2 LAITORINIK 24:3 - BUKUIT NE TILIIL Sireet ne Dutero Kanon

³ Ki ityi kii Judah iman ko uu ng'atuutyetap Kamuktaindet ne Toroor, si koisto icheek koba eng' tainnyi, amu ng'oogiswegap Manasseh, ko uu tugul che ki yai,

Bukuit Ne Tilil

³ Ki ityi kii Judah iman ko uu ng'atuutyetap Kamuktaindet ne Toroor, si koisto icheek koba eng' tainnyi, amu ng'oogiswegap Manasseh, ko uu tugul che ki yai,

BUKUIT NE TILIL

³ Kinyo kii Juda iman eng’ ng’atutietab Jehovah, si koisto ichek koba eng’ tainnyi, amu ng’ogiswekab Manase, ko u tugul che kiyai:

2 LAITORINIK 24:3 ပူးပေါင်းရင်းမြစ်များ

TAUNET 50:20

Okweek, ko ki oleen ki oyaiywo ne ya, ago ki yai Kamuktaindet komyeeit, si kosulda ko uu rani, si kesar piik che chaang'.

2 LAITORINIK 17:18

Ki nereekyi anyun Kamuktaindet ne Toroor Israel miising', ak kong'eeto icheek eng' tainnyi. Ma ng'et agot agenge kobatee ooreetap Judah ineegei.

2 LAITORINIK 17:20

Ki eesyo Kamuktaindet ne Toroor kesweek tugul che po Israel; ki inyaliil icheek ak konde eunegap piik che kiluul icheek, agoi kong'eeto icheek koba eng' tainnyi.

2 LAITORINIK 17:23

agoi kong'eeto Kamuktaindet ne Toroor Israel eng' tainnyi, ko uu ye ki mwa eng' otwogikyik tugul, maotik. Ki kiluul anyun Israel kimut eng' emennywa koba emetap Assyria agoi ra.

2 LAITORINIK 18:25

Ara anyun, kanyo koma kimi ak Kamuktaindet ne Toroor anyo abar oli, ang'em? Koleenjo Kamuktaindet ne Toroor, “Togoste par emoni, ak ing'em.”

2 LAITORINIK 21:16

Kitumda kogeny Manasseh korotiik che chaang' kot, che ma tinyei tengek, kot konyiit Jerusalem kong'etee komosta age agoi komosta age; kobooto tengektanyi ne ki ibeete Judah si koyai tengekto, eng' yaityet ne ki yai eng' taitap Kamuktaindet ne Toroor.

2 LAITORINIK 24:20

Ki piit tuguuchooto amu nereegegap Kamuktaindet ne Toroor eng' Jerusalem ak Judah, kot kotimda icheek koba eng' tainnyi. Ki ingelelji Zedekiah laitoryatap Babilon.

2 ATEPTAP PEETUUSYEK 24:24

Nganda ki nyo lugeetap piigap Syria komut kweanet ne ming'in, ko ki inde Kamuktaindet ne Toroor eunekwak lugeet ne oo miising', amu kiga kometo Kamuktaindet ne Toroor, Kamuktaindetap kwanisyekwak. Ki irwookyi anyun Joash.

2 ATEPTAP PEETUUSYEK 25:16

Ak ye kita kong'alaaldos ak ineendet, koleenji laitoryat, Tos kogindein iegu kirwoogindetap laitoryat? Muite; amu nee si imache kebarin? Kimuita anyun maotyot, ak ki le, Angen ale, kagotil Kamuktaindet kole kong'emin, amu kaiyai ni, ama igas ng'aleekyuk.

KOMONG'U 20:5

ameng'uruukyi anan ioot icheek, amu anee Kamuktaindet ne Toroor Kamuktaindeng'ung', ko aa Kamuktaindet ne ama ng'etkong'. Ageerchini lagok tengektap kwanisyekwak agoi ibindap somok ak ne po ang'wan eng' icheek che wecho.

ISAIAH 45:7

Ayae lapkeiyet, ak ayae mesundeito; ayae kaalyeet, ak ayae yaityet; aa Kamuktaindet ne Toroor, ne yaei tuguuchuuto tugul.

JEREMIA 32:31

Amu ki koek eng' anee nganasani tagisyetap nereeknatennyu ak ne po nereegekyuk che ng'woneen kobooch peetuut ne kiteechei icheek agoi rani; kot aiste eng' tainnyu,

JEREMIA 52:28

Chu piik che ki imut Nebukadresar koluul: eng' kenyiitap tisap kogiluul Yahudik eliphuusyek somok ak tiptem ak somok:

EZEKIEL 22:3

Ak imwa ile, Mwaei Kiptaiyat Kamuktaindet ne Toroor kole: Nganaseet ne tumdoi korotiik eng' kwenunnyi, si kobiit konyo peetuunnyi, ne yachinegei kanamonik, kong'wanitegei!

EZEKIEL 24:6

Mwaei anyun Kiptaiyat Kamuktaindet ne Toroor kole: Pwo! Nganaseet ne po korotiik, tereet ne tinyei kutu eng' ole po oriit, tereet ne tomo kobek kutuuk! Inemu agenge agenge; ma mi parbaryat ne kaibutyi teronooto.

AMOS 3:6

Tos kiguutei iryageet eng' nganaseet, ama iyweis piik? Tos nyoonjin yaityet nganaseet, ama iyookyi Kamuktaindet ne Toroor?

MIKAH 2:10

Ong'eetyee, ak obe; amu ma olito ole omuung'e: amu murwoonindo ne ng'emisyei, ee, ng'emisyet ne ya kot.

NG'ATUTIK 28:63

Ko uu ye ki paibait Kamuktaindet ne Toroor eng' okweek koyaiywok ne myee ak kotesak, ko uu nooto ko poiboitu Kamuktaindet ne Toroor eng' okweek kolusak, kowong'wok ak kitutok eng' emet ne iwendi iname kobunjiin.

NG'ATUTIK 29:28

Ki itut `Kamuktaindet ne Toroor icheek komong' eng' emennywa eng' nereegek, eng' nyitatet ak eng' ng'wanindo ak koonji emet age ko uu rani.’ ”

JOSHUA 23:15

Ago onai anyun ole, ko uu ye ki pwanjok tuguuk tugul che myachen che kimwaiwok Kamuktaindet ne Toroor Kamuktaindeng'wong', koibwok Kamuktaindet ne Toroor ko uu nooto, tuguuk tugul che yaacheen agoi kogeswok eng' emoni karaaran ki koonok Kamuktaindet ne Toroor Kamuktaindeng'wong'.