2 THESSALONIKEK 2:8 - BUKUIT NE TILIIL Sireet ne Dutero Kanon

⁸ Ak yeityo keng'aany ngelelyot, ne tuun parei Kiptaiyat Jeso eng' kabuusetap kutinnyi, ak kong'em koek puch eng' ng'ang'eetap nyonunennyi;

Bukuit Ne Tilil

⁸ Ak yeityo keng'aany ngelelyot, ne tuun parei Kiptaiyat Jeso eng' kabuusetap kutinnyi, ak kong'em koek puch eng' ng'ang'eetap nyonunennyi;

BUKUIT NE TILIL

⁸ Ak yeityo keng’any ngeleliot, ne tun barei Kiptaiyat Jesu eng’ kabusetab kutinnyi, ak kong’em koek buch eng’ ng’ang’etab nyonunennyi;

2 THESSALONIKEK 2:8 ပူးပေါင်းရင်းမြစ်များ

2 SAMUEL 23:7

Ago chiito ne namei ko kanyool kotinyei kariik ak irumetap ng'otit; kibeelei eng' maat kogeskei eng' komostanywa.

Kitabuutap JOB 4:9

Petos eng' kabuusetap Kamuktaindet, ak kigeesu eng' usetap nereegekyik.

TIENWOGIKAL 18:15

Ki took anyun kereruusyegap peek, ak king'ang'agis lumeiywegap ng'wony, ye ki iger kong' inyee, ee Kamuktaindet ne Toroor, eng' cheetap kabuusetap seruneguk.

ISAIAH 11:4

ago irwooksechin kibananook eng' imanda, ak koger kong' che talaen che po ng'wony eng' imanda: ak kobir ng'wonyuni eng' kirokto ne po kutinnyi, ak kobare kiptengeginik kabusennyi.

ISAIAH 30:28

ak uu kabusennyi kereruut ne mi peek che ing'irtogei, che itei kaatit, si kobiit kochuchugan pororyosyek eng' kipchuchugetap ng'emisyet, ak kirate kutusweegap piik karnet ne imaasi.

HOSEA 6:5

Ki awai anyun icheek eng' maotik; ki abare icheek ng'aleegap kutinnyu: ak uu kirwoogutiguk lapkeiyet ne mong'u.

MATAYO 13:19

Ye kasei chii age tugul ng'olyootap laitornatet ama iguiyo, ko nyoonei anyun ineendet ne ya ak korebee ne kagagelechi muguleldanyi. Niito ne ki kilechi tabandap ooreet.

MATAYO 13:38

ak mbareet ko ng'wony. Kesweek che myach ko weeriik che po laitornatet, ak chemulbainik ko weeriitap ineendet ne ya.

MATAYO 16:27

Tuun nyoonei Weeriitap chii eng' liilindap Kwandanyi kobooto malaikaisyekyik, ak kogoochi chii age tugul ko uu poisyonikyik.

MATAYO 16:28

Amwaiwok iman ale, mi alak eng' che tonondos eng' yu che ma chamchami meet kot kogeer konyonei Weeriitap chii eng' pounatennyi.”

1 KORINTOEK 1:28

ak ki lewen Kamuktaindet tuguuk che ma taagunotiin che po ng'wony, ak tuguuk che kisasei, ak tuguuk che ma miitei, si kowal koek puch tuguuk che miitei:

2 THESSALONIKEK 2:3

amat kong'alak chii eng' kiy age tugul; amu ma itu peetuunooto, kobatee indou katuituet ak keng'aany chiito ne po tengekto, weeriitap luseet,

1 TIMOTEO 6:14

ale iriip ng'atuutyet amanyoor peruut, ne ma kimuuchi keger kong', agoi tagunetap Kiptaiyandennyo Jeso Kristo:

2 TIMOTEO 1:10

ago kagotook nguno eng' tagunetap Yetindennyo Kristo Jeso, ne ki kobar meet, ak kong'aany saboondo ak ng'emisyet ne ma komi, eng' logoiywek che myach,

2 TIMOTEO 4:1

Kang'atiin anyun eng' taitap Kamuktaindet, ak Kristo Jeso, ne tuun irwookyin che saptos ak che ki kobek, ak eng' tagunennyi ak eng' laitornatennyi;

2 TIMOTEO 4:8

kobooch nguno ko kagegonorwo kuutweet ne po imanda, ne tuun koono Kiptaiyat, kirwoogindet ne po imanda, eng' peetuunooto: ago ma aneege, ago icheeget tugul ak icheek che ki kocham tagunennyi.

TITO 2:13

kigeni kamang'unet ne iberuurot, nooto ko tagunetap toroornatetap Kamuktaindet nenyo ne oo ne Yetindennyo Jeso Kristo;

HEBRANIK 10:27

ago kagenet ne po kirwooget eng' kaiyweisyet, ak koroomnatetap maat ne igeesu puunik.

1 JOHANA 2:13

Asirwok kwanisyechu, ama ki onai ineendet ne ki mi kobooch taunet. Asirwok murenju, amu ki oterter ineendet ne ya. Kasirwak lagochu mengech, amu ongen Kwanda.

1 JOHANA 3:12

Ma ko uu Kain ne ki po ineendet ne ya, ak ki par ng'eetap kamet. Amu nee si kobar? Amu kiyaachen poisyonikyik, ak ki po imanda che po ng'eetap kamet.

1 JOHANA 5:18

Kingen keele ma yaei tengekto chii age tugul ne kigesich eng' Kamuktaindet; ago ineendet ne kigesich eng' Kamuktaindet koriibei ineendet, ama twaei chiichooto ineendet ne ya.

NG'ANG'UTYET 1:16

Ki tinyei kecheik tisap eng' eunnyi ne po tai, ak ki mang'une kutinnyi rotwetap chok ne ng'atiben komoswek tuwai. Ki uu togeennyi asiista ne iluu eng' kimnateennyi.

NG'ANG'UTYET 13:5

Ak ki kigoochi ineendet kutit kong'alaal tuguuk che eecheen ak chubisyosyek; ak ki kigoochi ineendet kimnateet koboisyee arawek artam ak aeng'.

NG'ANG'UTYET 19:15

Ak ki mang'une kutinnyi rotwetap chok ne ng'atip, si kobiit kobire pororyosyek: ak koboi icheek eng' kirokto ne po karnet: ak kotyech sabibuk eng' ole kituisye che po koroomnateet ne po nereegegap Kamuktaindet Ne po Kamuktaet.

NG'ANG'UTYET 2:16

Sigu anyun! Ngo ma uu nooto, anyoonjin achogu, ak anyoo aborye icheek eng' rotwetap chok ne po kutinnyu.

NG'ANG'UTYET 20:10

Ak ki kiwiirchi chesawilyet ne ki iberber icheek araraitap maat ak koik che laldos, ole miitei ak icheek tyondo ak maotyot ne po lembech; ak kinyaliili peet ak kemoi agoi koigeny ak koigeny.