2 LAITORINIK 23:30 - BUKUIT NE TILIIL Sireet ne Dutero Kanon

³⁰ Kila ineendet otwogikyik eng' chepkichutit eng' Megiddo ko kagome ak kola agoi Jerusalem ak kotupchi ineendet kererinnyi. Ak ki imut `piigap emet Jehoahas weeriitap Josiah, koiil ak koyai ineendet koek laitoryat, kogeer kwandanyi.

Bukuit Ne Tilil

³⁰ Kila ineendet otwogikyik eng' chepkichutit eng' Megiddo ko kagome ak kola agoi Jerusalem ak kotupchi ineendet kererinnyi. Ak ki imut `piigap emet Jehoahas weeriitap Josiah, koiil ak koyai ineendet koek laitoryat, kogeer kwandanyi.

BUKUIT NE TILIL

³⁰ Ak kila inendet otwogikyik eng’ karit eng’ Megido ko kagome, ak koloo inendet konyo Jerusalem, ak kotupchi inendet kererinnyi. Ak kiimut bikab emet Jeoahas weritab Josia, ak koiil inendet, ak koyai inendet koek laitoriat, kogeer kwandanyi.

2 LAITORINIK 23:30 ပူးပေါင်းရင်းမြစ်များ

2 LAITORINIK 14:21

Ki nam piik tugul che po Judah Azariah, ne ki po kenyiisyek taman ak lo, ak koyai ineendet koek laitoryat kogeer kwandanyi Amasia.

2 LAITORINIK 21:24

Ago ki par piigap emet icheek tugul che kichaamei Laitoryat Ammon, ak ki yai icheek Josiah weeriinnyi koek laitoryat.

2 LAITORINIK 22:20

Ara anyun ayumin iwe ole mi kwanisyeguk, ak kiyumin iwe kerering'ung' eng' kaalyeet, ama keerei konyeguk yaityonooto tugul aipchini olito.’ ” Ak ki ipchi ng'olyoot laitoryat kogeny.

2 LAITORINIK 9:28

Kisut ineendet otwogikyik eng' chepkichutit kwo Jerusalem, ak kotup ineendet eng' kererinnyi kobooto kwanisyekyik eng' nganaseetap Daudi.

2 ATEPTAP PEETUUSYEK 35:20

Kingo pata chooto tugul ko kagochop Josiah Hekaluut, kotogos Neko laitoryatap Misiri kobargei ak Karkemish ye neegitee Yufrets: ak ki wo Josiah kobargei ak ineendet.

2 ATEPTAP PEETUUSYEK 35:24

Komut anyun otwogikyik ineendet eng' chepkichutit, ak konde ineendet chepkichutit ne po aeng' ne ki tinyei, ak ki imut ineendet konyo Jerusalem; ak kime ak ki kitupchi kereeriisyegap kwanisyekyik. Ak ki riirchi Josiah Judah tugul ak Jerusalem.

JEREMIA 22:10

Amoriirchi ne ki kome, anan ote agobo ineendet: ago orir miising' agobo ineendet ne mandoi; amu ma koweeksei ineendet kogeny, anan kogeer emennyi ne ki kisikyin.

JEREMIA 22:11

Amu kamwa Kamuktaindet ne Toroor agobo Shallum weeriitap Josiah laitoryatap Judah, ne ki laitoran kogeer Josiah kwandanyi, ne kimanda eng' olito, kole ma koweeksei kogeny;

EZEKIEL 19:1

Riir anyun agobo pounigap Israel,