2 LAITORINIK 7:8 - BUKUIT NE TILIIL Sireet ne Dutero Kanon

⁸ Kingo it pichooto ki tinyei mogondosaik tabandap nganaseet kogiba emait age oriit. Ki amis ak koeeiso, ak koip fedha, thahabu ak ngoroik, ak koba kouny. Ki week icheek koba emait age ak koip tuguuk eng' yooto agine, ak koba kouny.

Bukuit Ne Tilil

⁸ Kingo it pichooto ki tinyei mogondosaik tabandap nganaseet kogiba emait age oriit. Ki amis ak koeeiso, ak koip fedha, thahabu ak ngoroik, ak koba kouny. Ki week icheek koba emait age ak koip tuguuk eng' yooto agine, ak koba kouny.

BUKUIT NE TILIL

⁸ Ak kingoit bichoto kiamei mogondosik tabandab nganaset, koba emait age orit, ak kiamis, ak koeeiso, ak koib feda ak tahabu, ak ngoroik, ak koba kouny; ak koweek koba emait age, ak koib tuguk eng’ yoto agine, ak koba kouny.

2 LAITORINIK 7:8 ပူးပေါင်းရင်းမြစ်များ

2 LAITORINIK 5:24

Kingo it tulweet, konam ineendet tuguuchooto eng' eunegap otwogichooto, ak kwo kogonor eng' ko. Ak ki mwachi pichooto koba yeityo koba icheek.

2 LAITORINIK 7:9

Yeityo komwachigei kole, “Ma myee ni kagiyai. Kagisisye ak ko peetuuni ko peetuutap logoiywek che myach. Ngot kegany kot koeech, konamech pireet. Ara anyun obwa keebe kemwachi piigap kaplaitoryat.”

ISAIAH 33:23

Kagitustus porooniguk; ma imuuch kogimit kelutap toloitap melinnywa, ma imuuch koiito angeetap meeliit. Kipcheak anyun parunenigap tuguuk che chaang' che ki kiluul; ki nam che ing'waldos parunenik.

JEREMIA 41:8

Ago ki piit piik tamanu eng' kwenunnywa che ki mwachi Ishmael koleenji, amebarech: amu ki tinyei tuguuk che ki kiuny eng' mbar, nganuuk, ak baale, ak mwanik, ak kumyat. Kobagaakta anyun, mata kobar icheek eng' kwenutap tupchosyekwak.

MATAYO 13:44

“Kergei pounatetap kipsengwet ak kiy ne po kamanuut ne ung'aat eng' mbar ne kinyoor chii ak kouny. Ki wo kogasategei ak koalda tugul che ki tinyei si koale mbaranooto.

MATAYO 25:18

Ago ineendet ne kitaach agenge kogiwo kobal ng'wony ak kounyee yooto fedha ne po kiptaiyandennyi.

JOSHUA 7:21

Kinga keer eng' tuguuk che ki kiluul ngoryeet ne karaaran ne po Babilon ak shekelisyek pogol aeng' che po fedha, ak thahabu ne nyigiisindanyi ko shekelisyek konom, agase myat anyun ak aip. Ung'ootiin tuguuchooto eng' ng'wony eng' kwenutap emainnyu ak ko tabanu ng'wony fedha eng' tuguuchooto.”