2 LAITORINIK 25:18 - BUKUIT NE TILIIL Sireet ne Dutero Kanon

¹⁸ Ki imut `kiptaiyatap riibiik Seraiah tisiindet ne oo ak Zephaniah tisiindet ne po aeng' ak riibiik somok che ki riibei kurgeet.

Bukuit Ne Tilil

¹⁸ Ki imut `kiptaiyatap riibiik Seraiah tisiindet ne oo ak Zephaniah tisiindet ne po aeng' ak riibiik somok che ki riibei kurgeet.

BUKUIT NE TILIL

¹⁸ Ak kiimut kiptaiyatab ribik Seraia tisiindet ne o ak Sepania tisiindet ne bo aeng’ ak ribik somok che kiribei kurget:

2 LAITORINIK 25:18 ပူးပေါင်းရင်းမြစ်များ

2 LAITORINIK 23:4

Ki ng'at `laitoryat Hilkiah tisiindet ne oo, tisiik che rubei ne po tai ak riibiigap kurgeet, koip komong' eng' Hekaluutap Kamuktaindet ne Toroor tereenik tugul che ki kiyachin Baal, che po Asera ak che po tuguuk tugul che po kipsengwet. Ki peel eng' Jerusalem saang' eng' mbareetap Kidron ak koip oreek koba Bethel.

1 ATEPTAP PEETUUSYEK 6:14

ki sich `Azariah Seraiah, ak ki sich `Seraiah Jehosadak.

EZRAH 7:1

Kingo pata tuguuchu eng' laitornatetap Artaserses laitoryatap Persia, ko ki mi Ezrah weeriitap Seraiah, weeriitap Azariah, weeriitap Hilkiah,

JEREMIA 20:1

Ki kas anyun Pasur weeriitap Imer tisiindet, ne ki pounindet ne oo eng' kootap Kamuktaindet ne Toroor, komaoteni Jeremiah agobo tuguuchuuto.

JEREMIA 21:1

Ki nyoonji Jeremiah `ng'olyoot ne ki punu Kamuktaindet ne Toroor, ye ki iyooktoi ineendet Laitoryat Zedekiah kwo kap Pasur weeriitap Malkija, ak Sepania weeriitap Maaseia tisiindet, koleenji,

JEREMIA 21:7

Ak ye ibata, mwaei Kamuktaindet ne Toroor, asaru Zedekiah laitoryatap Judah, ak otwogikyik, ak piik, piik che ng'etu eng' nganasaniito, asaru eng' koroito, ak eng' rotwetap chok, ak eng' rubeet, agoite koba eutap Nebukadresar laitoryatap Babilon, ak koba eunegap puunikwak, ak eunegap icheeget che cheeng'ei saboonwekwak: ak kobar icheek eng' rotwetap chok; ma pagaaktoi, ama riiree, ama rireegei.

JEREMIA 29:25

Mwaei Kamuktaindet ne Toroor ne po lugoosyek, Kamuktaindetap Israel, ko uu ni kole, amu ki iyookyi piik tugul che mi Jerusalem paronok eng' kaineng'ung', ak iyookyi Zephaniah weeriitap Maaseia tisiindet, ak tisiik tugul, ileenji,

JEREMIA 29:29

Ak kisomanji Zephaniah tisiindet parwaani, kogasei Jeremiah maotyot.

JEREMIA 34:21

Ak agoitoi Zedekiah laitoryatap Judah ak pounikyik koba eutap puunikwak, ak koba eutap icheek che cheeng'ei saboonwekwak, ak eutap lugeetap laitoryatap Babilon, che ki pa eng' oli omi.

JEREMIA 52:24

Ak ki imut kiptaiyatap riibiik Seraiah tisiindet ne oo, ak Zephaniah tisiindet ne po aeng', ak riibiik somok che ki riibei kurgeet:

EZEKIEL 11:7

Mwaei anyun Kiptaiyat Kamuktaindet ne Toroor kole: Panyeek piikwok che kigebar che ki onde kwenutap nganaseet, ak nganasani ko tereet: ago kimutwok omang'une kwenunnyi.

SEKARIA 6:10

Imut piik alak eng' che ki kiluul, che po Heldai, ak che po Tobija, ak che po Jedaiah; ak inyoo eng' peetuunooto, ak iwe agoi kootap Josiah weeriitap Zephaniah, ole kobunu icheek ye kingo punu Babilon.