2 LAITORINIK 24:2 - BUKUIT NE TILIIL Sireet ne Dutero Kanon

² Ki iyookyi `Kamuktaindet ne Toroor ineendet lugosyegap Kaldeik, piigap Syria, Moabik, ak che po lagogap Ammon. Ki iyookto icheek koba kobar Judah, ko uu ng'olyootap Kamuktaindet ne Toroor ne ki mwa eng' otwogikyik maotik.

Bukuit Ne Tilil

² Ki iyookyi `Kamuktaindet ne Toroor ineendet lugosyegap Kaldeik, piigap Syria, Moabik, ak che po lagogap Ammon. Ki iyookto icheek koba kobar Judah, ko uu ng'olyootap Kamuktaindet ne Toroor ne ki mwa eng' otwogikyik maotik.

BUKUIT NE TILIL

² Ak kiikyokyi Jehovah inendet lugosiekab Kaldeik, ak lugosiekab Suriek, ak lugosiekab Moabik, ak lugosiekab lagokab Amon, ak koyokto ichek koba Juda, kobar, ko u ng’olyotab Jehovah, ne kimwa eng’ otwogikyik maotik.

2 LAITORINIK 24:2 ပူးပေါင်းရင်းမြစ်များ

2 LAITORINIK 20:17

Keero, pwoonei peetuusyek, che tuun ki ibei tuguuk tugul che mi koong'ung' koba Babilon, ak tuguuk tugul che ki konor kwanisyeguk agoi ra. Ma mi kiy ne ng'etu, mwaei Kamuktaindet ne Toroor.

2 LAITORINIK 22:16

Kamwa Kamuktaindet ne Toroor kole: Aibu yaityet konyonji koroni kobooto piikyik, ko uu ng'aleek tugul che po bukuinooto kasomani laitoryatap Judah.

2 LAITORINIK 23:27

Ki le Kamuktaindet ne Toroor, “Aistoi Judah agine eng' tainnyu, ko uu ye ki aiste Israel, ak amete nganasani ki alewen, Jerusalem, kobooto koot ne ki ale, ‘Tebee kainennyu yooto.’ ”

2 LAITORINIK 6:23

Kichopchi icheek anyun amitwogik che chaang'; ak ye kingo kagoamis ak koeeiso, kochunda koba, ak ki pa ye mi kiptaiyannywa. Ak matagai kobwa kobookyi lugosyegap Syria kogeny emetap Israel.

2 ATEPTAP PEETUUSYEK 33:11

Komutyi anyun `Kamuktaindet ne Toroor icheek kiptainigap lugeet ne po laitoryatap Assyria che ki imut Manasseh ko rataat eng' nyororosyek ak mugurek, ak komut ineendet kwo Babilon.

Kitabuutap JOB 1:17

Ye kita kong'alaali, koit agine age ak kole, “Kachop Kaldeik kweanaik somok yeityo kobook kobwa kokweri tambeesik. Kabar otwogik eng' rotwetap chok ak kaachilil aneege, ak kaanyo amwaun.”

ISAIAH 13:5

Punu icheek emet ne loo, ole pooch tabandap kipsengwet, ineendet Kamuktaindet ne Toroor, ak kariigap nereegekyik, si kobiit kong'em emet komugul.

ISAIAH 28:19

Ibok eng' peetuut age tugul ye siirtoi; amu siirtoi karonet age tugul peet ak kemoi; ak egu kamuiset kityo ye ogase ng'aleek.

ISAIAH 7:17

Ibun Kamuktaindet ne Toroor, kobooto piiguk, ak kootap kwandang'ung', peetuusyek che tomo kobiit, kobooch peetuut ne ki istoegei `Ephraim Judah; nooto laitoryatap Assyria.”

JEREMIA 12:9

Tos ma igei porotennyu eng' anee toriityon ne legee, ne parisyei? Ne kayiem ineendet toriitik che parisyei? Ara oba anyun ak oyum tyong'ik tugul che po timiin; ogetu kobwa koamis.

JEREMIA 25:1

Ki nyoonji ng'olyoot Jeremiah agobo piik tugul che po Judah eng' kenyiit ne po ang'wan ne po Jehoiakim weeriitap Josiah, laitoryatap Judah; kenyiit ne po tai nooto ne po Nebukadresar laitoryatap Babilon;

JEREMIA 25:9

ogeero, ayooktoi kenam piigap ortinwek tugul che po murot kaataam, mwaei Kamuktaindet ne Toroor, kobooto Nebukadresar, laitoryatap Babilon, otwogindennyu, ak amutu icheek kobookyi emoni, ak piik che menyei olito, ak pororyosyechu tugul che mi komoswechuuto; ak ang'em icheek, ageesu, ak ayai koek kwong'eet, ak ne kireenyei, ak karotwek peetuusyek tugul.

JEREMIA 26:20

Ak ki mi chiito age agine ne ki maoten eng' kainetap Kamuktaindet ne Toroor, ineendet ko ki Uriah weeriitap Semaiah ne po Kiriath-Jearim; ak ki maoten kiit ne ya agobo nganasani ak emet, ko uu ng'aleek tugul che po Jeremiah.

JEREMIA 26:6

ayae anyun kooi koigei Shiloh, ak ayai nganasani koek ne sasei pororyosyek tugul che po ng'wony.

JEREMIA 32:28

Mwaei anyun Kamuktaindet ne Toroor kole: Keero, agoochini nganasani eutap Kaldeik, ak eng' eutap Nebukadresar laitoryatap Babilon, ak koluul:

JEREMIA 35:11

Ago ye ki nyo Nebukadresar laitoryatap Babilon emoni, ko ki kile, Obwa keebe Jerusalem amu kiyweei lugeetap Kaldeik ak lugeetap piigap Syria; kemeny anyun Jerusalem.

JEREMIA 52:28

Chu piik che ki imut Nebukadresar koluul: eng' kenyiitap tisap kogiluul Yahudik eliphuusyek somok ak tiptem ak somok:

RIREKAB JEREMIA 1:17

Iitoi Zion eunekyik; ago ma mi chii ne igoigoi ineendet. Ki kong'at Kamuktaindet ne Toroor agobo Jakobo, kole egu puunikyik piik che menyei komoswekyik. Mi Jerusalem kwenunnywa ko uu kiit ne murwoon.

EZEKIEL 19:8

Ki ibookyi anyun pororyosyek eng' komoswek tugul kobunu emotinwek tugul: ak kiitoochi ineendet mestennywa, ak koname ineendet keriingennywa.

EZEKIEL 23:23

Babilonik ak Kaldeik tugul, Pekod ak Soa ak Koa, kobooto piigap Assyria tugul: murenik che ki chamei, che ki kirwoogik ak pounik icheek tugul, pounik ak piik che taagunotiin, ki laanyei icheek tugul paraisisyek.

MIKAH 3:12

Kibati anyun Zion agobo okweek ko uu ye kibati mbareet, ak koek Jerusalem karurugutik, ak koigei tulweetap koot komoswek che torooreen che po timiin.

HABAKUK 1:6

Amu, keero, ang'eeti Kaldeik, pororyet ne koroom ne choktoi; che punei kwenutap emet, si konam meng'otosyek che ma chechwaak kobunji.