2 LAITORINIK 7:5 - BUKUIT NE TILIIL Sireet ne Dutero Kanon

⁵ Ki ng'eetyo karon kota ko mirmir ak koba nganaseetap piigap Syria. Kingo it tabandap nganaseetap piigap Syria, konyoor koma komi chii yooto.

Bukuit Ne Tilil

⁵ Ki ng'eetyo karon kota ko mirmir ak koba nganaseetap piigap Syria. Kingo it tabandap nganaseetap piigap Syria, konyoor koma komi chii yooto.

BUKUIT NE TILIL

⁵ Ak king’eetyo karon kota ko mirmir, ak koba nganasetab Suriek: ak kingoit tabandab nganasetab Suriek, ogeero, koma komi chi yoto.

2 LAITORINIK 7:5 ပူးပေါင်းရင်းမြစ်များ

2 LAITORINIK 7:4

Ngot kemwa keele, ‘kibendi nganaseet,’ komi rubeet nganaseet ak kibegu eng' yooto. Ak ngot ketebi eng' yu kesisye, kebegu kora. Ara anyun obwa keebe ye mi lugeetap piigap Syria. Ngot kobagaaktech, kesaptosi; ak ngot kobarech, kebegu.”

2 LAITORINIK 7:6

Amu ki igoochi `Kamuktaindet ne Toroor piigap Syria kogas cheetap kariisyek ak cheetap paraisisyek ko uu cheetap lugeet ne oo: ki leenjigei anyun, “Ogeero, kagogoochi tuguuk laitoryatap Israel laitorinigap Hitik ak che po Misiriik, si kobwa kobarech!”

EZEKIEL 12:12

Ibei pounindet ne mi kwenunnywa, kotiinyi kaat, ko kagoimen, ak kwo: unduri icheek inaatut si kobiit kouutoe tuguukwak yooto: tuchei togeennyi, amu ma keerei ng'wony.

ATEPTAP LAWIK 27:26

“Che kitwatei eng' che kiyagi, che ki kiyai koek che po kiboretook che punjin Kamuktaindet ne Toroor, chooto icheegei che ma itabaani chii; po Kamuktaindet ne Toroor ne kirgit anan ne keechiiryet.

ATEPTAP LAWIK 27:8

Ngo panan chiichooto kosiir kamanuutyeng'ung', kinde ineendet taitap tisiindet si komwa tisiindet che kimage; mwaei tisiindet che kimage chiichooto kayai kaarorunet ak kogoito ko uu kamugennyi.

NG'ATUTIK 28:7

Igoitoi `Kamuktaindet ne Toroor puuniguk che ng'eetyinin kiterteer eng' taing'ung'. Ipookyinin eng' ooreet agenge, ago mwee ortinwek tisap eng' taing'ung'.

NG'ATUTIK 32:25

Eng' ole po saang', korebisyei rotwetap chok, ak eng' ko, kobiitu kamuiset; Parei muren ak pergeiyat, Ne chuchuni ak chiito ne po kalwalek.”

NG'ATUTIK 32:30

Kotos imuktoi ano koon `chii agenge eliphuut, ak koon `piik aeng'u eliphuusyek taman, nda ki ma alda `Ruandennywa icheek, ak kogoito `Kamuktaindet ne Toroor icheek?

1 SAMUEL 30:17

Ki par `Daudi icheek kobooch ko karatarat agoi koskoleng'utap peetuut ne po aeng', ama chilil chii agot agenge, kobatee murenik pogol ang'wan che ki laany tambeesik ak komwei.