2 THESSALONIKEK 3:1 - BUKUIT NE TILIIL Sireet ne Dutero Kanon

¹ Ne po let anyun, che kitupche, osaiywech si kobiit kochaakta ng'olyootap Kiptaiyat ak kitoroor, ko uu ole teptoi eng' okweek;

Bukuit Ne Tilil

¹ Ne po let anyun, che kitupche, osaiywech si kobiit kochaakta ng'olyootap Kiptaiyat ak kitoroor, ko uu ole teptoi eng' okweek;

BUKUIT NE TILIL

¹ Ne bo let anyun, che kitupche, osaiywech, si kobiit kochakta ng’olyotab Kiptaiyat ak kitoror, ko u ole teptoi eng’ okwek agine;

2 THESSALONIKEK 3:1 ပူးပေါင်းရင်းမြစ်များ

TIENWOGIKAL 138:2

Agutunyi atokyinige hekalung'ung' ne tiliil, ak agoochini kaineng'ung' kongoi amu chamyeng'ung' ne tala amu imandang'ung'; amu ki ieet ng'olyoondeng'ung' kosiir kaineng'ung' komugul.

MATAYO 9:38

Nooto anyun osaa Kiptaiyat ne po kesisyet, si kobiit koyookyi kiboitiinik kesisyennyi.”

LUKA 10:2

Ago ki leenji icheek, Oo kesisyet ago ng'ering' kesik: nooto anyun osoom Kiptaiyat ne po kesisyet, si kobiit koyookyi kesik kesisyennyi.

POISYONIGAP CHE KIYOKTOI 12:24

Ago ki testai ng'olyootap Kamuktaindet, ak koityi che chaang'.

POISYONIGAP CHE KIYOKTOI 19:20

Kotesak ko uu nooto anyun ng'olyootap Kiptaiyat eng' kimnateet ak koterteer.

POISYONIGAP CHE KIYOKTOI 6:7

Kitesak anyun ng'olyootap Kamuktaindet; ak kotesak miising' koitetap kasubik eng' Jerusalem; ak kogas iit kayaneet tuiyet ne oo ne po tisiik.

ROMANIK 15:30

Asoomok miising' anyun che kitupche, eng' Kiptaiyandennyo Jeso Kristo, ak eng' chamyetap Kabuuset ne Tiliil, ale ogiilgei kobooto eng' saautikwok che osaae Kamuktaindet agobo anee;

1 KORINTOEK 16:9

amu kogiyatwa kurgeet ne oo ne nyoljin poisyonik, ak mi puunik che chaang'.

2 KORINTOEK 1:11

otoretech ak okweek kibagenge eng' soomeng'wong'; si kobiit kogoito kongoi piik che chaang' agobo acheek, amu konunet ne ki kigoonech eng' toretetap che chaang'.

2 KORINTOEK 13:11

Ne po let anyun, che kitupche, ko saisere. Oegu che chobootiin; oegu che po kagaigaet; oegu che po kabwaatet agenge; otebi eng' kaalyeet: ak mi Kamuktaindet ne po chamyet ak kaalyeet kobootok.

KOLOSAIK 4:3

osaiywech ak acheek, si koyatwech Kamuktaindet kurgeet ne po ng'olyoot, kemwa ung'ootyetap Kristo; ki kirata agobo nooto;

1 THESSALONIKEK 1:5

keele ki ma pwonjok logoiywekyok che myach eng' ng'olyoot kityo, ago eng' kimnateet agine, ak eng' Kabuuset ne Tiliil ak eng' naet ne ongen inne; ko uu ye ongen ole ki kipiik che uu nee eng' taing'wong' agobo okweek.

1 THESSALONIKEK 1:8

Amu ki kogasak ng'olyootap Kiptaiyat kobun olong'wong', ma eng' Makedonia ak Akaia kityo, ago ki koyom komosta age tugul kayaneng'wong' ne otinye eng' Kamuktaindet; kot koma kemage kiy kota kemwa kiy age tugul.

1 THESSALONIKEK 2:1

Amu ongen okweek, tupchosyechu, itunennyo ne ki kiitu olong'wong', ole ki ma ek puch:

1 THESSALONIKEK 2:13

Kimwachini anyun Kamuktaindet kongoi, amu ng'olyoondoniito, ama kisistosi keele, ye kingo taach ng'olyoot ne ki ogasenech, nooto ng'olyootap Kamuktaindet, ki otaach, ma ko uu ng'olyootap piik, ago ko uu ye mi eng' imanit, ng'olyootap Kamuktaindet, nooto agine ne poisyei eng' okweek che oyani.

1 THESSALONIKEK 4:1

Ne po let anyun, tupchosyechu, kesoomok miising' ak kiteeiywok eng' Kiptaiyat Jeso, ko uu ye ki otaach eng' acheek, ole kanyool obetite ak obaibaite Kamuktaindet, agot ko uu ye obendoti, si kobiit obaraitu miising' inne.

1 THESSALONIKEK 5:17

osaae kotugul;

1 THESSALONIKEK 5:25

Tupchosyechu, osaiywech.

2 TIMOTEO 2:9

ne anyoorunee nyalilda, agoi monjorornatosyek; ko uu chiito ne yaei yaityo; ago ma rataat ng'olyootap Kamuktaindet.