2 LAITORINIK 25:3 - BUKUIT NE TILIIL Sireet ne Dutero Kanon

³ King'wanit rubeet eng' nganaseet eng' peetuutap sogool ne po arawetap ang'wan, ak ki ma komi amitwogik che amei piik eng' emet.

Bukuit Ne Tilil

³ King'wanit rubeet eng' nganaseet eng' peetuutap sogool ne po arawetap ang'wan, ak ki ma komi amitwogik che amei piik eng' emet.

BUKUIT NE TILIL

³ King’wanit rubet eng’ nganaset eng’ betutab sogol ne bo arawetab ang’wan, ne kima komi amitwogik che amei bik eng’ emet.

2 LAITORINIK 25:3 ပူးပေါင်းရင်းမြစ်များ

2 LAITORINIK 25:2

Kiyiem anyun nganaseet agoi kenyiitap taman ak agenge ne po Laitoryat Zedekiah.

2 LAITORINIK 6:24

Kingo pata chooto, koyum Ben-Hadad laitoryatap Syria lugeennyi tugul, ak kotogosta koyiem Samaria.

2 LAITORINIK 6:25

Ki piit rubeet ne oo eng' Samaria; ak kiyiem nganasanooto kot kealdae metitap sigiryet keruutyet agenge che po fedha, ak kealdae kebeberta agenge eng' ang'wan ne po kibabet ne po soroegap cheptugenik, fedhaisyek muut.

ISAIAH 3:1

Ogeer anyuno, istoi Kiptaiyat, Kamuktaindet ne Toroor ne po lugoosyek, eng' Jerusalem ak Judah, tiyeiywot ak tuguuk che kimang'u, kobooto amitwogik tugul ak peek tugul,

JEREMIA 19:9

Ak agoochi icheek koam panyeegap weeriikwak ak tiibiikwak, ak koam age tugul eng' icheek panyeegap chorwennyi, eng' yiemetap kabookyinet ak eng' pichiindo, ne inyaliile puunikwak icheek, ak che cheeng'ei saboonwekwak.

JEREMIA 37:21

Ki ng'at anyun Zedekiah laitoryat, ak ki kimut Jeremiah kwo seremutap riibiik, ak ki kigoochin magatyat eng' peetuut age tugul kobunu ooreetap piik che peelei magatiinik, agoi kogeskei magatiinik tugul eng' nganaseet. Ki tebi anyun Jeremiah ko uu nooto eng' seremutap riibiik.

JEREMIA 38:2

mwaei Kamuktaindet ne Toroor kole, ineendet ne tebee nganasani, kebarei eng' rotwetap chok, ak eng' rubeet, ak eng' koroito: ago ineendet ne wendi kap Kaldeik kosabei ak koek sabeennyi ne kiluulei.

JEREMIA 39:2

ki kibut nganasanooto eng' kenyiitap taman ak agenge ne po Zedekiah, eng' arawet ne po ang'wan, eng' peetuutap sogool ne po arawanooto:)

JEREMIA 52:6

King'wanit rubeet eng' nganasanooto eng' arawetap ang'wan eng' peetuutap sogool ne po arawanooto, ne ki ma komi amitwogik che amei piik eng' emet.

EZEKIEL 14:21

Amu mwaei Kiptaiyat Kamuktaindet ne Toroor kole: Kotam nee anyun ye ayookyi Jerusalem kirwoogutikyuk ang'wan che ng'woneen; rotwetap chok, ak rubeet, ak tyong'ik che yaacheen, ak koroito, si kobar chii ak tyony?

EZEKIEL 5:10

Amei anyun kwanisyek weeriik eng' kwenung'ung', ak koam weeriik kwanisyekwak; ak ayai kirwoogutik eng' inyee, ak aseer piik tugul che ng'etu eng' okweek, aseerchi usoonaik tugul.

EZEKIEL 5:12

Meei kebeberta agenge eng' somok eng' inyee eng' koroito, ak kigeesu icheek eng' rubeet eng' kwenung'ung'; ak kobek eng' rotwetap chok kebeberta agenge eng' somok, eng' komosweguk tugul; ak aseer kebeberta agenge eng' somok koba koriswek tugul, ak ang'usu rotwetap chok koosup icheek.

EZEKIEL 7:15

Mi saang' rotwetap chok, komi oriit koroito, ak rubeet: ineendet ne mi mbar komeei eng' rotwetap chok; ak ineendet ne mi nganaseet, koamei rubeet ineendet ak koroito.

ATEPTAP LAWIK 26:26

Ye atil amitwogikwok kong'ering'itu, kobeel anyun kobogorisyek tamanu amitwogikwok eng' kapkoimaut agenge, ak kebimanwak amitwogikwok eng' ratilit. Oamisyei amobiyonyi.

SEKARIA 8:19

“Mwaei Kamuktaindet ne Toroor ne po lugoosyek kole: Egu eng' kootap Judah poiboiyet ak kaagaasetapkei, ak igoorwegap poiboiyet, karugutetapkei ne po arawetap ang'wan, ak ne po arawetap muut, ak ne po arawetap tisap, ak ne po arawetap taman; ocham anyun imanit ak kaalyeet.”