2 LAITORINIK 5:27 - BUKUIT NE TILIIL Sireet ne Dutero Kanon

²⁷ Namin anyun mogondosigap Naaman ak iyoteng'ung' koigeny.” Ki manda anyun eng' ye ki mi ineendet ko kagonam mogondosaik, koleelit ko uu teluji.

Bukuit Ne Tilil

²⁷ Namin anyun mogondosigap Naaman ak iyoteng'ung' koigeny.” Ki manda anyun eng' ye ki mi ineendet ko kagonam mogondosaik, koleelit ko uu teluji.

BUKUIT NE TILIL

²⁷ Namin anyun mogondosikab Naaman ak iyoteng’ung’ koigeny. Ak kimanda eng’ ye kimi inendet ko kagonam mogondosik, koleelit ko u teluchi.

2 LAITORINIK 5:27 ပူးပေါင်းရင်းမြစ်များ

2 SAMUEL 3:29

Ingotebee metitap Joab ak kotebee kootap kwandanyi tugul. Amat kobet eng' kootap Joab chii ne tinyei kusereet anan ne tinyei mogondos anan ne tebenoti kirokto anan ne kibarei eng' rotwetap chok anan ko ne ma tinyei amitwogik.”

2 LAITORINIK 15:5

Ki pir Kamuktaindet ne Toroor laitoryat, ak ki nam mogondosaik agoi peetuutap meennyi, ak ki meny koot ne itabaanat. Ki pou koot Jotham weeriitap laitoryat, korwookyin piik eng' emet.

2 LAITORINIK 5:1

Naaman ko ki kiptaiyatap lugeet, ki chiito ne oo ak ko konyitot, eng' taitap kiptaiyandennyi, laitoryatap Syria. Kiga kogoochi Kamuktaindet ne Toroor Syria katerteeret eng' ineendet. Ki chiito ineendet kogeny ne kiim ak ko nyigan, ago ki tinyei mogondosaik.

KOMONG'U 20:5

ameng'uruukyi anan ioot icheek, amu anee Kamuktaindet ne Toroor Kamuktaindeng'ung', ko aa Kamuktaindet ne ama ng'etkong'. Ageerchini lagok tengektap kwanisyekwak agoi ibindap somok ak ne po ang'wan eng' icheek che wecho.

KOMONG'U 4:6

Ak ki leenji Kamuktaindet ne Toroor kogeny, “Irooch euut tegeng'ung'.” Kingo rooch eunnyi tegeet ak kocher, ogeero, ki tinyei eunnyi mogondosaik, ak kiwalak koleelit ko uu teluji.

HOSEA 10:13

Ki obat yaityet, oges tengekto; ki oam logoegap lembechek: amu ki imang'u oreng'ung', eng' chaang'indap piiguk che nyigoonen.

ATEPTAP LAWIK 13:10

Keerei anyun tisiindet, ak ngo leel ole ibwanat eng' iriryot ak kogowalak koroorik koleelagitu, ak kotook panyeek eng' ye koibwanat,

ATEPTAP LAWIK 13:25

kogeer anyun tisiindet kioto. Ngo kogowalak koroorik koleelagitu ak ko lolondoot, ko mogondos nooto ne kogomang'une ole kolal. Mwaitoi anyun tisiindet kole murwoon ineendet, amu koroito ne po mogondos niito.

KAITOSYEK 12:10

Ye kingo togosta parak pooldet eng' Emait, ogeero, ki am mogondosaik Miriam, kileelit poortanyi ko uu teluji. Ak ye kingo kusyi kong' Aron, kogeer Miriam kotinyei mogondosaik.

POISYONIGAP CHE KIYOKTOI 5:10

Ak ki ibutyi keelyekyik sainooto ak kome. Ye kingo pwa ko anyun murenik konyoor ko kagome, ak kisut kwo saang' ak kotupchi ye neegitee manong'otyondennyi.

POISYONIGAP CHE KIYOKTOI 5:5

Kingo kas Anania ng'aleechu, kobut ak kome. Ak ki nyoonji kaiyweisyet ne oo tugul che ki kas.

POISYONIGAP CHE KIYOKTOI 8:20

Ago ki leenji Petero ineendet, “Ingobetyo siling'isyeguk kobooten, amu keleen inyooru konunetap Kamuktaindet eng' silingisyek.

1 TIMOTEO 6:10

Amu chametap silingisyek ko tigityot agenge ne po yaitwogik alak tugul. Kigong'asyigei piik alage kot kometo kayaneet ak ki kotorgei eng' aragenosyek che chaang'.

JOSHUA 7:25

Ki leenji Joshua, “Amu nee si inyalilech? Inyaliilin Kamuktaindet ne Toroor rani.” Ak kilach Israel tugul ineendet eng' koik; ki peel eng' maat ak kolach eng' koik.

2 PETERO 2:3

Ak kocheeng'jingei poroteet eng' okweek eng' ng'aleegap ng'aalseet amu kasennywa ne po myat: che ma igaegei kirwoogennywa kobooch keny, ama ruei ng'emisyennywa.