2 LAITORINIK 5:20 - BUKUIT NE TILIIL Sireet ne Dutero Kanon

²⁰ Ago ki le Geasi otwogindetap Elisha chiitap Kamuktaindet, “Keero, kabagakyi kiptaiyandennyu Naaman Syrianindet, amataach eng' eunnyi tuguuk che kaibu. Ko uu ye sabei Kamuktaindet ne Toroor, alabati asubi ineendet ak aibe ineendet tuguuk alak.”

Bukuit Ne Tilil

²⁰ Ago ki le Geasi otwogindetap Elisha chiitap Kamuktaindet, “Keero, kabagakyi kiptaiyandennyu Naaman Syrianindet, amataach eng' eunnyi tuguuk che kaibu. Ko uu ye sabei Kamuktaindet ne Toroor, alabati asubi ineendet ak aibe ineendet tuguuk alak.”

BUKUIT NE TILIL

²⁰ Ago kile Geasi otwogindetab Elisha chitab Kamuktaindet, Keero, kabagakyi kiptaiyandennyu Naaman Suriaindet, amataach eng’ eunnyi tuguk che kaibu: ko u ye sobei Jehovah, alabati asubi inendet, ak aibe inendet tuguk alak.

2 LAITORINIK 5:20 ပူးပေါင်းရင်းမြစ်များ

1 LAITORINIK 17:1

Ki leenji `Elijah Tisbinindet ne ki po piik che ki menyei Gilead Ahab, “Ko uu ye sabei Kamuktaindet ne Toroor, Kamuktaindetap Israel, ne atonone tainnyi, koma piitu rewoot anan ko ropta kenyisyechu, kobatee ko uu ng'olyoondennyu.”

2 LAITORINIK 13:19

Ki nereekyi `chiitap Kamuktaindet ineendet, koleenji, “Kaganyooljin ikwer konyil muut anan ko lo, ko kata ibare piigap Syria kot igeesu. Ago nguno ibare piigap Syria konyil somok kityo.”

2 LAITORINIK 4:12

Ki leenji Elisha Geasi otwogindennyi, “Guur Chepsunamindoni.” Kingo kagoguur konyo kwonyooto kotonon eng' tainnyi.

2 LAITORINIK 4:25

Ki wo anyun, ak ki it ole mi chiitap Kamuktaindet eng' tulweetap Karmel. Ak kingo keer chiitap Kamuktaindet ineendet eng' ole loo, koleenji Geasi otwogindennyi, “Keero! Niin ko Chepsunamindet!

2 LAITORINIK 4:31

Ki wo Geasi kondoe icheek ak kogonoor kirokto togeetap lakweet, ago ma piit tweguuno, anan kaseet. Koweek anyun kotorookta ineendet ak koleenji, “Tom kong'eet lakweet.”

2 LAITORINIK 4:36

Ki kuur anyun Geasi koleenji, “Guur Chepsunamindet.” Koguur anyun ineendet. Kingo nyo ko ole mi Elisha, koleenji Elisha, “Kanap weeriing'ung'.”

2 LAITORINIK 5:16

Ago ki mwa kole, “Ko uu ye sabei Kamuktaindet ne Toroor, ne atonone tainnyi, ko mataache kiy.” Ak nganda kibirchi ineendet koip, ko ki eesyo.

2 LAITORINIK 5:21

Kosup anyun Geasi Naaman. Kingo keer Naaman chiito kolabatu kosubu ineendet, kochoorgei eng' chepkichutit kotorookta ineendet ak koleenji, “Kaalyeet?”

2 LAITORINIK 6:31

Yeityo komwa kole, “Ingoyaiywo Kamuktaindet ko uu nooto ak kotes koosir, ngot kotebi metitap Elisha weeriitap Sapat rani!”

2 LAITORINIK 8:4

Ki ng'alaalji `laitoryat Geasi otwogindetap chiitap Kamuktaindet, koleenji, “Asoomin ale, mwaiwo tuguuk tugul che eecheen che ki koyai Elisha.”

2 LAITORINIK 8:7

Ki nyo `Elisha Damasko, ak kimyani Ben-Hadad laitoryatap Syria. Ki kimwachi keleenji, “Konyo oli chiitap Kamuktaindet.”

TIENWOGIKAL 10:3

Ilasunegei kiptengekyot mageetap muguleldanyi, icheeget che kipkeinik agobo kelunet ko chubei ak kosasei Kamuktaindet ne Toroor.

KOMONG'U 20:17

Amegase myat kootap chiitap kokweng'ung'. Amegase myat osotyotap chiitap kokweng'ung' anan otwogindennyi ne muren anan otwogindennyi ne tye anan eitonyi anan sigiryennyi anan kiy age tugul ne po chiitap kokweng'ung'.”

KOMONG'U 20:7

Amemwa kainetap Kamuktaindet ne Toroor Kamuktaindeng'ung' eng' tangoi. Amu iityin Kamuktaindet ne Toroor ng'oogisto ne mwaei kainennyi eng' tangoi.

KALEWANAIK 26:16

Iityingei chiito ne choriren kole ng'oom eng' losennyi pogei kosiir piik tisap che imuuchi kowol kiy.

ISAIAH 48:1

Ogas ni anyun, okweek, ee kootap Jakobo, che kimwaitoenok kainetap Israel, che ki obiitune peegap Judah; che oyostosi eng' kainetap Kamuktaindet ne Toroor, ak omwae Kamuktaindetap Israel, ago ma eng' iman, anan ko eng' imanda.

JEREMIA 22:17

Ago matokyingei konyeguk ak muguleldang'ung' kiy age kobatee tuguugap ng'wen, ak tumdaetap korotiik che ma tinyei tengek, ak sastaet, ak koroomnateet, koyai chooto.

HABAKUK 2:9

Pwo ineendet ne taachei kelunet ne ya agobo koonnyi, si kobiit koteech keswennyi eng' ole toroor, si kobiit kesar eng' eutap yaityet!

MATAYO 10:4

Simion kanaanindet, ak Judas Iskaryot, ne king'wektoi ineendet.

MATAYO 26:9

Amu kota ki aldoe mwai tuguuk che chaang', ak kigoochi kibananook.”

LUKA 12:15

Ak ki leenji icheek, Ogeer, ak oriipkei eng' kasetap myat tugul: amu ma tebyei saboondap chii eng' chaang'indap tuguuk che tinyei.

LUKA 16:8

Ak ki ichoi kiptaiyandennyi otwogindonooto ki ma ko po imanda amu kayai eng' ng'ulaatyet: amu ng'ulaatiin weeriigap ng'wonyuni eng' ibindanywa kosiir weeriigap lapkeiyet.

JOHANA 13:2

Ak eng' saitap amitwogigap lagat, ko kagonde chesawilyet ng'wektaet muguleldap Judas Iskaryot, ne po kap Simion,

JOHANA 6:70

Kowolji Jeso icheek koleenji, “Ki ma alewenok taman ak aeng', ak chesawilyet age eng' okweek?”

POISYONIGAP CHE KIYOKTOI 5:2

ak kiituuch kebebertap che ki kialdae, kongen agine osotyonnyi, ki ip kebeberta age yeityo konde keelyegap che kiyooktoi.

2 TIMOTEO 4:10

amu ki kobagakta Dema, ko kagocham ng'wonyuni po peetuusyechu, ak kwo Thessalonika; kwo Kreske Galatia, kwo Tito Dalmatia.

TITO 1:7

Amu kanyolji riibindetap kaniset koek chii ne ma tinyei leluut, ineendet ne riibindetap poisyetap Kamuktaindet; ma ne isubi magennyi, ne ma sip konereechi, ne ma kimaiya, ne ma pirisyei, ne ma ting'ee keiyandit mogornateetap teweernateet;

1 PETERO 5:2

oyage akweetap Kamuktaindet ne miitei kwenung'wong', otononji, ama eng' pirchinet, ago oyage eng' chameet, eng' Kamuktaindet; ama eng' mageetap keljinet ne murwoon, ago oyage eng' chameet ne oo;

1 SAMUEL 14:39

Amu ko uu ye sabei Kamuktaindet ne Toroor ne saru Israel, ko agot ngo Jonathan weeriinnyu, komeei iman.” Ago ma piit chii eng' piik tugul ne ki wolji ineendet.