2 LAITORINIK 25:1 - BUKUIT NE TILIIL Sireet ne Dutero Kanon

¹ Ak eng' kenyiitap sogool ne po laitornatennyi, eng' arawetap taman, eng' peetuutap taman, konyo Nebukadnezar laitoryatap Babilon kobooto lugeennyi tugul kobookyi Jerusalem. Ki teech `icheek irimoik koyiem nganaseet.

Bukuit Ne Tilil

¹ Ak eng' kenyiitap sogool ne po laitornatennyi, eng' arawetap taman, eng' peetuutap taman, konyo Nebukadnezar laitoryatap Babilon kobooto lugeennyi tugul kobookyi Jerusalem. Ki teech `icheek irimoik koyiem nganaseet.

BUKUIT NE TILIL

¹ Ak eng’ kenyitab sogol ne bo laitornatennyi, eng’ arawetab taman, eng’ betutab taman ne bo arawanato, konyo Nebukadnesar laitoriatab Babulon, inendet ak lugennyi tugul, kobokyi Jerusalem, ak koteech kotokyigei nganaset; ak kiteech ichek irimoik koyiem.

2 LAITORINIK 25:1 ပူးပေါင်းရင်းမြစ်များ

2 LAITORINIK 24:1

Ki togos Nebukadnezar laitoryatap Babilon eng' peetuusyekyik, ak ki ek Jehoiakim otwogindennyi kenyiisyek somok, ago kingo pata kongelelji ineendet.

2 LAITORINIK 24:10

Ki togos eng' peetuusyechooto otwogigap Nebukadnezar laitoryatap Babilon kobwa Jerusalem, ak ki yiem nganaseet.

2 LAITORINIK 25:2

Kiyiem anyun nganaseet agoi kenyiitap taman ak agenge ne po Laitoryat Zedekiah.

2 LAITORINIK 25:8

Ak ki nyo Jerusalem `Nebusaradan kiptaiyatap riibiik, otwogindetap laitoryatap Babilon, eng' arawetap muut, peetuutap tisap, ne ki kenyiitap taman ak sogool ne po Laitoryat Nebukadnezar, laitoryatap Babilon.

1 ATEPTAP PEETUUSYEK 6:15

Ki kiluul Jehosadak, ye ki igoochi Kamuktaindet ne Toroor Nebukadnezar koluul Judah ak Jerusalem.

2 ATEPTAP PEETUUSYEK 36:11

Ki po Zedekiah kenyiisyek tiptem ak agenge ye ki tau kolaitorani: ak ki laitoran kenyiisyek taman ak agenge eng' Jerusalem.

ISAIAH 29:3

Amu amuutin komoswek tugul, ak ayiemenen teeksosyek che kooen, ak ateech irimoik si kebarge.

JEREMIA 21:2

asoomin ale, teebwech eng' Kamuktaindet ne Toroor; amu ibookyinech Nebukadresar laitoryatap Babilon: tamangap koyaiywech Kamuktaindet ne Toroor ko uu poisyonikyik tugul che kikwong'ee, si kobiit kwo koistoeneigei.

JEREMIA 27:8

Ak tuun abire pororyet ak pounateet ne maotei Nebukadnezar niito laitoryatap Babilon, ak ne eesyoi konde kaatinnywa chogitap laitoryatap Babilon, abire pororyonooto rotwetap chok, ak rubeet, ak koroito, agoi ageesu icheek eng' eunnyi, mwaei Kamuktaindet ne Toroor.

JEREMIA 32:1

Ki nyoonji Jeremiah `ng'olyoot ne ki punu Kamuktaindet ne Toroor eng' kenyiitap taman ne po Zedekiah laitoryatap Judah, ne ki kenyiitap taman ak sisiit ne po Nebukadresar.

JEREMIA 32:2

Kiyiem anyun lugeetap laitoryatap Babilon Jerusalem eng' peetuusyechooto: ak kiga kigerchi maotyot Jeremiah seremutap riibiik, ne ki mi kootap laitoryatap Judah.

JEREMIA 32:24

Ogeero karurugutigap ng'ung'unyek ole punu piik kobwanei koluulei nganasani; ak kagigoochi nganasani eutap Kaldeik che paregei ak nganasanooto, amu rotwetap chok, ak rubeet, ak koroito: ak kagosulda nooto ki imwa; ak keero, igeere nooto.

JEREMIA 32:28

Mwaei anyun Kamuktaindet ne Toroor kole: Keero, agoochini nganasani eutap Kaldeik, ak eng' eutap Nebukadresar laitoryatap Babilon, ak koluul:

JEREMIA 4:17

Ki koyiem icheek ko uu riibiik che riibei mbareet, amu ki kongelelja mwaei Kamuktaindet ne Toroor.

JEREMIA 43:10

ak ileenji icheek, Mwaei Kamuktaindet ne Toroor ne po lugoosyek, Kamuktaindetap Israel, kole: Ogeero, ayooktoi kimut Nebukadresar laitoryatap Babilon, otwogindennyu, ak ande ng'echerennyi ne po laitornatet paragutap koichu kaauny; ak koiitae paragutap koichooto emainnyi ne po laitornatet.

JEREMIA 50:17

Uu Israel keechiirek che ki koiyesta; ki koon ng'etuunyik ineendet: kisip koam ineendet laitoryatap Assyria; ak eng' let koiri kawekyik Nebukadresar, niito laitoryatap Babilon.

JEREMIA 51:34

Ki koama Nebukadresar laitoryatap Babilon, ki kotuatua, ki koyaa aek tereet ne ma mi kiy, ki kolugua ko uu maswetit, kigonyiit moennyi tuguukyuk che anyiny; ki kotoorcha saang'.

JEREMIA 52:1

Ki po kenyiisyek tiptem ak agenge Zedekiah ye ki tau kolaitorani; ak ki laitoran kenyiisyek taman ak agenge eng' Jerusalem: ak kainetap kamennyi ko ki Hamutal cheptap Jeremiah ne po Libna.

JEREMIA 6:3

Pwaanjin ineendet mestoweek ak keechiirekwak; teechei emaisyekwak koyieme ineendet, ak iyagisye age tugul komostanyi.

EZEKIEL 21:14

Maoten anyun inyee weeriitap chii, ak irabaach euneguk; ak ingotesak rotwetap chok konyil aeng', ingotesak ne po somok, rotwetap chok ne po che ki kiguoten ne po meet: rotwetap chok ne po ineendet ne oo ne ki kiguoten ne po meet, ne kichut kooriikwak che po oriit.

EZEKIEL 26:7

Amu mwaei anyun Kiptaiyat Kamuktaindet ne Toroor kole: Ogeero, amuti Nebukadresar laitoryatap Babilon, ineendet laitoryatap laitorinik, kobookyi Tyro, kobunu murot kaataam, kobooto paraisisyek, ak kariisyekyik che po lugeet, ak piik che ketei paraisisyek, ak kweanet, ak piik che chaang'.

EZEKIEL 40:1

Ki mi paragunnyu eutap Kamuktaindet ne Toroor eng' kenyiitap tiptem ak muut, kobooch ngap keluulech, eng' taunetap kenyiit, eng' peetuutap taman ne po arawet, eng' kenyiitap taman ak ang'wan kobooch ngap kebar nganaseet ak komutwaa anyo olooto eng' peetuunooto.

SEKARIA 8:19

“Mwaei Kamuktaindet ne Toroor ne po lugoosyek kole: Egu eng' kootap Judah poiboiyet ak kaagaasetapkei, ak igoorwegap poiboiyet, karugutetapkei ne po arawetap ang'wan, ak ne po arawetap muut, ak ne po arawetap tisap, ak ne po arawetap taman; ocham anyun imanit ak kaalyeet.”

NG'ATUTIK 28:52

Yiemin eng' kurgotiguk tugul agoi koluulyo irimoiguk che kooen che ng'ootaatiin che imang'u eng' emeng'ung' komugul. Yiemin eng' kurgotiguk tugul eng' emeng'ung' komugul ne ki kogoonin Kamuktaindet ne Toroor Kamuktaindeng'ung'.