2 LAITORINIK 24:12 - BUKUIT NE TILIIL Sireet ne Dutero Kanon

¹² Ki manda Jehoiakin laitoryatap Judah, kwo ole mi laitoryatap Babilon, kobooto kamennyi, otwogikyik, pounikyik ak kiptainikyik. Ki imut ineendet laitoryatap Babilon eng' kenyiitap sisiit ne po laitornatennyi.

Bukuit Ne Tilil

¹² Ki manda Jehoiakin laitoryatap Judah, kwo ole mi laitoryatap Babilon, kobooto kamennyi, otwogikyik, pounikyik ak kiptainikyik. Ki imut ineendet laitoryatap Babilon eng' kenyiitap sisiit ne po laitornatennyi.

BUKUIT NE TILIL

¹² ak kimanda Jeoiakin laitoriatab Juda, kwo ole mi laitoriatab Babulon, inendet ak kamennyi, ak otwogikyik, ak bounikyik, ak kiptainikyik: ak kiimut inendet laitoriatab Babulon eng’ kenyitab sisiit ne bo laitornatennyi.

2 LAITORINIK 24:12 ပူးပေါင်းရင်းမြစ်များ

2 LAITORINIK 20:18

Tuun kimuti alak eng' weeriiguk che mong'unenen, che isiche, ak koba koek icheek che ki kimooch eng' kootap laitoryatap Babilon.”

2 LAITORINIK 24:11

Ak ki nyo nganaseet Nebukadnezar laitoryatap Babilon, kota koyiemei yooto otwogikyik.

2 LAITORINIK 25:27

Eng' kenyiitap sosom ak tisap ne po luuleetap Jehoiakin laitoryatap Judah, ye ki tau kolaitorane Ebil-merodak laitoryatap Babilon, ko ki ityaach ineendet Jehoiakin laitoryatap Judah komong' eng' korgoreet eng' arawetap taman ak aeng', eng' peetuutap tiptem ak tisap.

2 LAITORINIK 25:8

Ak ki nyo Jerusalem `Nebusaradan kiptaiyatap riibiik, otwogindetap laitoryatap Babilon, eng' arawetap muut, peetuutap tisap, ne ki kenyiitap taman ak sogool ne po Laitoryat Nebukadnezar, laitoryatap Babilon.

2 ATEPTAP PEETUUSYEK 36:10

Ak ye kingo keskei kenyiit koyook Laitoryat Nebukadnezar piik komut ineendet konyo Babilon, kobooto tereenik che korooron che po kootap Kamuktaindet ne Toroor, ak ki ieet Zedekiah ng'eetap kamet koek laitoryat koboi Judah ak Jerusalem.

ISAIAH 24:6

Ki koam anyun chubisyet ng'wony, ak ki konam ng'oogisto che menyei. Ki kibeel piik che menyei ng'wony, ak ki ng'et che ng'ering'.

JEREMIA 13:18

Mwachi laitoryat ak kametap laitoryat, ileenji, oming'inge, otebee ng'wony: ki kobutyo chepkuloikwok, chooto ko naaryeetap toroornateng'wong'.

JEREMIA 24:1

Ki iboorwo Kamuktaindet ne Toroor kitongok aeng' che po logoegap mogoonik che ki kinde taitap Hekaluutap Kamuktaindet ne Toroor; kingo kagoluul Nebukadresar laitoryatap Babilon, Jekoniah weeriitap Jehoiakim, laitoryatap Judah, kobooto pounigap Judah, kobooto musogik ak kitang'ik, kobunu Jerusalem, koba Babilon.

JEREMIA 25:1

Ki nyoonji ng'olyoot Jeremiah agobo piik tugul che po Judah eng' kenyiit ne po ang'wan ne po Jehoiakim weeriitap Josiah, laitoryatap Judah; kenyiit ne po tai nooto ne po Nebukadresar laitoryatap Babilon;

JEREMIA 27:20

che ki ma ip Nebukadnezar laitoryatap Babilon, ye kiluulei Jekoniah weeriitap Jehoiakim, laitoryatap Judah, komut eng' Jerusalem kwo Babilon, ak piik tugul che taagunotiin che po Judah ak Jerusalem;

JEREMIA 36:30

Mwaei anyun Kamuktaindet ne Toroor agobo Jehoiakim laitoryatap Judah ko uu ni kole: Ma sichei chii ne tebee ng'echereetap laitornatet ne po Daudi: ak ki wiirtoi muustonyi peet kobir asiista, ak kotebee kaititindo kemoi.

JEREMIA 37:1

Ak ki laitoran Zedekiah weeriitap Josiah kogeer Konia weeriitap Jehoiakim ne ki ieet Nebukadresar laitoryatap Babilon koek laitoryat eng' emetap Judah.

JEREMIA 52:12

Ak eng' arawetap muut, eng' peetuutap taman ne po arawanooto, ne ki kenyiitap taman ak sogool ne po Laitoryat Nebukadresar laitoryatap Babilon, konyo Nebusaradan, kiptaiyatap riibiik, ne kitononi eng' taitap laitoryatap Babilon, agoi Jerusalem:

JEREMIA 52:28

Chu piik che ki imut Nebukadresar koluul: eng' kenyiitap tisap kogiluul Yahudik eliphuusyek somok ak tiptem ak somok:

JEREMIA 52:31

Ak eng' kenyiitap sosom ak tisap kobooch ngeluul Jehoiakin laitoryatap Judah, eng' arawetap taman ak aeng', eng' peetuutap tiptem ak muut ne po arawanooto, kotyach Ebil-merodak laitoryatap Babilon eng' kenyiit ne po tai ne po laitornatennyi, Jehoiakin laitoryatap Judah, komong' eng' korgoreet;

EZEKIEL 1:2

Eng' peetuut ne po muut ne po arawet, ne ki kenyiitap muut kong'etee ngeluul laitoryat Jehoiakin,

EZEKIEL 17:12

Mwachi anyun koot ne ngelelyot, ileenji, Tos mongen ole teptoi tuguuchu? Mwachi icheek, ileenji, ogeero, kigonyo Jerusalem laitoryatap Babilon, ak koluul laitoryandennyi, ak pounikyik, ak komut icheek kobwa Babilon.

EZEKIEL 17:4

ak ki ep temeet ne kitabanu parak ne ki namgei ak che ng'orng'oren, ak koip kwo emetap mung'aaret; ki inde nganaseetap chemung'arainik.

EZEKIEL 19:1

Riir anyun agobo pounigap Israel,

EZEKIEL 19:13

Kogeminji anyun surkwen, eng' emet ne yaamaat ne ma mi peek.

NG'ATUTIK 28:36

“Imutin Kamuktaindet ne Toroor kobooto laitoryandeng'ung' ne tuun indoi koboun agoi iit pororyet ne mengen inyee anan kwanisyeguk, ak ioot kanamonik che po keetiik ak koik eng' olooto.