2 LAITORINIK 24:14 - BUKUIT NE TILIIL Sireet ne Dutero Kanon

¹⁴ Ki imut piik tugul che po Jerusalem: pounik tugul, ak piik tugul che kiimeen che nyigoonen, che ki luulenik eliphuusyek taman, kobooto musogik tugul ak kitang'ik. Ma mi ne ki ng'et kobatee piik che ki kibananook miising' che ki mi emet.

Bukuit Ne Tilil

¹⁴ Ki imut piik tugul che po Jerusalem: pounik tugul, ak piik tugul che kiimeen che nyigoonen, che ki luulenik eliphuusyek taman, kobooto musogik tugul ak kitang'ik. Ma mi ne ki ng'et kobatee piik che ki kibananook miising' che ki mi emet.

BUKUIT NE TILIL

¹⁴ Ak kiimut Jerusalem tugul, ak bounik tugul, ak bik tugul che kimen che nyigonen, che ki luulenik elfusiek taman, ak musogik tugul, ak kitang’ik; mami ne king’et, kobate bik che ki kibananok mising’ che kimi emet.

2 LAITORINIK 24:14 ပူးပေါင်းရင်းမြစ်များ

2 LAITORINIK 24:16

Ki imut chooto laitoryatap Babilon koluul koba Babilon piik tugul che po lugeet eliphuusyek tisap, che ki kiimeen tugul ak ko pegechinotin eng' lugeet, musogik ak kitang'ik eliphuut agenge.

2 LAITORINIK 25:12

Ago ki pagaakta kiptaiyatap riibiik, piik che kibananook miising' eng' emet, koek riibiigap sabibuk ak koek semberik.

1 ATEPTAP PEETUUSYEK 9:1

Ki kiit anyun Israel tugul kobee tetuutigap ibinwekwak che ki kosiirto ak ki kisirchi kitabuutap laitorinigap Israel. Ki kimut Judah keluul kwo Babilon amu pistoennywa.

EZRAH 2:1

Chu anyun ko piigap emonooto che kiga togos kobunu ole kiga kiluulji, che kiga iluul Nebukadnezar laitoryatap Babilon koba Babilon; che kiweegis koba Jerusalem ak Judah, kwo chii tugul nganasennyi.

NEEMIA 1:2

konyo Hanani, age eng' tupchosyekyuk ak piik alak che ki punu Judah. Ki ateebee icheek agobo Yahudik che kiga kochililso, che ki ng'et eng' che kiga keluul, ak ateebee kora agobo Jerusalem.

ISAIAH 3:2

kobooto chiito ne kiim ak chiitap lugeet, kirwoogindet ak maotyot, chiito ne ng'oorsei ak poiyot,

JEREMIA 27:20

che ki ma ip Nebukadnezar laitoryatap Babilon, ye kiluulei Jekoniah weeriitap Jehoiakim, laitoryatap Judah, komut eng' Jerusalem kwo Babilon, ak piik tugul che taagunotiin che po Judah ak Jerusalem;

JEREMIA 28:4

ak amutu kogeny konyo olito Jekoniah weeriitap Jehoiakim laitoryatap Judah, kobooto luulenik tugul che ki kiluul che po Judah, che ki pa Babilon, mwaei Kamuktaindet ne Toroor: amu airie chogitap laitoryatap Babilon.

JEREMIA 29:2

(ye kingo kagoba eng' Jerusalem Laitoryat Jekoniah, ak kametap laitoryat, ak kiptainik, kobooto pounigap Judah ak Jerusalem, ak musogik, ak kitang'ik,)

JEREMIA 39:10

Ago ki pagaakta Nebusaradan kiptaiyatap riibiik, alak che po piik che kibananook, che ki ma kotinyei kiy, eng' emetap Judah, ak kogoochi icheek mbareenigap sabibuk kobooto mbareenik eng' peetuunooto.

JEREMIA 40:7

Ak kingo kas kiptainik tugul che po lugoosyek che ki mi emotinwek, icheeget ak murenikwak, kole, kogonde laitoryatap Babilon Gedalia weeriitap Aikam koek pounindet eng' emet, ak kogonde eunnyi murenik, ak kwonyiik, ak lagok, ak piik alak che ki kibananook miising' eng' emet, che po icheek che ki ma kiluul koba Babilon;

JEREMIA 52:16

Ago ki pagaakta Nebusaradan kiptaiyatap riibiik, piik che kibananook miising' eng' emet, koek riibiigap sabibuk ak koek semberik.

JEREMIA 52:28

Chu piik che ki imut Nebukadresar koluul: eng' kenyiitap tisap kogiluul Yahudik eliphuusyek somok ak tiptem ak somok:

EZEKIEL 17:14

kole si kobiit konyeratit pounateet, si ma imuuch koeetkei, ago si kobiit kotonon ye riibei kayomisennyi.

EZEKIEL 17:3

ileenji mwaei Kiptaiyat Kamuktaindet ne Toroor kole; Ki nyoonji Lebanon kipsiichit ne oo ne tinyei kebebaik che eecheen ak ko kooen, che nyiitaat koroorik che ki tinyei saleiywek che teer, ak koip walitap tarakwet:

MATAYO 1:11

Ki sich `Josiah Jekoniah ak che tupcho, eng' egosyek che ki kagimut piik koba Babilon.

MATAYO 1:12

Kingo kagimut koba Babilon, kosich `Jekoniah Shealtiel, kosich `Shealtiel Zerubabel.

MATAYO 1:17

Ki ek ibinwek tugul taman ak ang'wan kobooch Abraham agoi Daudi; ak kobooch Daudi agoi kamutet ne ki kimut piik koba Babilon ko ki ek ibinwek taman ak ang'wan; ak kobooch ngap kimut piik koba Babilon agoi Kristo ko ki ek ibinwek taman ak ang'wan.

NG'ATUTIK 28:36

“Imutin Kamuktaindet ne Toroor kobooto laitoryandeng'ung' ne tuun indoi koboun agoi iit pororyet ne mengen inyee anan kwanisyeguk, ak ioot kanamonik che po keetiik ak koik eng' olooto.

1 SAMUEL 13:19

Ki ma komiitei kitang'indet emet komugul ne po Israel. Ki iywei Philistiik kole imuuch koyachigei Yahudik rotoogap chok anan ng'otwek.