2 THESSALONIKEK 1:10 - BUKUIT NE TILIIL Sireet ne Dutero Kanon

¹⁰ ye tuun nyo si kobiit kitoroor eng' chechiik che tiliileen; ak kekwong'ee icheek tugul che iyani (amu ki kiyan paornatennyo eng' okweek), eng' peetuunooto.

Bukuit Ne Tilil

¹⁰ ye tuun nyo si kobiit kitoroor eng' chechiik che tiliileen; ak kekwong'ee icheek tugul che iyani (amu ki kiyan paornatennyo eng' okweek), eng' peetuunooto.

BUKUIT NE TILIL

¹⁰ ye tun nyo si kobiit kitoror eng’ chechik che tililen; ak kekwong’e eng’ ichek tugul che iyani (amu kigiyan baornatennyo eng’ okwek), eng’ betunoto.

2 THESSALONIKEK 1:10 ပူးပေါင်းရင်းမြစ်များ

TIENWOGIKAL 68:35

Ee Kamuktaindet, kiywein eng' oldinweguk che tiliileen: Kamuktaindetap Israel, ne igoochin piikyik kimnateet ak kamuktaet. Iberuurot Kamuktaindet.

TIENWOGIKAL 89:7

Ineendet Kamuktaindet ne kiywei miising' eng' tuiyetap che tiliileen, Ne kiywei kosiir tugul che kiyiem ineendet?

ISAIAH 2:11

Kinyeroti che ieetegei, ak kiming'ini menoteetap piik, Kamuktaindet ne Toroor ineegei ne tororitu eng' peetuunooto.

ISAIAH 43:21

piik che ki ayachigei, si kobiit kobarta kalasunennyu.

ISAIAH 44:23

Ee okweek kipsengwet, Otyense, amu ki yai Kamuktaindet ne Toroor nooto; owaach okweek, komoswek che po oriit che po ng'wony; otyense, okweek tuloonook, ee timiin, ak keetit age tugul ne mi yooto: amu kagotyach Kamuktaindet ne Toroor Jakobo, ak kotoroorgei eng' Israel.

ISAIAH 49:3

ak ki leenjo, ii otwogindennyu; ee Israel, ne kitoroorena.

ISAIAH 60:21

Ak koek che po imanda kogeny piiguk tugul, ak koek emet porotennywa koigeny; temeet ne ki amin, poisyetap eunekyuk, si kobiit kegonyita.

JEREMIA 33:9

Ak koek nganasani eng' anee kainet ne kiboiboitune, koek kalasunet ak toroornatet, eng' taitap pororyosyek tugul che po ng'wony, che kasei myeeindo tugul ne ayachini icheek, ak koiyweis ak kobotanso amu myeinooto tugul ak kaalyeet tugul ne agoochini nganasani.

MALAKI 3:17

Ak mwaei Kamuktaindet ne Toroor ne po lugoosyek kole, “Punjino icheek, eng' peetuut ne ayae icheek koek kinnyu ne nenyu aneege; ak ariiree icheek ko uu ye riiree chii weeriinnyi ne poisyechin.

KAITOSYEK 23:23

Ma mi iman pondit ne kimuuchi kebane Jakobo, ama mi ng'oorset ne kimuuchi keng'ore Israel. Kimwaei nguno agobo Jakobo ak Israel, keele, ‘Ki yai ne tya Kamuktaindet!’

MATAYO 16:27

Tuun nyoonei Weeriitap chii eng' liilindap Kwandanyi kobooto malaikaisyekyik, ak kogoochi chii age tugul ko uu poisyonikyik.

MATAYO 16:28

Amwaiwok iman ale, mi alak eng' che tonondos eng' yu che ma chamchami meet kot kogeer konyonei Weeriitap chii eng' pounatennyi.”

MATAYO 24:36

“Ago ma naei chii age tugul agobo peetuunooto ak sainooto, ma naei agot malaikaisyegap kipsengwet, anan Weeriit, ago Kwanda ineegei.

MATAYO 25:31

“Ye nyo Weeriitap chii eng' toroornatennyi, kobooto malaikaisyek tugul, kotebee anyun ng'echereetap toroornatennyi.

MATAYO 7:22

Leenjino che chaang' peetuunooto, “Kiptaiyat, Kiptaiyat, tos ki ma kiyai maonateet eng' kaineng'ung', ak keon oik eng' kaineng'ung', ak keyai eng' kaineng'ung' poisyonik che chaang' che po kimnateet?”

LUKA 10:12

Ago amwaiwok ale, Tuun kaigaitu Sodom eng' peetuunooto, kosiir nganasanooto.

JOHANA 11:4

Ago ye kingo kas Jeso nooto kole, “Ma po meet myanooto, ago po toroornatetap Kamuktaindet, ak kilasune Weeriitap Kamuktaindet nooto.”

JOHANA 17:10

ak tuguuk tugul chechuuk ko cheguuk, ak cheguuk ko chechuuk: ak ki itoroora eng' icheek.

1 KORINTOEK 1:6

ko uu ye ki kigimit paornateetap Kristo eng' okweek:

1 KORINTOEK 3:13

tuun king'aanyei poisyetap chii age tugul: amu tuun ng'aanyei peetuut, amu king'aanyei eng' maat; ak kotyem matole teptoi poisyetap chii age tugul.

GALATYEK 1:24

ak kiitoroor icheek Kamuktaindet eng' anee.

EPESOEK 1:12

si kobiit keegu kalasunetap toroornatennyi, acheek che kiga kisip kimang'u Kristo.

EPESOEK 1:14

ne tongoaniatap porotennyo, agoi katyagetap porotennyi, eng' kalasunetap toroornatennyi.

EPESOEK 1:18

ko kagokweng'ogis konyegap mugulelwekwok, si kobiit onai kiit ne uu kamang'unetap kuursennyi, ak mogornatosyegap toroornatet ne po porotennyi eng' che tiliileen,

EPESOEK 1:6

agoi kalasunetap toroornatetap myeeindonyi, ne ki koonech eng' aiyebindo eng' Chamaneet:

EPESOEK 2:7

si kobiit kobarta eng' kenyiisyek che pwoonei mogornatosyek che siirtoot che po myeeindonyi eng' talasyet ne tokyineigei eng' Kristo Jeso:

EPESOEK 3:10

si kobiit konaak eng' kaniset nguno utaatyet ne oo ne po Kamuktaindet eng' laitornatosyek ak pounatosyek eng' komoswegap kipsengwet,

EPESOEK 3:16

si kobiit kogoonok, ko uu mogornatosyegap toroornatennyi, ogimegitu eng' kamuktaet eng' Kabuusennyi eng' chiito ne po oriit;

1 THESSALONIKEK 1:5

keele ki ma pwonjok logoiywekyok che myach eng' ng'olyoot kityo, ago eng' kimnateet agine, ak eng' Kabuuset ne Tiliil ak eng' naet ne ongen inne; ko uu ye ongen ole ki kipiik che uu nee eng' taing'wong' agobo okweek.

1 THESSALONIKEK 2:1

Amu ongen okweek, tupchosyechu, itunennyo ne ki kiitu olong'wong', ole ki ma ek puch:

1 THESSALONIKEK 2:12

si kobiit obendate ko uu ye nyolu eng' Kamuktaindet, ne kuurchinok laitornatet ak toroornatennyi.

1 THESSALONIKEK 2:13

Kimwachini anyun Kamuktaindet kongoi, amu ng'olyoondoniito, ama kisistosi keele, ye kingo taach ng'olyoot ne ki ogasenech, nooto ng'olyootap Kamuktaindet, ki otaach, ma ko uu ng'olyootap piik, ago ko uu ye mi eng' imanit, ng'olyootap Kamuktaindet, nooto agine ne poisyei eng' okweek che oyani.

2 THESSALONIKEK 1:12

si kobiit kitoroor kainetap Kiptaiyandennyo Jeso eng' okweek, ak okweek eng' ineendet, ko uu myeeindap Kamuktaindet nenyo ak Kiptaiyat Jeso Kristo.

2 THESSALONIKEK 2:13

Ago kanyool kemwachi Kamuktaindet kongoi kotugul agobo okweek, che kitupche che chamanigap Kiptaiyat, amu ki lewenjok Kamuktaindet yetunet kobooch taunet eng' katabaanetap Kabuuset ne Tiliil ak kayaneetap imanit:

1 TIMOTEO 3:16

Ak ne matiny, ko oo ung'ootyot ne po kayweet ne kiywei Kamuktaindet: Ineendet ne king'ang'ak eng' poorto, ki kiityi imanda eng' Kabuuset ne Tiliil, ne ki keer malaikaisyek, ne ki kiamda eng' Pororyosyek, ne ki iyan che po ng'wony, ne ki kimut kwo parak eng' toroornatet.

2 TIMOTEO 1:12

Anyooru anyun nyalilwogichu ak icheek agobo nooto: ago ma lilani; amu angen ineendet ne ki ayan, ak ayani komyee ale imuuchi koriip nooto ne ki agoochi ineendet agoi peetuunooto.

2 TIMOTEO 1:18

ingogoochi Kiptaiyat ineendet konyoor rireenet ne po Kiptaiyat eng' peetuunooto! Ak ingen komyee ole tee poisyet ne ki yai eng' Epheso.

2 TIMOTEO 4:8

kobooch nguno ko kagegonorwo kuutweet ne po imanda, ne tuun koono Kiptaiyat, kirwoogindet ne po imanda, eng' peetuunooto: ago ma aneege, ago icheeget tugul ak icheek che ki kocham tagunennyi.

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.