2 LAITORINIK 5:7 - BUKUIT NE TILIIL Sireet ne Dutero Kanon

⁷ Kingo kagosoman parwaanooto laitoryatap Israel, kogereer ngoroikyik ak kole, “Tos aa Kamuktaindet, ne abare ak asoobi, si koyookwo chiichi chiito konyo asoop eng' mogondosaikyik? Ago asoomin ale ibwaat ak igeer ole cheeng'doi suryet eng' anee!”

Bukuit Ne Tilil

⁷ Kingo kagosoman parwaanooto laitoryatap Israel, kogereer ngoroikyik ak kole, “Tos aa Kamuktaindet, ne abare ak asoobi, si koyookwo chiichi chiito konyo asoop eng' mogondosaikyik? Ago asoomin ale ibwaat ak igeer ole cheeng'doi suryet eng' anee!”

BUKUIT NE TILIL

⁷ Ak kingo kagosoman baruanato laitoriatab Israel, kogerer ngoroikyik, ak kole, Tos a Kamuktaindet, ne abare ak asoobi, si koyokwa chichi chito konyo asoob eng’ mogondosikyik? Ago asomin ale ibwat ak igeer ole cheng’doi suriet eng’ ane.

2 LAITORINIK 5:7 ပူးပေါင်းရင်းမြစ်များ

TAUNET 30:2

Ki pa parak nereegegap Jakobo eng' Rael, ak ki leenji, “Tos ko ageeregei Kamuktaindet ne kaetenen iyoteet?”

TAUNET 37:29

Ye kingo weigei Reuben kwo ole mi keriinget, ak kogeer kole ki ma komi Joseph keriinget, kogereer ngoroikyik.

TAUNET 50:19

Ago ki leenji Joseph, “Amoiywei, tos ageeregei Kamuktaindet?

2 SAMUEL 1:11

Ki nam anyun `Daudi ngoroikyik kogereer. Ki yai ko uu nooto piik tugul che ki mi ak ineendet yooto.

1 LAITORINIK 20:7

Koguur anyun laitoryatap Israel poisyek tugul che po emet, ak koleenji, “Asoomok ale, obwaat ak ogeer ole cheeng'doi chiichi yaityet! Amu koiyook piik komach osotikyuk, lagokyuk, kobooto fedhaisyekyuk ak thahabusyekyuk, amaete.”

2 LAITORINIK 11:14

Ak ki keer, kitononi laitoryat eng' ye neegitee toloita, ko uu ye ki piteet, ak kimi kiptainik ak piik che kuutei iryagook ole neegitee laitoryat. Kiboiboitu piik tugul che po emet ak koguut iryagook. Kogereer anyun Athaliah ngoroikyik ak kowaach kole, “Chaamset! Chaamset!”

2 LAITORINIK 18:37

Ki pa anyun Eliakim weeriitap Hilkiah ne ki pou koot, ak Sebna, siriindet, kobooto Joah weeriitap Asaph siriindetap tuguuk che piitu, ole mi Hezekiah ko kagogereer ngoroikwak, kobwa komwachi ineendet ng'aleegap Rabsake.

2 LAITORINIK 5:6

Ki ipchi parweet laitoryatap Israel, koleenji, “Ye iit oldang'ung' parwaani, ko kaayogu Naaman otwogindennyu, si kobiit isoop ineendet eng' mogondosaikyik.”

JEREMIA 36:24

Ma iyweis, ama peet ngoroikwak, laitoryat, anan age eng' otwogikyik ne kigasei ng'aleechooto tugul.

HOSEA 6:1

“Obwa, keeweekyigei Kamuktaindet ne Toroor: amu ki kogereerech ak konyaech; ki kobirech ak inyaech.

KAITOSYEK 14:6

Ki pet ngoroikwak Joshua weeriitap Nun ak Kaleb weeriitap Jepune; chuuto tuwai ko ki mi kobooto icheek che kigaba kosegei emet,

MATAYO 26:65

Kigereer anyun tisiindet ne oo ngoroikyik ak kole, “Kagomwa ne ya! Ta kemage nee paorinik alak? Kaogas nguno mwaet ne ya.

LUKA 11:54

koriip kole tamangap konyoor ng'olyoo ne mang'une kutinnyi.

POISYONIGAP CHE KIYOKTOI 14:14

Ago ye kingo kas agobo nooto che kiyooktoi Barnaba ak Paulo kogereer ngoroikwak ak korwai koba kwenutap tuiyet, koboldos koleen,

NG'ATUTIK 32:29

Nda ka utaatiin, ta konaei niito, Ak kobwaat kagesunennywa!

NG'ATUTIK 32:39

Ogeer anyun nguno ole anee, ko aa ineendet iman, Ma mi kamuktain, ami aneege. Abare ak asoobi; Ki aguoten ak ki anyaa: Ak ma mi ne imuuchi kosar eng' eunnyu.

1 SAMUEL 2:6

Parei `Kamuktaindet ne Toroor ak kosaabi. Choortoi koba kererit ak komutu kotogos.