ayain iige ng'ookset, amu ki alewenin,’ ” mwaei Kamuktaindet ne Toroor ne po lugoosyek.

SEKARIA 3:9

Amu, ogeero, koita ne ki ande taitap Joshua; tinyei koita agenge koonyek tisap: ogeero, asirchini siruutik koyata eng' waet, mwaei Kamuktaindet ne Toroor ne po lugoosyek, ak aiste tengektap emonooto eng' peetuunak.

KAITOSYEK 16:5

Yeityo komwachi Kora ak piikyik koleenji, “Ibooru Kamuktaindet ne Toroor mutai karon che chechiik ak ne tiliil. Ineendet ne kaguur kwo ole mi ineendet, koriikyi, ko nooto ne leweni.

KAITOSYEK 6:27

“Indoi kainennyu piigap Israel, ak aberuur icheek.”

MATAYO 24:24

Amu tuun ng'eetos Kristoisyek che po lembech ak maotik che po lembech, ak koboortoi kaboorunoik ak kwang'utik che eecheen; si kobeet, nda imugaksei, agot che lewenotin.

MATAYO 28:19

Nooto anyun oba ak oyai piigap pororyosyek tugul koek kasubik, obatisan icheek eng' kainetap Kwanda ak ne po Weeriit ak ne po Kabuuset ne Tiliil,

MATAYO 7:23

Ak amwachi anyun icheek eng' yooto kotook aleenji, “Mangenok kobooch agoi; oistoenage okweek che oyae yaityo.”

MATAYO 7:25

ak ki roobon, ak ki pwa mogoochek, ak kius usoonaik, ak koryep koyooto; ama iluul, amu ki kiteech rwandet parak.

MARIKO 12:16

Ak ki ipchi. Ak ki leenji icheek, Po ng'oo itooni ak sirooni? Ak koleenji, “Po Caesarea.”

MARIKO 13:22

Amu ng'eetos Kristoisyek che po lembech, ak maotik che po lembech, ak koboortoi kaboorunoik ak kwang'utik, si kobeet, agot che kigelewen nda imugaksei.

LUKA 13:27

Ak tuun mwaei kole, “Mangen ole obunu; oba eng' anee, okweek tugul yaigap tengek!”

LUKA 6:48

kergei ineendet ak chiito ne teechei koot, ne ki pal kororokto miising', ak konde lumeiywot rwandet: ak ye kingo chang'a peek, koryep peegap mogoch koyooto, ama imuuch kotumdum: amu kiga kiteech komyee.

JOHANA 10:14

Aa mestowot ne myee. Angen chechuuk ak kongeno chechuuk,

JOHANA 13:18

“Ma mwaei agobo okweek tugul: angen che ki alewen: ago si kobiit kosulda siruutyet, ne ki le, Ineendet ne amei magatyandennyu, ko kagong'eet kwaryandennyi koyaiywo ne ya.

JOHANA 3:33

Ineendet ne kagotaach paornatennyi ko kagonde ng'ooksennyi, kole po iman Kamuktaindet.

POISYONIGAP CHE KIYOKTOI 11:26

ak kingo kagonyoor, komut konyo Antiok. Ara ki iyumgei eng' kenyiit agenge kobooto kaniset, ak koneet piik che chaang'. Ki kitoi keguure kasubik Kristyanik eng' Antiok.

POISYONIGAP CHE KIYOKTOI 15:17

si kocheeng' piik che ng'etunotiin Kiptaiyat, ak Pororyosyek tugul che kiguurtoe kainennyu.

POISYONIGAP CHE KIYOKTOI 9:14

ak tinyei eng' yuto kimnateet ne punu tisiik che eecheen si korat tugul che kuurei kaineng'ung'.”

ROMANIK 11:2

Ki ma toorta `Kamuktaindet piikyik che kisip konai. Anan ma onai ne mwaei sireet agobo Elijah? Ko uu ye king'andoi `ineendet Yahudik eng' taitap Kamuktaindet kole,

ROMANIK 12:9

Ingoek chamyet ne ma tinyei ng'aalseet. Wech miising' nooto ya; onamge ak ne myee.

ROMANIK 15:20

ee, ayae nooto koek kiit ne atoorchinigei ale aamda logoiywek che myach, ma eng' ole kigemwae kainetap Kristo, si ma teech eng' lumeiywotap chiito age;

ROMANIK 15:9

ak si kotoroor Pororyosyek Kamuktaindet amu rireenennyi; ko uu ye ki kisir keele, Nooto anyun alasun eng' kwenutap Pororyosyek, Ak atyenji kaineng'ung'.

ROMANIK 8:28

Ak kingen keele, eng' icheek che chamei Kamuktaindet, kotuitos tuguuk tugul si kobois koreu che myach eng' icheek che kigeguur ko uu magennyi.

ROMANIK 9:11

amu ye ki tomo kesich lagok, koyai kiy age tugul ne myee anan ne ya, si kobiit kotonon mageetap Kamuktaindet ko uu lewenet, ama po poisyonik, ago po ineendet ne kuursei,

1 KORINTOEK 1:2

kisirchini kanisetap Kamuktaindet ne miitei Korinto, icheek che ki kitabaan eng' Kristo Jeso, che ki kiguur koek che tiliileen, kobooto tugul che kuurei kainetap Kiptaiyandennyo Jeso Kristo eng' komosta age tugul, Kiptaiyannyo ak ko nenywa.

1 KORINTOEK 8:3

ago ngo chamei chii age tugul Kamuktaindet, konaat chiichooto eng' ineendet.

2 KORINTOEK 7:1

Amu ki tinyei arorutichu anyun, chamanichu, ongitiliilgei, keiste simdo tugul ne po poorto ak ne po saboondo si keityi tiliilindo eng' kaiyweisyetap Kamuktaindet.

GALATYEK 4:9

ago nguno ko kaonai Kamuktaindet, anan ko kagonaak okweek Kamuktaindet, amu nee anyun si oweektegei let kogeny oweekyigei kaneetisyosyek che po tai che nyalulyotin ak che po pananda, eng' chooto omache oweekyigei otwogindennywa kogeny?

EPESOEK 2:20

Kigeteechak eng' lumdaetap che kiyooktoi ak maotik, Kristo Jeso ineendet ko koita ne oo ne po luuita;

EPESOEK 3:15

ne nyoorunee ineendet kainennywa ooreet age tugul ne po kapchii, eng' kipsengwet ak ng'wony,

EPESOEK 4:30

Ak amogoochi arageneet Kabuuset ne Tiliil ne po Kamuktaindet ne ki kindaenak ng'ookset agoi peetuutap katyaget.

1 TIMOTEO 3:15

ago ngot agagei, imuuchi inai ole kanyool kotepto piik eng' kootap Kamuktaindet, nooto kanisetap Kamuktaindet ne sabei, toloita ak irimeetap imanit.

1 TIMOTEO 6:19

kogonorchigei lumdaet ne myee, agobo peetuusyek che pwoonei, si kobiit konam saboondo nooto ne po iman.

HEBRANIK 11:10

amu ki igeni nganaseet ne tinyei lumeiywek, ne Kamuktaindet teegindet ak ko yaindet.

2 PETERO 3:14

Nooto anyun, chamanichu, amu ogeni tuguuchooto, ogiilgei si tuun kenyoorwok omi eng' kaalyeet ko motinye tisya amotinye leluut eng' tainnyi.

1 JOHANA 2:19

Kimandoi eng' olinnyo, ki ma ko chechook; amu nda ki chechook, ta kitebyei kobootech: ago ki pa, si kobiit kotook keele ki ma ko chechook tugul.

NG'ANG'UTYET 17:8

Tyonyi kegeere komi, ama komi; ak ko neegit komong' eng' keriinget ne ma igoksei, ak kwo luseet. Ak kwong'dos icheek che menyei ng'wony, che ki ma kisirchi kainaikwak bukuitap saboondo kobooch ngap kelumda ng'wony, ye keer tyondo, amu ki mi, ama komi, ak kota konyonei.

NG'ANG'UTYET 2:13

“Angen ole imenye, ole mi ng'echereetap laitornatet ne po Setani. Iname kainennyu miising', ama ieesye kayanennyu, agot eng' peetuusyegap Antipa paoryandennyu, nenyu ne po iman, ne ki kibar eng' kwenung'wong', ole menyei Setani.

NG'ANG'UTYET 21:14

Ak ki tinyei irimeetap nganaseet lumeiywek taman ak aeng', ak ki mi kainaik tamanu ak aeng' che po che kiyooktoi taman ak aeng' che po Aarwet.

NG'ANG'UTYET 22:4

ak keerei togeennyi; ak mi kainennyi togoochikwak.

NG'ANG'UTYET 3:8

Angen poisyoniguk. Keero, kaande taing'ung' kurgeet ne yaataat, ne ma imuuchi chii koger. Angen ale itinye kimnateet ne ming'in, ak ki iriip ng'olyoondennyu, ama ieesye kainennyu.