2 LAITORINIK 4:13 - BUKUIT NE TILIIL Sireet ne Dutero Kanon

¹³ Ki leenji otwogindennyi, “Ileenji kwonyi, ‘Keero, kaitoretech miising' eng' toretoni tugul tee ni, imache keyaun nee? Imache kesomun kiy eng' laitoryat anan eng' kiptaiyatap lugeet?’ ” Ak ki wolji koleenji, “Amenye kwenutap piikyuk.”

Bukuit Ne Tilil

¹³ Ki leenji otwogindennyi, “Ileenji kwonyi, ‘Keero, kaitoretech miising' eng' toretoni tugul tee ni, imache keyaun nee? Imache kesomun kiy eng' laitoryat anan eng' kiptaiyatap lugeet?’ ” Ak ki wolji koleenji, “Amenye kwenutap piikyuk.”

BUKUIT NE TILIL

¹³ Ak kilenji otwogindennyi, Ilenji kwonyi, Keero, kaitoretech mising’ eng’ toretoni tugul te ni; imache keyaun nee? Imache kesomun kiy eng’ laitoriat, anan eng’ kiptaiyatab luget? Ak kiwolji kolenji, Amenye kwenutab bikyuk.

2 LAITORINIK 4:13 ပူးပေါင်းရင်းမြစ်များ

TAUNET 14:24

Ma yani kiy kobatee chooto che ki kaam parnotikyuk, ak motweetap parnotik che kiga kibe tugul, Aner, Eskol ak Mamre. Ingoip icheek kebebertanywa.”

2 SAMUEL 19:13

Oleenji Amasa, ‘Tos ma ii kowekyuk ak panyeekyuk? Ingoyaiywo Kamuktaindet ko uu nooto ak kotes kosiir, ngot ko meegu kiptaiyatap lugeet eng' tainnyu kotugul igeer Joab.’ ”

1 LAITORINIK 2:32

Weekyin Kamuktaindet ne Toroor korotiikyik metinnyi, amu, ama ingen kwandanyu Daudi, ko ki ibookyi ak kobar eng' rotwetap chok piik aeng' che ki po iman ak ko koigoi kosiir ineendet, chooto ko Abner weeriitap Ner, kiptaiyatap lugeetap Israel, ak Amasa weeriitap Jeter, kiptaiyatap lugeetap Judah.

2 LAITORINIK 4:12

Ki leenji Elisha Geasi otwogindennyi, “Guur Chepsunamindoni.” Kingo kagoguur konyo kwonyooto kotonon eng' tainnyi.

2 LAITORINIK 4:14

Ki le anyun Elisha, “Ki yachi nee anyun?” Ak ki wol Geasi kole, “Ma tinyei weeriit iman, ak oos manong'otyondennyi.”

2 LAITORINIK 8:1

Kiga ng'alaalji Elisha kwonyi kiga ing'eetyi weeriinnyi, koleenji, “Ng'eet ak obe ak piigap koong'ung', omeny oldo tugul ole ochame, amu kagoguur Kamuktaindet ne Toroor rubeet. Nyoonei rubeet emet kenyiisyek tisap.”

2 LAITORINIK 9:5

Kingo it olooto konyoorta kiptainigap lugeet kotebyei; ak ki le, “Atinye ng'olyoot ne kagiyogunena, ee kiptaiyat.” Ak ki le Jehu, “Kagiyookyi ng'oo eng' acheek tugul?” Ak ki le, “Kagiyogun, ee kiptaiyat.”

TIENWOGIKAL 37:3

Imang'u Kamuktaindet ne Toroor ak iyai ne myee; meng'iisye eng' emet, ak isup imanda.

ROMANIK 16:2

ale otaach ineendet eng' Kiptaiyat, ko uu ye nyoljin che tiliileen, ak otoret ineendet eng' kiit age tugul ne magenok; amu ineendet agine ko kitoretindet ne po che chaang', ak kitoreta agane.

ROMANIK 16:6

Ogat Maria, ne kiboisyewok eng' poisyet ne oo.

HEBRANIK 13:5

Oegu che ityagatin eng' chametap silingisyek; ingoyamak tuguuk che otinye; amu ki komwa ineendet kole, “Ma koi abagaakteen, ma koi ameteen.”

HEBRANIK 6:10

amu Kamuktaindet, koma Kamuktaindet ne ma po iman, kot koutye poisyeng'wong' ak chamyet ne ki obarte agobo kainennyi, ye ki oboisyechini che tiliileen, ak kota oboisyechini.