2 LAITORINIK 25:4 - BUKUIT NE TILIIL Sireet ne Dutero Kanon

⁴ Kibut anyun piik irimeetap nganaseet ak komweiso murenik tugul che po lugeet kemoi kobun ooreetap ormariichet ne ki mi kwenutap inatusyek aeng' ole ki neegitee seremutap laitoryat. Nga kiga yiem Kaldeik nganaseet, ko ki pun icheek ooreetap Arabah.

Bukuit Ne Tilil

⁴ Kibut anyun piik irimeetap nganaseet ak komweiso murenik tugul che po lugeet kemoi kobun ooreetap ormariichet ne ki mi kwenutap inatusyek aeng' ole ki neegitee seremutap laitoryat. Nga kiga yiem Kaldeik nganaseet, ko ki pun icheek ooreetap Arabah.

BUKUIT NE TILIL

⁴ Kobut anyun bik irimetab nganaset, ak kimwei murenik tugul che bo luget kemoi kobun oretab ormarichet ne kimi kwenutab inatusiek aeng’, ye kimi ole negite seremutab laitoriat: (kiga yiem Kaldeik nganaset:) ak kibun laitoriat oretab Araba.

2 LAITORINIK 25:4 ပူးပေါင်းရင်းမြစ်များ

2 LAITORINIK 25:5

Ago ki oon lugeetap Kaldeik laitoryat, ak ki nam ineendet eng' warengosyegap Jeriko. Ki iyeesta lugeennyi tugul kometo ineendet.

2 ATEPTAP PEETUUSYEK 32:5

Kibegeechi koteech irimeet tugul ne kiga kobutok ak ki teech teeksosyek che kooen eng' paragunnyi. Ki teech irimeet age ne tobonu saang'eng' ni Kai ak kogiimit Milo eng' nganaseetap Daudi, ak ki yai kariik ak long'onik che chaang'.

NEEMIA 3:15

Ki teech kogeny ormariichetap kondap peek Shallum weeriitap Kolhose, pounindetap kooretap Mispa. Ye kingo teech, kotuch, konde kereiywekyik, poldiinikyik che ki kiige ak temeleiywekyik. Ki teech irimeet ne po tamboiyotap Shelah ole neegitee seremutap kaplaitoryat, agoi lang'eiywot ne kichoortoegei kebendi nganaseetap Daudi.

ISAIAH 22:11

Ki obal keriingetap peek eng' kwenutap irimoik aeng', si korootyi peegap tamboiyot ne po keny. Ago ma ogeer ineendet ne kiyaei niito, amoiit ole kiy ineendet ne kiyaei niito keny.

ISAIAH 22:3

Kimwei kibagenge pouniguk, ki rat mwogik icheek. Ki kirat tugul che ki kinyoor eng' okweek, ki mweiso icheek kolooegitu.

JEREMIA 32:4

ama chilili Zedekiah laitoryatap Judah eng' eutap Kaldeik, ago kindoi iman eutap laitoryatap Babilon, ak kong'alaal tuwai kimni, ak kogeergei togoch;

JEREMIA 34:3

amechililee eunnyi, ago kiluulin iman, ak kindein eunnyi, ak igeer laitoryatap Babilon togoch, ak ong'alaal tuwai kimni, ak iwe Babilon.

JEREMIA 38:18

Ago ngot ko mewe indegei eunegap pounigap laitoryatap Babilon, kindoi anyun nganasani eutap Kaldeik, ak kobeel, amechilili eng' eunekwak.

JEREMIA 4:17

Ki koyiem icheek ko uu riibiik che riibei mbareet, amu ki kongelelja mwaei Kamuktaindet ne Toroor.

JEREMIA 4:29

Mweei nganaseet komugul amu waagaatap piik che ketei paraisisyek ak piigap kwangok, chutei sondisyek ak kolaany rwandosyek. Ki metoi nganaseet age tugul, ama menyei chii olooto.

JEREMIA 44:30

Mwaei Kamuktaindet ne Toroor kole: Ogeero, andoi Pharaoh Hopra laitoryatap Misiri, eutap puunikyik, ak eutap icheeget che cheeng'ei saboondanyi; ko uu ye ki ande Zedekiah laitoryatap Judah, eutap Nebukadresar laitoryatap Babilon, punyondennyi, ak ko ne ki cheeng'ei saboondanyi.

JEREMIA 5:10

Otogoste irimoikyik ak ong'em, ago mong'em ogesu. Oiste mooriikyik, 2 amu ma po chooto Kamuktaindet ne Toroor.

RIREKAB JEREMIA 1:3

Ki kiluul Judah kwo nyalil, ak otwoknateet ne oo. Menyei nguno kwenutap pororyosyek ak ma sichei kamung'et. Kagonam ineendet `usiikyik tugul eng' ole pichiy.

RIREKAB JEREMIA 1:6

Kogoistoegei cheptap Zion toroornatennyi tugul; kogoigei pounikyik cheptirgichik che ma tinyei ole agetee. Kogomweiso icheek ama tinyei kimnateet eng' taitap chiito ne oonei.

EZEKIEL 12:12

Ibei pounindet ne mi kwenunnywa, kotiinyi kaat, ko kagoimen, ak kwo: unduri icheek inaatut si kobiit kouutoe tuguukwak yooto: tuchei togeennyi, amu ma keerei ng'wony.

EZEKIEL 12:14

Ak aiyeste koba usoonet age tugul, piik tugul che miitei komoswekyik kotoret ineendet, ak lugosyekyik tugul; ak ang'usu rotwetap chok asube icheek.

EZEKIEL 12:4

Ak iibu tuguuguk komong' peet kogeerei icheek, ko uu tuguugap kautoet: ak iwe imande inyeendet koskoleny kogeerei icheek, ko uu ye pendi piik luuleet.

EZEKIEL 33:21

Ki nyoonjo chiito age ne kiga chilil komong' eng' Jerusalem, ki nyo eng' kenyiit ne po taman ak aeng', kobooch ngap keluulech, eng' arawetap taman, eng' peetuut ne po muut ne po arawanooto, koleenjo, Kagebar nganaseet.

ATEPTAP LAWIK 26:17

Aboorwok nereegekyuk, ak kebaraak eng' taitap puunikwok. Poiywok che wechok, ak omwei ko maonok chii.

ATEPTAP LAWIK 26:36

Ak eng' icheeget che ng'etu eng' okweek, ayookyini mugulelwekwak kaiyweisyet eng' emotinwegap puunikwak, ak koon icheek cheetap sogoot ne ibei usoonet, ak komwei icheek ko uu chii ne mwee rotwetap chok, ak kobutyoti ye maonei chii.

SEKARIA 8:19

“Mwaei Kamuktaindet ne Toroor ne po lugoosyek kole: Egu eng' kootap Judah poiboiyet ak kaagaasetapkei, ak igoorwegap poiboiyet, karugutetapkei ne po arawetap ang'wan, ak ne po arawetap muut, ak ne po arawetap tisap, ak ne po arawetap taman; ocham anyun imanit ak kaalyeet.”

NG'ATUTIK 28:25

“Igoitoin Kamuktaindet ne Toroor koterteerin puuniguk. Ibookyini eng' ooreet agenge ak imwee eng' tainnywa eng' ortinwek tisap ak konaatiin laitornatosyek tugul che po ng'wony.

NG'ATUTIK 32:30

Kotos imuktoi ano koon `chii agenge eliphuut, ak koon `piik aeng'u eliphuusyek taman, nda ki ma alda `Ruandennywa icheek, ak kogoito `Kamuktaindet ne Toroor icheek?