2 THESSALONIKEK 1:11 - BUKUIT NE TILIIL Sireet ne Dutero Kanon

¹¹ Nooto anyun kisaiywok kotugul, si kobiit koiitok Kamuktaindet nenyo kole onyolu eng' kuurseng'wong', ak kosulda mageet age tugul ne po myeeindo ak poisyet age tugul ne po kayaneet, eng' kamuktaet;

Bukuit Ne Tilil

¹¹ Nooto anyun kisaiywok kotugul, si kobiit koiitok Kamuktaindet nenyo kole onyolu eng' kuurseng'wong', ak kosulda mageet age tugul ne po myeeindo ak poisyet age tugul ne po kayaneet, eng' kamuktaet;

BUKUIT NE TILIL

¹¹ Noto anyun kisaiywok kotugul, si kobiit koiitok Jehovah nenyo kole onyolu eng’ kuurseng’wong’, ak kosulda maget age tugul ne bo mieindo ak boisiet age tugul ne bo kayanet, eng’ kamuktaet;

2 THESSALONIKEK 1:11 ပူးပေါင်းရင်းမြစ်များ

TIENWOGIKAL 138:8

Isuldaiwo Kamuktaindet ne Toroor tuguuk che nyoljino; tebyei rireeneng'ung' koigeny, ee Kamuktaindet ne Toroor; amebagaakte poisyonigap euneguk.

TIENWOGIKAL 48:14

“Kamuktaindet niito ko Kamuktaindennyo koigeny ak koigeny. Egu ineendet kandoindennyo koigeny.”

TIENWOGIKAL 51:18

Yachi ne myee Zion ko uu ye ichame; teech kogeny irimoigap Jerusalem.

TIENWOGIKAL 68:20

Kamuktaindet eng' acheek ko Kamuktaindet ne po saruunet; po Kiptaiyat Kamuktaindet ortinwek che kechilile eng' meet.

KALEWANAIK 4:18

Ago ooreetap che po iman ko uu lapkeiyet ne iluu, ne iluu ko tesoksei agoi peetuut ne ititaat.

ISAIAH 25:9

Ak tuun kimwaei eng' peetuunooto keele, “Ogeero, niito ko Kamuktaindennyo; ki kigen ineendet, ak sarwech ineendet. Niito ko Kamuktaindet ne Toroor; ki kigen ineendet, kigasigei ak keboiboitu eng' yetunennyi.”

ISAIAH 55:7

ingometo kiptengekyot ooreennyi, ak ingometo ineendet ne ma po iman, kabwaatutikyik: ak ingoweekyigei Kamuktaindet ne Toroor, si koriiree; ak ingoweekyigei Kamuktaindennyo, amu nyochin kaat iman.

ISAIAH 66:9

Tos aeete kesich lakweet ne kogoyam kesich? Mwaei Kamuktaindet ne Toroor. Tos arate moet ne agoochini kooi? Mwaei Kamuktaindeng'ung'.

HOSEA 6:3

Ongenai anyun, ongetestai kenai Kamuktaindet ne Toroor; mong'u iman ko uu ye eechei: ak nyoonjinech ko uu ropta, ko uu ropta ne po let ne ibisi ng'wony.”

SEKARIA 4:7

Ii ng'oo, ee tulwooni oo? Iegu warenget eng' taitap Zerubabel: ak inemu koita ne po parak kowaaktos koleen, Myeeindo, myeeindo, ingotebee paragunnyi.”

MARIKO 4:28

Yiei ng'wony ineegei; rutu, yeityo konyo metit, yeityo koiywa peek.

LUKA 12:32

Amoiywei, okweek akweet ne ming'in; amu paibai Kwandang'wong' kogoonok laitornatet.

ROMANIK 1:9

Amu Kamuktaindet paoryandennyu, ne aoote eng' saboondanyu eng' logoiywek che myach che po Weeriinnyi, ale masise amwa agobo okweek kotugul eng' saautikyuk,

ROMANIK 11:29

Amu ma tinyei ndara konunoigap Kamuktaindet ak kuursennyi.

ROMANIK 15:14

Ak kaanai aneendet agine agobo okweek, che kitupche, ale oo nyiitootiin eng' myeeindo, oo nyiitootiin eng' naet tugul, ak kogeny, omuuchi otigongei.

ROMANIK 8:30

ak icheeget che kisip kolewen, koguur chooto; ak chooto che kiguur, ko ki ityi imanda: ak chooto che kiityi imanda, ko ki itoroor.

1 KORINTOEK 1:8

Ne igimitok agine agoi let, ko motinye kiy ne kirwoogunenok eng' peetuutap Kiptaiyandennyo Jeso Kristo;

EPESOEK 1:16

ko mata asiis agoito kongoi agobo okweek, ak amwaok eng' saautikyuk;

EPESOEK 1:5

ko uu ye kiga sip kolewenech kenamech keegu weeriik eng' Jeso Kristo eng' ineendet, ko uu chameet ne myee ne po magennyi,

EPESOEK 1:9

ko kagoboorwech ung'ootyet ne po magennyi, ko uu chamennyi ne myee ne ki chop eng' ineendet

PILIPIK 1:6

angen komyee ng'olyoondoniito, ale ineendet ne ki toi poisyet ne myee eng' okweek koyaei kosulda agoi peetuutap Jeso Kristo:

PILIPIK 2:13

amu Kamuktaindet ne poisyei eng' okweek si omach, ak oboisyee agine, agobo magennyi ne myee.

PILIPIK 3:14

Agiiljinigei tai, ait ole pooch melekto ne po kuuretap parak ne po Kamuktaindet eng' Kristo Jeso.

1 THESSALONIKEK 1:3

kibwaati ne ma kisise, poisyeng'wong' ne po kayaneet ak poisyet ne uui ne po chamyet ak muitaetap kamang'unet eng' Kiptaiyandennyo Jeso Kristo, eng' taitap Kamuktaindet nenyo ak ko Kwanda.

2 THESSALONIKEK 1:5

niito kaboorunet ne tagunoot ne po kirwoogetap imanda ne po Kamuktaindet; si kobiit kiitok keele onyolu eng' laitornatetap Kamuktaindet, ne onyoorunee agine nyalilda:

2 THESSALONIKEK 2:14

kiguurok anyun eng' chooto eng' logoiywekyok che myach, si kobiit onyooru toroornatetap Kiptaiyandennyo Jeso Kristo.

HEBRANIK 12:2

kegeere Jeso ne kandoindet ak ko kawong'unindet ne po kayaneet, ne kimuita eng' kimurtoiyot amu poiboiyet ne ki kinde tainnyi, ak kosas kalilanet, ak ki kotebee eutap tai ne po ng'echereetap laitornatet ne po Kamuktaindet.

HEBRANIK 3:1

Nooto anyun, che kitupche che tiliileen, yamdoigap kuurseetap kipsengwet, obwaat miising' Kayooktoindet ak Tisiindet ne oo ne po ng'ang'ennyo, ineendet Jeso;

1 PETERO 5:10

Ak ingochobok, ak kolumdak, ak kogimitok Kamuktaindet ne po myeeindo tugul, ne kiguurchok liilindanyi ne po koigeny eng' Kristo, ko kaonyalilse eng' peetuusyek che matya.

NG'ANG'UTYET 3:4

Ago itinye kainaik che ng'ering' eng' Sardis che ma imurwon ngoroikwak. Tuun pendoti icheek kobooto kolaagoti ngoroik che leelach; amu nyolu icheek.

NG'ANG'UTYET 5:10

Ki iyai icheek koek pororyet ak tisiik eng' Kamuktaindet nenyo, ak tuun laitorani icheek eng' ng'wony.”