2 THESSALONIKEK 1:8 - BUKUIT NE TILIIL Sireet ne Dutero Kanon

⁸ eng' maat ne lalei, koyaakyi mugetuut icheeget che ma nai Kamuktaindet, ak icheek che ma kase iit logoiywek che myach che po Kiptaiyandennyo Jeso:

Bukuit Ne Tilil

⁸ eng' maat ne lalei, koyaakyi mugetuut icheeget che ma nai Kamuktaindet, ak icheek che ma kase iit logoiywek che myach che po Kiptaiyandennyo Jeso:

BUKUIT NE TILIL

⁸ eng’ mat ne lalei, koyaakyi mugetut icheget che ma nai Jehovah, ak ichek che magase it logoiywek che miach che bo Kiptaiyandennyo Jesu:

2 THESSALONIKEK 1:8 ပူးပေါင်းရင်းမြစ်များ

TAUNET 3:24

Ki oon anyun chiichooto koomaanda ak konde Kerubik kotebee komostap kong'asiis ne po mbareetap Eden. Yeityo konde rootwetap chok ne ilyeli ne tokyingei komoswek tugul si koriip ooreet ne tokyingei keetitap saboondo.

2 SAMUEL 23:7

Ago chiito ne namei ko kanyool kotinyei kariik ak irumetap ng'otit; kibeelei eng' maat kogeskei eng' komostanywa.

TIENWOGIKAL 18:44

Ye kas agobo anee, eng' yooto kogasa iit; tuun kasa iit toek eng' ng'aalseet.

TIENWOGIKAL 79:6

Rong'ji nereegeguk pororyosyek che ma ingenin, Ak laitornatosyek che maguurei kaineng'ung'.

TIENWOGIKAL 9:10

Ak imang'un icheek che ingen kaineng'ung', amu inyee, Kamuktaindet ne Toroor, koma imete che cheeng'in.

TIENWOGIKAL 94:1

Ee Kamuktaindet ne Toroor, inyee Kamuktaindet ne po yaaktaetap mugetuut, Iluu, inyee Kamuktaindet ne po yaaktaetap mugetuut.

KOMONG'U 5:2

koteebee Pharaoh koleenji, “Ng'oo Kamuktaindet ne Toroor, ne tos agas iit ng'aleekyik kot achamji Israel koba? Mangen Kamuktaindet ne Toroor, ak kogeny, ma chamjini Israel koba.”

ISAIAH 1:19

Ngot ochame ak ogase iit, oame anyun akwaindap emet.

ISAIAH 1:28

Ago tuun king'emei tuwai, pistoik ak kiptengeginik eng' peetuut agenge, ak tuun kigeesu che metoi Kamuktaindet ne Toroor.

ISAIAH 27:11

Ye kagoresyo mooriikyik, koilyo; pwoonei kwonyiik ak kobeel. Amu pororyot ne ma tinyei kaguiyet; nooto anyun ma riiree icheek `ineendet ne kiyai, ama tiytiy icheek `ineendet ne kimimii.

ISAIAH 61:2

Si kobiit aamda kenyiit ne chamat eng' Kamuktaindet ne Toroor, ak peetuutap yaaktaetap mugetuut ne po Kamuktaindennyo; ak agaigai tugul che riirtos;

JEREMIA 10:25

Rong'ji nereegeguk che ng'woneen pororyosyek che ma ingenin, ak ortinwek che maguurei kaineng'ung'; amu kigoam Jakobo, ee, kigoam ineendet kogees ak Ki kong'em meng'ootennywa.

JEREMIA 9:6

Mi anyun meng'ooteng'ung' kwenutap kaberberisyet; eesyoi konaa amu kaberberisyet, mwaei Kamuktaindet ne Toroor.

SEPANIA 1:6

ak icheek che ki week kometo Kamuktaindet ne Toroor; kobooto icheek che ma cheeng' Kamuktaindet ne Toroor, anan koteepse ineendet.

MATAYO 25:41

“Koleenji anyun icheek che mi murot kaataam, ‘Oba eng' ole ami, okweek che oo chubootiin, oba maat ne po koigeny ne kigechopchi chesawilyet ak malaikaisyekyik;

MATAYO 25:46

Ak pendi chu ole mi nyalilda ne po koigeny; ago pendi che po imanda ole mi saboondap koigeny.”

JOHANA 3:19

Ak ni kirwooget, amu ki nyoonji ng'wony lapkeiyet, ak ki cham piik mesundeito kosiir lapkeiyet; amu ki yaach poisyonikwak.

JOHANA 8:19

Koleenji anyun icheek ineendet, “Mi ano Kwandang'ung'?” Kowol Jeso kole, “Mongeno, anan Abba. Nda ki konaa, ta ki ongen Abba agine.”

POISYONIGAP CHE KIYOKTOI 6:7

Kitesak anyun ng'olyootap Kamuktaindet; ak kotesak miising' koitetap kasubik eng' Jerusalem; ak kogas iit kayaneet tuiyet ne oo ne po tisiik.

ROMANIK 1:28

Ak ko uu ye ki eesyo kotebee Kamuktaindet naennywa, kobagakyi Kamuktaindet icheek kabwaatutik che ki kong'emogis, si koyai tuguuchooto che ma nyolu;

ROMANIK 1:5

ki kitaach eng' ineendet myeeindo ak kayooktoet, agoi kasetap iit ne po kayaneet eng' pororyosyek tugul amu kainennyi:

ROMANIK 10:16

Ago ki ma kas iit tugul logoiywek che myach. Amu mwaei Isaiah kole, “Kiptaiyat, ki koyan ng'oo ng'aleekyok?”

ROMANIK 15:18

Amu ma kanye ang'alaal agobo tugun alak tugul kobatee chooto che ki koyai Kristo eng' anee, agobo kasetap iit ne po Pororyosyek, eng' ng'olyoot ak yaeet,

ROMANIK 16:26

ago kagong'ang'ak nguno, ak eng' siruutik che po maotik, ko uu ng'atuutyetap Kamuktaindet ne po koigeny, ko kagiboorchi pororyosyek tugul agoi kasetap iit ne po kayaneet;

ROMANIK 6:16

Mongen ole, ineendet ne ogoochinigei oegu otwogik agoi kasetap iit, ko oo otwogigap ineendet ne ogase iit; ngo po tengekto agoi meet, anan ngo po kasetap iit agoi imanda?

1 KORINTOEK 15:34

Ogosu eng' imanda, amat oyai tengek; amu ma ingen alak Kamuktaindet: amwae ni si agoonok olilan.

2 KORINTOEK 10:5

kiluuli kabwaatutik, ak kiy age tugul ne toroor ne ieetegei kole kogirinda naetap Kamuktaindet, ak koluulei kabwaatet age tugul si kobiit kogas iit Kristo;

GALATYEK 3:1

Ee Galatiechu perberen, ng'oo ne kibanak, okweek che ki kinde Jeso Kristo taitap konyekwok kotook keele ki kigartaat?

GALATYEK 4:8

Ago eng' peetuunooto, ki ma ongen Kamuktaindet, ko ki oo otwogigap icheeget che ki ma ko kamuktaik che ma po iman:

NG'ATUTIK 32:35

Nenyu mugetuut ak kageeret. Neegit peetuut ne kagochabaita keelyekwak: Karik peetuutap nyalildanywa, ak chogu tuguuk che pwaanjin icheek.

NG'ATUTIK 4:11

Ki obwa oriigu otononse eng' tulweet keel ye kingo lalei maat eng' tulweet agoi kipsengwet kween, kobooto mesundeito, pooldet ak imenindo ne oo.

NG'ATUTIK 4:30

Ak ye imiitei nyalilda, ak kobwonjin tuguuchu tugul, iweekyigei Kamuktaindet ne Toroor Kamuktaindeng'ung' anyun eng' peetuusyek che po let, ak igas kutinnyi.

NG'ATUTIK 5:5

ki atonon eng' kwenung'wong' ak Kamuktaindet ne Toroor eng' peetuunooto si aboorwok ng'olyoonnyi amu ki oiyweisye amu maat, ak ki ma otogoste tulweet ak koleenjok,

1 THESSALONIKEK 4:5

ma eng' mageet ne po kasetap myat, agot ko uu Pororyosyek che ma ingen Kamuktaindet;

HEBRANIK 10:27

ago kagenet ne po kirwooget eng' kaiyweisyet, ak koroomnatetap maat ne igeesu puunik.

HEBRANIK 10:30

Amu kingen ineendet ne ki komwa kole, “Nenyu yaaktaetap mugetuut, anee ne ayaaktoi.” Ak kogeny, “Tuun irwookyin `Kiptaiyat piikyik.”

HEBRANIK 11:8

Ki kas iit Abraham eng' kayaneet ye ki ngeguur, ak kimanda kwo koma ingen ole wendi, kwo komosta ne tuun taachei koek poroteet.

HEBRANIK 12:29

amu Kamuktaindet nenyo ko maat ne igeesu.

HEBRANIK 2:3

kechilildoi ano anyun, ngemete yetunet ne oo ne tee ni? Ne kiga kisip kemwa eng' Kiptaiyat, ak ki igimitwech icheek che ki kas;

HEBRANIK 5:9

ak kingo kageyai koek ne ititaat, koek ineendet ne kitaunegei yetunet ne po koigeny eng' icheek tugul che kase iit ineendet;

1 PETERO 1:2

ko uu eng' naetap Kamuktaindet Kwanda ne kisip konai, eng' katabaanetap Kabuuset ne Tiliil, agoi kasetap iit ak isetap korotiik che po Jeso Kristo: Ingotesak myeeindo ak kaalyeet eng' okweek.

1 PETERO 3:6

Ko uu ye ki kase iit `Sara Abraham, koguuree ineendet kiptaiyat. Oo lagokyik ngot oyae ne myee, amoiywei kamuiset age tugul.

1 PETERO 4:17

Amu kagoit peetuut ne kitaune kirwooget kootap Kamuktaindet: ak ngot ketaunenech acheek, kotam nee kagesunetap icheek che ma kase iit logoiywek che myach che po Kamuktaindet?

2 PETERO 3:7

ago kipsengwet ak ng'wonyut che po nguno, ko ki kigonorchi maat eng' ng'olyoondonooto, kogonor agoi peetuutap kirwooget ak ng'emisyetap piik che ma iywei Kamuktaindet.

JUDA 1:7

Ko uu nooto, agot Sodom ak Gomorah, ak nganasook che kiga yiem, kingo kagogoochigei sokseet, ko uu chuuto, koba koosup poorwek che ma kergei ak chechwaak, ko ki kinde koek kaboorunetap chooto nyalili konyooru kergong'yetap maat ne po koigeny.

NG'ANG'UTYET 20:10

Ak ki kiwiirchi chesawilyet ne ki iberber icheek araraitap maat ak koik che laldos, ole miitei ak icheek tyondo ak maotyot ne po lembech; ak kinyaliili peet ak kemoi agoi koigeny ak koigeny.

NG'ANG'UTYET 21:8

Ago che iyweisyei, ak che ma iyani, ak che kiwechei, ak rumiik, ak che soksei, ak pooniik, ak che saaei kanamonik, ak kiplembechonik tugul, kotinyei kebebertanywa eng' araraita ne lale maat ak koik che laldos; ne nooto ko meet ne po aeng'.”

NG'ANG'UTYET 6:10

Ki mwa eng' kutit ne oo kole, “Tyanitu, ee Kiptaiyat, ne tiliil ak ko po iman, si irwookyi ak iyaaktoiywech mugetuut agobo korotiikyok eng' icheek che menyei ng'wony?”

1 SAMUEL 2:12

Weeriigap Eli ko kingelelik; ki ma kotinyei kaiyweisyo agobo Kamuktaindet ne Toroor.