2 THESSALONIKEK 2:13 - BUKUIT NE TILIIL Sireet ne Dutero Kanon

¹³ Ago kanyool kemwachi Kamuktaindet kongoi kotugul agobo okweek, che kitupche che chamanigap Kiptaiyat, amu ki lewenjok Kamuktaindet yetunet kobooch taunet eng' katabaanetap Kabuuset ne Tiliil ak kayaneetap imanit:

Bukuit Ne Tilil

¹³ Ago kanyool kemwachi Kamuktaindet kongoi kotugul agobo okweek, che kitupche che chamanigap Kiptaiyat, amu ki lewenjok Kamuktaindet yetunet kobooch taunet eng' katabaanetap Kabuuset ne Tiliil ak kayaneetap imanit:

BUKUIT NE TILIL

¹³ Ago kanyol kemwachi Jehovah kongoi kotugul agobo okwek, che kitupche che chamanikab Kiptaiyat, amu kilewenjok Jehovah yetunet koboch taunet eng’ katabanetab Tamirmiriet ak kayanetab imanit:

2 THESSALONIKEK 2:13 ပူးပေါင်းရင်းမြစ်များ

TAUNET 1:1

Eng' taunet, ko ki toi Kamuktaindet koyai kipsengwet ak ng'wony.

2 SAMUEL 12:25

ko ki iyooktoe ng'aleek Nathan maotyot, keguure kainennyi Jedidia.

KALEWANAIK 8:23

Ki kiyaa abiit kobooch keny, kobooch taunet, kotom kobiit ng'wony.

ISAIAH 46:10

ne iboortoi kegesunet kobooch taunet, ak koboortoi kobooch peetuusyek che po keny, tuguuk che tomo koyaogis; kole, tononi kirwoogennyu, ak ayae tugul che achame:

JEREMIA 31:3

Kimong'jo Kamuktaindet ne Toroor koloo, koleenjo, Ee, ki achamin eng' chamyet ne po koigeny; ak ki atestai achamin eng' konyit.

EZEKIEL 16:8

Ak kinga pun ye imi, ageerin, keero, peetuusyeguk ko ki po peetuusyegap chamyet; ak ki atugunen ngoryennyu ak atuch aach ngoryeeng'ung': ee, ki ayosyeun, ak ki koyomiske ak inyee, mwaei Kiptaiyat Kamuktaindet ne Toroor, ak ki ibunjo.

LUKA 1:75

eng' tiliilindo ak eng' imanda eng' tainnyi eng' peetuusyekyok tugul.

JOHANA 1:1

Eng' taunet ko ki mi Ng'olyoot, ak ki mi Ng'olyoot ak Kamuktaindet, ak Ng'olyoot ko ki Kamuktaindet.

JOHANA 14:6

Koleenji Jeso, Aa ooreet, ak iman, ak saboondo: ma nyoonjin chii Kwanda, ama eng' anee.

POISYONIGAP CHE KIYOKTOI 13:48

Kingo kas Pororyosyek ng'olyoondoniito, koboiboitu ak kogonyit ng'olyootap Kamuktaindet; ak koyan tugul che kiga kelewenji saboondap koigeny.

POISYONIGAP CHE KIYOKTOI 15:9

ak ki ma ibesyech ak icheeget, ye ki itiliili mugulelwekwak eng' kayaneet.

ROMANIK 6:17

Ago kimwachini Kamuktaindet kongoi, amu, okweek che ki oo otwogigap tengekto, ko ki ogas iit eng' muguleldo kaneetisyet ne uu ne kigegoonok okweek;

ROMANIK 8:33

Ng'oo ne itaami che ki lewen Kamuktaindet? Kamuktaindet ne iityin imanda;

ROMANIK 9:11

amu ye ki tomo kesich lagok, koyai kiy age tugul ne myee anan ne ya, si kobiit kotonon mageetap Kamuktaindet ko uu lewenet, ama po poisyonik, ago po ineendet ne kuursei,

1 KORINTOEK 1:21

Amu eng' utaatyet ne po Kamuktaindet koma nai ng'wony Kamuktaindet eng' utotyennyi, ki cham Kamuktaindet kosar icheeget che iyani, eng' perberyo ne po ng'olyoot ne ki amdoi.

GALATYEK 3:1

Ee Galatiechu perberen, ng'oo ne kibanak, okweek che ki kinde Jeso Kristo taitap konyekwok kotook keele ki kigartaat?

EPESOEK 2:8

amu kigesorwok eng' myeeindo eng' kayaneet; ago ma punwok niito: konunetap Kamuktaindet;

NG'ATUTIK 33:12

Ki le agobo Benjamin, “Meng'iisyei chamaneetap Kamuktaindet ne Toroor eng' kaalyeet eng' ye neegitee ineendet. Tuchei peet komugul, Ak komenyei kwenutap tigigoikyik.”

KOLOSAIK 1:5

amu kamang'unet ne kigegonorwok eng' kipsengwet, ne ki osip ogas eng' ng'olyootap imanit ne po logoiywek che myach,

KOLOSAIK 3:12

Nooto anyun, amu oo lewenaigap Kamuktaindet che tiliileen ak ko oo chamanik, olaach muguleldo ne po rireenetapkei, talasyet, kaming'inetapkei, mutyonet, ak muitaet;

1 THESSALONIKEK 1:4

Amu kingen, che kitupche, che chamanik eng' Kamuktaindet, keele ki kolewenok ineendet,

1 THESSALONIKEK 2:12

si kobiit obendate ko uu ye nyolu eng' Kamuktaindet, ne kuurchinok laitornatet ak toroornatennyi.

1 THESSALONIKEK 4:7

Amu ki ma kuurchech Kamuktaindet simdo, ago eng' tiliilindo.

1 THESSALONIKEK 5:9

Amu ki ma lewenjech Kamuktaindet nereeknateet, ago nyoorunetap yetunet eng' Kiptaiyandennyo Jeso Kristo,

2 THESSALONIKEK 1:3

Kanyool kemwachi Kamuktaindet kongoi peetuusyek tugul agobo okweek, che kitupche, ko uu ye nyolu, amu nerei kayaneng'wong' miising', ak ko tesoksei chamyet ne oting'egei okweek tugul;

2 THESSALONIKEK 2:10

kobooto keniisyet tugul che ma po imanda agobo icheek che lustos; amu ma taach chamyetap imanit, si kobiit kesar.

2 THESSALONIKEK 2:12

si kobiit kirwookyi icheek tugul che ma iyan imanit, ago che kiboiboitune che ma po imanda.

2 THESSALONIKEK 2:16

Nguno anyun, ingogaigai Kiptaiyandennyo Jeso Kristo, ak Kamuktaindet Kwandanyo ne ki chamech ak kogoonech kagaigaet ne po koigeny ak kamang'unet ne myee eng' myeeindo,

2 TIMOTEO 1:9

ne kisarwech ak koguurech eng' kuurseet ne tiliil, ma ko uu poisyonikyok, ago ko uu magennyi ak myeeindonyi, ne ki kigoonech eng' Kristo Jeso kobooch kenyiisyegap koigeny,

2 TIMOTEO 2:15

Igiilgei ibartegei ile ki koyanun Kamuktaindet iegu kiboityot ne manyol kolilaan, ne poisyee komyee ng'olyootap imanit.

2 TIMOTEO 3:15

ak kobooch ko ii lakwa ko ki ingen siruutik che tiliileen che imuuchi kong'omitin agoi yetunet eng' kayaneet ne miitei eng' Kristo Jeso.

HEBRANIK 1:10

Ak kogeny, “Eng' taunet, ee Kiptaiyat, ko ki ilum ole tonone ng'wony, ak kipsengwet ko poisyonigap euneguk;

JAKOBO 1:18

Ki isichech eng' magennyi eng' ng'olyootap imanit, si kobiit keegu che tongoanigap yautikyik.

1 JOHANA 4:10

Niito chamyet, ma keele ki kicham Kamuktaindet, ago ki chamech ineendet ak koyook Weeriinnyi koek tiseiywot agobo tengekwogikyok.

1 JOHANA 4:19

Kichame, amu kisip kochamech ineendet.