2 THESSALONIKEK 3:5 - BUKUIT NE TILIIL Sireet ne Dutero Kanon

⁵ Ingondochi Kiptaiyat mugulelwekwok agoi chamyetap Kamuktaindet ak muitaetap Kristo.

Bukuit Ne Tilil

⁵ Ingondochi Kiptaiyat mugulelwekwok agoi chamyetap Kamuktaindet ak muitaetap Kristo.

BUKUIT NE TILIL

⁵ Ak ingondochi Kiptaiyat mugulelwekwok agoi chamnyetab Jehovah, ak muitaetab Kristo.

2 THESSALONIKEK 3:5 ပူးပေါင်းရင်းမြစ်များ

1 LAITORINIK 8:58

Ingoyai mugulelwekyok kotokyigei ineendet, kebendatee ortinwekyik tugul, keriip ng'atuutikyik, etanutikyik ak kirwoogutikyik, che ki ng'at kwanisyekyok.

1 ATEPTAP PEETUUSYEK 29:18

Ee Kamuktaindet ne Toroor, Kamuktaindetap Abraham, ak ko po Isak, ak ko po Israel, kwanisyekyok, riip ng'olyoondoniito koigeny eng' kabwaatutik che ibwaati mugulelwegap piiguk, ak ichopchigei mugulelwekwak.

TIENWOGIKAL 119:36

Tokyi muguleldanyu paornatosyeguk, ametokyi mageet ne ya.

TIENWOGIKAL 119:5

Ee, kata myee nda ka kiimeen ortinwekyuk si kobiit asup ng'atuutiguk!

TIENWOGIKAL 40:1

Ki aagen miising' Kamuktaindet ne Toroor; ak ki epcha iit, kogas riirekyuk.

KALEWANAIK 3:6

Ng'aany ineendet eng' ortinweguk tugul, si kolitiitu ortinweguk.

JEREMIA 10:23

Ee Kamuktaindet ne Toroor, angen ale, ma po uu chii ortinwekyik; amaindochin chii kabwaatutikyik.

JEREMIA 31:33

Ago ni kayomiset ne kiyomisigei ak kootap Israel ye ibata peetuusyechooto, mwaei Kamuktaindet ne Toroor; andoi ng'atuutyennyu oriitinnywa, ak asirchini mugulelwekwak: ak aegu Kamuktaindennywa, ak koek piikyuk.

RIREKAB JEREMIA 3:26

Myee eng' chii komong' ak kogen eng' muitaet yetunetap Kamuktaindet ne Toroor.

ROMANIK 5:5

ma koonu kamang'unet kililan; amu kigerong'ji chamyetap Kamuktaindet mugulelwekyok eng' Kabuuset ne Tiliil ne kigegoonech.

ROMANIK 8:25

Ago ngimang'u nooto ma kigeere, kigeni nooto anyun eng' muitaet.

ROMANIK 8:28

Ak kingen keele, eng' icheek che chamei Kamuktaindet, kotuitos tuguuk tugul si kobois koreu che myach eng' icheek che kigeguur ko uu magennyi.

1 KORINTOEK 8:3

ago ngo chamei chii age tugul Kamuktaindet, konaat chiichooto eng' ineendet.

GALATYEK 5:22

Ago logoiyatap Kabuuset ne Tiliil ko chamyet, poiboiyet, kaalyeet, muitaet, talasyet, myeeindo, atepto ne kiyani,

NG'ATUTIK 30:6

Imuratani `Kamuktaindet ne Toroor Kamuktaindeng'ung' muguleldang'ung' ak mugulelwegap iyoteng'ung', si icham Kamuktaindet ne Toroor Kamuktaindeng'ung' eng' muguleldang'ung' komugul ak eng' saboondang'ung' komugul si isap.

1 THESSALONIKEK 1:10

ak ogeni Weeriinnyi ne punu kipsengwet, ne ki ing'eet komong' eng' che ki pek, ineendet Jeso, ne sarwech eng' nereeknateet ne nyoonei.

1 THESSALONIKEK 1:3

kibwaati ne ma kisise, poisyeng'wong' ne po kayaneet ak poisyet ne uui ne po chamyet ak muitaetap kamang'unet eng' Kiptaiyandennyo Jeso Kristo, eng' taitap Kamuktaindet nenyo ak ko Kwanda.

1 THESSALONIKEK 3:11

Ingondochi anyun pandanyo kebwa oldang'wong', Kamuktaindet nenyo ak ko Kwanda ineendet ak Kiptaiyandennyo Jeso;

2 TIMOTEO 4:8

kobooch nguno ko kagegonorwo kuutweet ne po imanda, ne tuun koono Kiptaiyat, kirwoogindet ne po imanda, eng' peetuunooto: ago ma aneege, ago icheeget tugul ak icheek che ki kocham tagunennyi.

TITO 2:13

kigeni kamang'unet ne iberuurot, nooto ko tagunetap toroornatetap Kamuktaindet nenyo ne oo ne Yetindennyo Jeso Kristo;

HEBRANIK 9:28

ko uu nooto Kristo agine, kingo kagigoito konyil agenge si koip tengekwogigap che chaang', ko tuun taagu ne po aeng', ma agobo tengek, ago agobo icheek che igeni ineendet agoi yetunet.

JAKOBO 2:5

Ogaso, tupchosyekyuk ak ko chamanikyuk; tos ki ma lewen Kamuktaindet che ponondos eng' ng'wony koek mogoreek eng' kayaneet, ak koek che nyooru laitornatet ne ki koarorchi icheek che chamei ineendet?

1 PETERO 4:1

Nooto anyun ko uu ye kinyalil Kristo eng' poorto, ogermenge anyun eng' kabwaatonooto; amu ki kityaach eng' tengekto ineendet ne kinyalil eng' poorto;

2 PETERO 3:12

ogeni nyonunetap peetuutap Kamuktaindet, ak ogiili, amu nooto anyun chotoos kipsengwet eng' maat, ak kochootyo tuguuk tugul che ki kiyae parak eng' maat ne koroom?

1 JOHANA 4:19

Kichame, amu kisip kochamech ineendet.

NG'ANG'UTYET 1:9

Aa Johana, tupcheng'wong' ak ko aa ne kiyamdoi tugul nyalilda ak laitornatet ak muitaet eng' Jeso, ki ami emet ne ki ikween peek ne kiguure Patmo amu ng'olyootap Kamuktaindet ak paornateetap Jeso.

NG'ANG'UTYET 13:10

Ngo luulis chii, keluulei ineendet: ngo paris chii eng' rotwetap chok, kobare ineendet rotwetap chok matiny. Mi yu muitaet ak kayaneetap piik che tiliileen.