2 LAITORINIK 23:25 - BUKUIT NE TILIIL Sireet ne Dutero Kanon

²⁵ Ki ma piit eng' tai anan eng' let laitoryat ne kergei ak ineendet, ne ki isup Kamuktaindet ne Toroor eng' muguleldanyi tugul, eng' saboondanyi tugul ak eng' kamugennyi tugul, ko uu Ng'atuutik tugul che po Musa.

Bukuit Ne Tilil

²⁵ Ki ma piit eng' tai anan eng' let laitoryat ne kergei ak ineendet, ne ki isup Kamuktaindet ne Toroor eng' muguleldanyi tugul, eng' saboondanyi tugul ak eng' kamugennyi tugul, ko uu Ng'atuutik tugul che po Musa.

BUKUIT NE TILIL

²⁵ Ak kima biit eng’ tai laitoriat ne kergei ak inendet, ne kiisub Jehovah eng’ muguleldanyi tugul, ak eng’ sobondanyi tugul, ak eng’ kamugennyi tugul, ko u Ng’atutik tugul che bo Musa; amata kobiit eng’ let laitoriat age ne u inendet.

2 LAITORINIK 23:25 ပူးပေါင်းရင်းမြစ်များ

1 LAITORINIK 15:5

Amu ki yai Daudi ne myee eng' taitap Kamuktaindet ne Toroor, ama masta eng' kiy age tugul ne ki ng'at ineendet, eng' peetuusyek tugul che po sabeennyi, kobatee eng' ng'olyootap Uriah Hitindet.

1 LAITORINIK 2:4

si kobiit koogimiit Kamuktaindet ne Toroor ng'olyoondennyi ne ki mwa agobo anee, kole, Ngot koriip lagoguk ortinwekwak, kobendat eng' tainnyu eng' imanit eng' mugulelwekwak tugul ak eng' saboonwekwak tugul, koma petenen chiito ne tebee ng'echereetap laitornatet eng' Israel.

1 LAITORINIK 8:48

ngot koweegiyigei eng' mugulelwekwak tugul ak eng' saboonwekwak tugul, eng' emetap puunikwak che kiluul icheek, ak kosaain kotokyigei emennywa, ne ki igoochi kwanisyekwak, nganaseet ne ki ilewen, ak koot ne ki ateekyi kaineng'ung',

2 LAITORINIK 18:5

Ki imong' Kamuktaindet ne Toroor, Kamuktaindetap Israel. Ki mata kobiit age kogeny eng' laitorinik tugul che po Judah ne kergei ak ineendet, anan ko eng' che ki po tai eng' ineendet.

2 LAITORINIK 23:3

Ki tonon laitoryat eng' ye po toloita ak koyai arorutyet eng' taitap Kamuktaindet ne Toroor, koosup Kamuktaindet ne Toroor ak koriip ng'atuutikyik, paornatosyekyik ak kayomisutikyik eng' muguleldanyi tugul ak saboondanyi tugul, kogimit ng'aleegap arorutyoni che ki kisirchi bukuini. Kitononso piik tugul koyan arorutyonooto.

NEEMIA 10:29

koginamgei ak tupchosyekwak, piikwak che taagunotiin ak ki iyasyo eng' chubisyet ak kayasyoet, kole kobendatee ng'atuutigap Kamuktaindet che ki kigoon eng' Musa otwogindetap Kamuktaindet. Ki iyasyo koriip ak koyai kayomisutik tugul che po Kamuktaindet ne Toroor Kiptaiyandennyo, kobooto kirwoogutikyik ak katigonutikyik.

NEEMIA 10:30

Ki le ma kigoochini tiibiikyok piigap emet anan kotun weeriikyok tiibiikwak.

JEREMIA 22:15

Tos ilaitoran, amu igiiligei ibelisye eng' taragonik? Tos ki ma amis kwandang'ung' ak koeeiso, ak koyai kirwooget ak iman? Kimyeeit anyun eng' ineendet.

JEREMIA 29:13

Ak ocheeng'a, ak onyoorwo, ye ocheeng'a eng' mugulelwekwok tugul.

MALAKI 4:4

“Obwaat Ng'atuutyetap otwogindennyu Musa ne ki ang'at eng' Horeb, agoochi ng'atuutik ak kirwoogutik agobo Israel komugul.

JOHANA 1:17

Amu ki kigoon ng'atuutyet eng' Musa; konyo myeeindo ak imanit eng' Jeso Kristo.

JOHANA 7:19

Tos ki ma koonok Musa Ng'atuutyet, ago ma mi chii eng' okweek ne yaei Ng'atuutyet? Amu nee si ocheeng'e obara?”

NG'ATUTIK 4:29

Ago ngo cheeng' eng' olooto Kamuktaindet ne Toroor Kamuktaindeng'ung', onyooru ineendet ngo cheeng' eng' muguleldang'wong' tugul ak eng' saboondang'wong' tugul.

NG'ATUTIK 6:5

ak cham Kamuktaindet ne Toroor Kamuktaindeng'ung' eng' muguleldang'ung' tugul, eng' saboondang'ung' tugul ak eng' kimnateng'ung' tugul.