2 LAITORINIK 6:16 - BUKUIT NE TILIIL Sireet ne Dutero Kanon

¹⁶ Ak ki wol kole, “Meiywei, amu chaang' che mi kobootech kosiir che mi ak icheeget.”

Bukuit Ne Tilil

¹⁶ Ak ki wol kole, “Meiywei, amu chaang' che mi kobootech kosiir che mi ak icheeget.”

BUKUIT NE TILIL

¹⁶ Ak kiwol kole, Ameiywei: amu chang’ che mi kobotech kosiir che mi ak icheget.

2 LAITORINIK 6:16 ပူးပေါင်းရင်းမြစ်များ

TAUNET 32:1

Ki wo anyun Jakobo pandanyi, ak ki tuiyo ak malaikaisyegap Kamuktaindet,

2 LAITORINIK 6:15

Kingo ng'eet otwogindetap chiitap Kamuktaindet karon inne, kole komanda, kogeer komi lugeet ne pooto paraisisyek ak kariisyek ko kiga yiem nganaseet. Ki leenji otwogindennyi ineendet, “Ee, Kiptaiyandennyu! Kiyae nee?”

2 ATEPTAP PEETUUSYEK 16:9

Amu pendoti konyegap Kamuktaindet ne Toroor eng' ng'wony komugul, koboortogei kole kiim agobo icheeget che ititaatiin mugulelwekwak eng' tainnyi. Koiyai kioto eng' perberyo; amu kobooch nguno ko kenyooru lugoosyek agoi.”

TIENWOGIKAL 11:1

Amang'u Kamuktaindet ne Toroor; teptoi ano si oleenji saboondanyu: “Tiriren ko uu toriityon agoi tuloonook,

TIENWOGIKAL 27:3

Agot ngo yiema lugeet, ko manyogoritu muguleldanyu; ngo ng'eetya pooryeet, atese tai kora anyiganitu.

TIENWOGIKAL 3:6

Ma ywei piik tamanusyegap eliphuusyek, che kayiema kotokyagei eng' komoswek tugul.

TIENWOGIKAL 46:11

Mi Kamuktaindet ne Toroor ne po lugoosyek kobootech; Kamuktaindetap Jakobo ko ole kimwechini.

TIENWOGIKAL 46:7

Mi kobootech Kamuktaindet ne Toroor ne po lugoosyek; Kamuktaindetap Jakobo ole kemwechini.

TIENWOGIKAL 55:18

Ityachi saboondanyu eng' kaalyeet eng' lugeet ne ki machei kogirindaa, amu ki chaang' icheek che kibeligei.

KOMONG'U 14:13

Ago ki wolji `Musa piik koleenji, “Amoiywei, ogany kityo si ogeer yetunetap Kamuktaindet ne Toroor ne yaiywok rani. Amu ma ogeere kogeny misirichu ogeere rani.

ISAIAH 8:10

Orwooch tugul, ago egu puch; omwa ng'olyoot, ama tononi, amu mi Kamuktaindet kobootech.

JEREMIA 39:17

Ago asaruun eng' peetuunooto, mwaei Kamuktaindet ne Toroor: ama kigoochinin eunegap piik che iywei.

MATAYO 26:53

Anan ileen ma muuchi asoom Abba, ak koyookwo agot nguno malaikaisyek che siirei lugoosyek taman ak aeng'?

MARIKO 16:6

Ak ki leenji icheek, “Amokwong'ye; ocheeng'e Jeso, Nazaretindet, ne kiga kigartaat: kagong'eet; ma komi yu: ogeer ole kiga kinde ineendet!

ROMANIK 8:31

Kimwae nee anyun eng' tuguuchuuto? Ngo mi Kamuktaindet komostanyo, ko ng'oo ne kirindaech?

PILIPIK 1:28

amat komuok puunik eng' kiy age tugul: nooto kaboorunet ne tagunoot ne po luseet eng' icheek, ago po yetuneng'wong', ak punu nooto Kamuktaindet;

JOSHUA 11:6

Ki leenji `Kamuktaindet ne Toroor Joshua, “Meiywei icheek, amu mutai ko tee ni asiis agoitoi icheek tugul kebar eng' taitap Israel. Iebe kwarinigap paraisisyekwak ak ibeel kariisyekwak eng' maat.”

1 JOHANA 4:4

Oo po Kamuktaindet, lagochu mengech, ak ki oterter icheek; amu oo ineendet ne mi eng' okweek kosiir ineendet ne mi ng'wony.