2 LAITORINIK 24:1 - BUKUIT NE TILIIL Sireet ne Dutero Kanon

¹ Ki togos Nebukadnezar laitoryatap Babilon eng' peetuusyekyik, ak ki ek Jehoiakim otwogindennyi kenyiisyek somok, ago kingo pata kongelelji ineendet.

Bukuit Ne Tilil

¹ Ki togos Nebukadnezar laitoryatap Babilon eng' peetuusyekyik, ak ki ek Jehoiakim otwogindennyi kenyiisyek somok, ago kingo pata kongelelji ineendet.

BUKUIT NE TILIL

¹ Kitogos Nebukadnesar laitoriatab Babulon eng’ betusiekyik, ak kiek Jeoiakim otwogindennyi kenyisiek somok: kingobata kongelelji inendet.

2 LAITORINIK 24:1 ပူးပေါင်းရင်းမြစ်များ

2 LAITORINIK 17:5

Yeityo kotogos laitoryatap Assyria konyo kowendot eng' emet komugul ak kitogosta kwo Samaria, ak kiyiem olooto kenyiisyek somok.

2 LAITORINIK 24:20

Ki piit tuguuchooto amu nereegegap Kamuktaindet ne Toroor eng' Jerusalem ak Judah, kot kotimda icheek koba eng' tainnyi. Ki ingelelji Zedekiah laitoryatap Babilon.

2 ATEPTAP PEETUUSYEK 36:1

Ki ieet anyun `piigap emet Jehoahas weeriitap Josiah koek laitoryat eng' Jerusalem kogeer kwandanyi.

EZRAH 4:12

Ingonaak eng' laitoryat kole Yahudik chooto kobunu oldang'ung' ko kogoitwech ak kogoit Jerusalem ak koteechei kogeny nganasanooto ya ago ngelelyo. Teechei kogeny irimoik ak lumeiywot ne kiga kobutok.

ISAIAH 36:5

Amwae ale, ng'aleek puch kirwoogutiguk ak kimnateng'ung' ne po lugeet: ng'oo anyun ne imang'u kot ingelelja?

JEREMIA 25:1

Ki nyoonji ng'olyoot Jeremiah agobo piik tugul che po Judah eng' kenyiit ne po ang'wan ne po Jehoiakim weeriitap Josiah, laitoryatap Judah; kenyiit ne po tai nooto ne po Nebukadresar laitoryatap Babilon;

JEREMIA 25:9

ogeero, ayooktoi kenam piigap ortinwek tugul che po murot kaataam, mwaei Kamuktaindet ne Toroor, kobooto Nebukadresar, laitoryatap Babilon, otwogindennyu, ak amutu icheek kobookyi emoni, ak piik che menyei olito, ak pororyosyechu tugul che mi komoswechuuto; ak ang'em icheek, ageesu, ak ayai koek kwong'eet, ak ne kireenyei, ak karotwek peetuusyek tugul.

JEREMIA 35:1

Ki nyoonji Jeremiah `ng'olyoot ne ki punu Kamuktaindet ne Toroor eng' peetuusyegap Jehoiakim weeriitap Josiah, laitoryatap Judah, koleenji,

JEREMIA 35:11

Ago ye ki nyo Nebukadresar laitoryatap Babilon emoni, ko ki kile, Obwa keebe Jerusalem amu kiyweei lugeetap Kaldeik ak lugeetap piigap Syria; kemeny anyun Jerusalem.

JEREMIA 36:1

Ki nyoonji Jeremiah ng'olyoondoni ne ki punu Kamuktaindet ne Toroor eng' kenyiit ne po ang'wan ne po Jehoiakim weeriitap Josiah, laitoryatap Judah, koleenji

JEREMIA 45:1

Ki mwachi `maotyot Jeremiah Baruk weeriitap Neriah, ng'olyoot ye kisirchin bukuit ng'aleechu komwaei Jeremiah, eng' kenyiitap ang'wan ne po Jehoiakim weeriitap Josiah laitoryatap Judah, koleenji,

JEREMIA 46:2

Ng'aleegap Misiri: agobo lugeetap Pharaoh-neko laitoryatap Misiri, ne ki mi ole neegitee aineet Yufrets eng' Karkemish, ne ki par Nebukadresar laitoryatap Babilon eng' kenyiitap ang'wan ne po Jehoiakim weeriitap Josiah, laitoryatap Judah.

JEREMIA 50:17

Uu Israel keechiirek che ki koiyesta; ki koon ng'etuunyik ineendet: kisip koam ineendet laitoryatap Assyria; ak eng' let koiri kawekyik Nebukadresar, niito laitoryatap Babilon.

EZEKIEL 19:8

Ki ibookyi anyun pororyosyek eng' komoswek tugul kobunu emotinwek tugul: ak kiitoochi ineendet mestennywa, ak koname ineendet keriingennywa.

EZEKIEL 21:14

Maoten anyun inyee weeriitap chii, ak irabaach euneguk; ak ingotesak rotwetap chok konyil aeng', ingotesak ne po somok, rotwetap chok ne po che ki kiguoten ne po meet: rotwetap chok ne po ineendet ne oo ne ki kiguoten ne po meet, ne kichut kooriikwak che po oriit.

HABAKUK 1:6

Amu, keero, ang'eeti Kaldeik, pororyet ne koroom ne choktoi; che punei kwenutap emet, si konam meng'otosyek che ma chechwaak kobunji.