2 LAITORINIK 5:22 - BUKUIT NE TILIIL Sireet ne Dutero Kanon

²² Ak ki le, “Kaalyeet! Kaiyokwo kiptaiyandennyu, kole, Kagoit oldanyu murenik aeng'u che po weeriigap maotik, che punu emetap tuloonook ne po Ephraim. Asoomin ale, igoochi icheek keruutik sosom che po fedha ak ngoroik aeng' che kiwalawali.”

Bukuit Ne Tilil

²² Ak ki le, “Kaalyeet! Kaiyokwo kiptaiyandennyu, kole, Kagoit oldanyu murenik aeng'u che po weeriigap maotik, che punu emetap tuloonook ne po Ephraim. Asoomin ale, igoochi icheek keruutik sosom che po fedha ak ngoroik aeng' che kiwalawali.”

BUKUIT NE TILIL

²² Ak kile, Kalyet. Kaiyokwa kiptaiyandennyu, kole, Keero, kagoit oldanyu murenik aeng’u che bo werikab maotik, che bunu emetab tulonok ne bo Epraim; asomin ale, igochi ichek talentait agenge ne bo feda, ak ngoroik aeng’ che kiwalawali.

2 LAITORINIK 5:22 ပူးပေါင်းရင်းမြစ်များ

1 LAITORINIK 13:18

Ak ki leenji ineendet, “Aa maotyot agine ko uu inyee, ak kang'alaalwo malaikaiyat eng' ng'olyootap Kamuktaindet ne Toroor kole, ‘Imutu ineendet konyo koong'ung', si koamis ak koe peek.’ ” Ago ki mwachi lembech.

1 LAITORINIK 20:35

Ki leenji chiito age ne po weeriigap maotik chiitap kokwennyi eng' ng'olyootap Kamuktaindet ne Toroor, “Asoomin ale, pira.” Ak ki eesyo chiichooto kobir ineendet.

1 LAITORINIK 20:39

Ye kisiirtoi laitoryat, koguur `ineendet laitoryat koleenji, “Ki wo otwogindeng'ung' kwenutap lugeet, ak keero, kiwelelgei chiito kwo taban, ak komutwaa chiito, ak kole, Riip chiichi. Ngot kobiit kiy kot kochilil, kogeeri saboondang'ung' saboondanyi, anan iyoogu kebeberwek eliphuusyek somok che po fedha.

2 LAITORINIK 2:15

Kingo keer weeriigap maotik che ki mi Jeriko ko katokyigei ineendet, kole, “Tebee `sabeetap Elijah Elisha.” Ak ki pa kotorookta ineendet ak kong'uruuk kot koit ng'wony eng' tainnyi.

2 LAITORINIK 2:3

Ki mong' weeriigap maotik che ki mi Bethel, kobwa ole mi Elisha, ak koleenji ineendet, “Ingen ile imuti ra Kamuktaindet ne Toroor kiptaiyandeng'ung' si ma ko kiptaiyandeng'ung'?” Ak ki le, “Ee, angen; osisye okweek.”

2 LAITORINIK 2:5

Ki pwa koriik ole mi Elisha, weeriigap maotik che ki mi Jeriko, ak koleenji ineendet, “Ingen ile imuti ra Kamuktaindet ne Toroor kiptaiyandeng'ung' si ma ko kiptaiyandeng'ung'?” Ak ki wol kole, “Ee, angen; osisye okweek.”

2 LAITORINIK 2:7

Ki isup murenik konomu che po weeriigap maotik, ak kotononso eng' ole loo kitigin; ak kitononso icheek aeng'u eng' ye neegitee Jordan.

2 LAITORINIK 4:26

Labat torookte, ak ileenji, ‘Ichamegei? Chamegei manong'otyondeng'ung'? Chamegei lakweet?’ ” Ak ki wol kole, “Chamegei.”

2 LAITORINIK 5:21

Kosup anyun Geasi Naaman. Kingo keer Naaman chiito kolabatu kosubu ineendet, kochoorgei eng' chepkichutit kotorookta ineendet ak koleenji, “Kaalyeet?”

2 LAITORINIK 5:25

Ago ki wo ineendet ko, ak kotonon eng' taitap kiptaiyandennyi. Ak ki leenji Elisha ineendet, “Ibunu ano, Geasi?” Ak ki le ineendet, “Kamawo ui otwogindeng'ung'.”

2 LAITORINIK 5:5

Ki le laitoryatap Syria, “Ara, ui olooto, si ayookyi parweet laitoryatap Israel.” Ki wo anyun ak koip talendaisyek taman che po fedha, ak thahabusyek eliphuusyek lo, ak ngoroik taman che kiwalawali.

ISAIAH 59:3

Amu murwonen eunekwok eng' korotiik, ak ko murwonen morikwok eng' tengekto; kogomwa kutusweekwok lembechek, ng'alaali ng'elyebwekwok yaityet.

JEREMIA 9:3

Riichei ng'elyebwekwak ko uu ye riichei kwangokwak, agobo lembechek, ak kagogimegitu eng' emet, ago ma eng' imanit. Amu kong'eetyee yaityet koba yaityet, amaingeno, mwaei Kamuktaindet ne Toroor.

JEREMIA 9:5

Iberberi age tugul chiitap kokwennyi, ama mwaei imanit. Ki konet ng'elyebwekwak komwa lembechek; ak kobirtogei koyai yaityet.

JOHANA 8:44

Oo po kwandang'wong' chesawilyet, ak ochame oyai magutigap kwandang'wong'. Ki rumiindet kobooch taunet, ama tononi eng' imanit, amu ma mi imanit eng' ineendet. Ye mwaei lembech, komwaei agobo tuguukyik, amu kiplembechwa ineendet ak kwanda ne po nooto.

JOSHUA 24:33

Kime agine Eleazar weeriitap Aron, ak kitup `icheek ineendet eng' tulweetap Phineas weeriinnyi, ne kiga kigoochi ineendet eng' emetap tuloonook ne po Ephraim.

NG'ANG'UTYET 21:8

Ago che iyweisyei, ak che ma iyani, ak che kiwechei, ak rumiik, ak che soksei, ak pooniik, ak che saaei kanamonik, ak kiplembechonik tugul, kotinyei kebebertanywa eng' araraita ne lale maat ak koik che laldos; ne nooto ko meet ne po aeng'.”

KIRUOGIK 14:12

Ki mwachi `Samson icheek koleenji, “Ogany amwaiwok tangochet. Ngot omuuchi omwaiwo eng' peetuusyek tisap che po igoorto, ak onai kiit ne ibooru, agoonok anyun ngoroik sosom che po katanit ak ngoroik sosom che kiwalawali.