2 TIMOTEO 2:12 - BUKUIT NE TILIIL Sireet ne Dutero Kanon

¹² ngemuite, ko tuun ki pou kobooto ineendet: ngot keeesye ineendet, ko tuun eesyoech agine:

Bukuit Ne Tilil

¹² ngemuite, ko tuun ki pou kobooto ineendet: ngot keeesye ineendet, ko tuun eesyoech agine:

BUKUIT NE TILIL

¹² ngemuite, ko tun kibou koboto inendet: ngot keesie inendet, ko tun esioech agine:

2 TIMOTEO 2:12 ပူးပေါင်းရင်းမြစ်များ

KALEWANAIK 30:9

si ma piye ak aeesyen, ak ale, “Ng'oo Kamuktaindet ne Toroor?” Anan si ma egu kibanania, ak achoorse, si ma mwa kainetap Kamuktaindennyu eng' tangoi.

MATAYO 10:33

Ago age tugul ne eesyoa eng' taitap piik, aeesyoi ineendet agine eng' taitap Abba ne mi kipsengwet.

MATAYO 26:35

Koleenji Petero, “Agot nda kanyool ame kobooten, koma eesyoin.” Ak ki mwa ko uu nooto kasubik tugul.

MATAYO 26:75

Ki ibwaat Petero ng'olyoot ne kiga komwa Jeso kole, “Kotom koote kipsoiywet, ieesyoa konyil somok.” Ak kimanda saang' ak koriir eng' ng'wanindo.

MARIKO 10:33

kole, “Ogeero, kitogostoi Jerusalem; ak kindoi `Weeriitap chii eunegap tisiik che eecheen ak siriik; ak korwookyi kirwooget ne po meet, ak konde `ineendet eunegap pororyosyek;

MARIKO 8:38

Amu age tugul ne ililani agobo anee kobooto ng'aleekyuk eng' ibinita po sokseet ak tengek, ko tuun ililanjin agine Weeriitap chii ineendet, ye tuun nyoonei eng' liilindap Kwandanyi kobooto malaikaisyek che tiliileen.”

LUKA 12:9

Ago ineendet ne eesyoa eng' taitap piik kotun keesyoi agine eng' taitap malaikaisyek che po Kamuktaindet.

LUKA 22:29

ak kaagoonok laitornatet, ko uu ye kigogoono Abba,

LUKA 22:30

si kobiit oamisye ak koeise mesennyu eng' laitornatennyu, ak tuun otebee ng'echerok che po laitornatet, orwookyini ortinwek taman ak aeng' che po Israel.

LUKA 9:26

Amu age tugul ne ililanjino ak ng'aleekyuk ko tuun ililanjin agine Weeriitap chii chiichooto, ye tuun nyoonei eng' toroornatennyi, ak ne po Kwanda, ak ne po malaikaisyek che tiliileen.

POISYONIGAP CHE KIYOKTOI 14:22

Ki igimitoti saboonwegap kasubik, ko ki ili koba tai eng' kayaneet ak koleenji, “Kanyool keit laitornatetap Kamuktaindet eng' nyalilwogik che chaang'.”

ROMANIK 5:17

Amu ngo kiboi meet eng' pistoetap agenge; ne siirei miising' anyun, kobou eng' saboondo icheek che taachei chaang'indap myeeindo ak konunet ne po imanda eng' agenge, nooto Jeso Kristo.

ROMANIK 8:17

ak ngo ki lagok, ko ki che punjinech tuguuk; che punjinech tuguugap Kamuktaindet, ak che punjinech tuguuk kobooto Kristo; ngot kenyalildosi kobooto ineendet, si kitoroorech kobooto ineendet.

PILIPIK 1:28

amat komuok puunik eng' kiy age tugul: nooto kaboorunet ne tagunoot ne po luseet eng' icheek, ago po yetuneng'wong', ak punu nooto Kamuktaindet;

1 TIMOTEO 5:8

Ago ngo ma riibei chii piikyik, ak che siirei ko che po koonnyi, ko kagoesyo kayaneet, ak ko ya kosiir chiito ne ma iyan.

JUDA 1:4

Amu mi piik alak che ki chut oriit eng' ung'oot, icheek che ki kichopchi kirwoogoni kobooch keny, piik che ma iywei Kamuktaindet, che walei myeeindap Kamuktaindet nenyo koek mageet ne ya, ak koesyoi Laitoryandennyo, ne ineegei, ak ko Kiptaiyandennyo Jeso Kristo.

NG'ANG'UTYET 1:6

ak koyaech keegu laitornatet, tisiik che poisyechin Kamuktaindet nenyi ak ko Kwanda; nenyi toroonatet ak kimnateet koigeny ak koigeny. Amen.

NG'ANG'UTYET 1:9

Aa Johana, tupcheng'wong' ak ko aa ne kiyamdoi tugul nyalilda ak laitornatet ak muitaet eng' Jeso, ki ami emet ne ki ikween peek ne kiguure Patmo amu ng'olyootap Kamuktaindet ak paornateetap Jeso.

NG'ANG'UTYET 2:13

“Angen ole imenye, ole mi ng'echereetap laitornatet ne po Setani. Iname kainennyu miising', ama ieesye kayanennyu, agot eng' peetuusyegap Antipa paoryandennyu, nenyu ne po iman, ne ki kibar eng' kwenung'wong', ole menyei Setani.

NG'ANG'UTYET 20:4

Ak ki ageer ng'echerogap laitornatet, ak kitebee icheek, ak ki kigoochi icheek korwooch. Ak ki ageer saboonwegap icheek che ki kitil metowek amu paornateetap Jeso, ak agobo ng'olyootap Kamuktaindet, ak icheek che ki ma kolasu tyondo, anan kanamwennyi, ak che ki ma nyoor perutyet eng' togoochikwak anan eng' eunekwak; ak kisopcho ak kolaitoran kobooto Kristo kenyiisyek eliphuut.

NG'ANG'UTYET 20:6

Paibai ak ko tiliil ne tinyei yamdaet eng' ng'eetyeet ne po tai. Mabou icheek meet ne po aeng'; ago egu icheek tisiigap Kamuktaindet ak ko po Kristo, ak kolaitoran ak ineendet kenyiisyek eliphuut agenge.

NG'ANG'UTYET 3:10

Amu ki iriip ng'olyootap muitaennyu, ariibin agane eng' saitap yoomseet ne nyoonjin ng'wony komugul, si kotyem icheek che menyei ng'wony.

NG'ANG'UTYET 3:21

“Ineendet ne iterteeri, kotun agoochini kotebi kobooto eng' ng'echerennyu ne po laitornatet, ko uu ye ki aterteer agane ak ketebi ak Abba eng' ng'echerennyi ne po laitornatet.

NG'ANG'UTYET 3:8

Angen poisyoniguk. Keero, kaande taing'ung' kurgeet ne yaataat, ne ma imuuchi chii koger. Angen ale itinye kimnateet ne ming'in, ak ki iriip ng'olyoondennyu, ama ieesye kainennyu.

NG'ANG'UTYET 5:10

Ki iyai icheek koek pororyet ak tisiik eng' Kamuktaindet nenyo, ak tuun laitorani icheek eng' ng'wony.”