2 LAITORINIK 23:13 - BUKUIT NE TILIIL Sireet ne Dutero Kanon

¹³ Ki ing'wanit laitoryat komoswek che torooreen che ki mi taitap Jerusalem, che ki mi eutap tai ne po tulweetap ng'emisyet, ne kiga teekyi Solomon laitoryatap Israel Astoret ne kiwechei ne po Sidonik, kobooto Kemos ne kiwechei ne po Moab, ak Milkom ne kiwechei ne po lagogap Ammon.

Bukuit Ne Tilil

¹³ Ki ing'wanit laitoryat komoswek che torooreen che ki mi taitap Jerusalem, che ki mi eutap tai ne po tulweetap ng'emisyet, ne kiga teekyi Solomon laitoryatap Israel Astoret ne kiwechei ne po Sidonik, kobooto Kemos ne kiwechei ne po Moab, ak Milkom ne kiwechei ne po lagogap Ammon.

BUKUIT NE TILIL

¹³ Ak kiing’wanit laitoriat komoswek che tororen che kimi taitab Jerusalem, che kimi eutab tai ne bo tulwetab ng’emisiet, ne kiga teekyi Solomon laitoriatab Israel Astoret ne kiwechei ne bo Sidonik, koboto Kemos ne kiwechei ne bo Moab, ak Milkom ne kiwechei ne bo lagokab Amon.

2 LAITORINIK 23:13 ပူးပေါင်းရင်းမြစ်များ

1 LAITORINIK 11:33

Ayaei ko uu nooto amu ki kobagakta ineendet ak kogutung'ji Astoret kanamwet ne kwondo ne po Sidonik, Kemos kanamwetap Moab ak Milkom kanamwetap lagogap Ammon; ama wendote ortinwekyuk, koyai ne myee eng' tainnyu, ak koriip ng'atuutikyuk ak kirwoogutikyuk, ko uu ye ki yai Daudi kwandanyi.

1 LAITORINIK 11:5

Amu ki isup `Solomon Astoret, kanamwet ne kwondo ne po Sidonik, kobooto Milkom ne kiwechei ne po Amonik.

1 LAITORINIK 11:7

Kiteekyi anyun Solomon Kemos ne kiwechei ne po Moabik ole toroor, eng' tulweet ne mi taitap Jerusalem, ak kiteekyi Molek ne kiwechei ne po lagogap Ammon.

NEEMIA 13:26

Tos ki ma yai tengek Solomon laitoryatap Israel eng' tuguuchu? Nganda ki ma komi laitoryat ne uu ineendet eng' pororyosyek che chaang' ak ki chamat eng' Kamuktaindennyi, ak ki inde `Kamuktaindet ineendet koek laitoryat koboi Israel tugul; ko ki igoochi tiibiigap pororyosyek alak ineendet koyai tengekto.

ISAIAH 44:19

Ama mi ne ibwaati, ama mi naet anan kaguiyet ne mwaei kole, Kaabeel alak eng' ma: ee, kaabeele magatiinik nesekyik kogeny; kaawatane panyeek ak aam: ak tos ayai ne kang'et koek kiit ne kiwechei? Tos abutyini kiit ne kiyae keetit?

JEREMIA 11:13

Amu ko uu ole tee koitetap nganasoguk, ko uu nooto kanamoniguk, ee Judah. Ak ko uu ole tee koitetap ortinwegap Jerusalem, ko uu nooto ki olumde kapkorosusyegap kiit ne kililane, kapkorosusyek che kibeeljine Baal nyamdutik.

JEREMIA 48:13

Ak kolilaan Moab amu Kemos, ko uu ye ki ililan kootap Israel agobo Bethel, ne ki imang'u.

JEREMIA 48:16

Kariikyi Moab nyalildanywa, ak chogu usiisyennyi.

JEREMIA 48:7

Amu-i, kiluulin aginye, amu kaimang'u poisyoniguk ak konoraiguk: ak keluul Kemos, kobooto tisiikyik ak pounikyik.

SEPANIA 1:5

ak icheek che ilasu tuguuk tugul che po kipsengwet, eng' kooriik parak; kobooto icheeget che ilasu, che iyasyechin Kamuktaindet ne Toroor, ak koyastos eng' kainetap Malkam;

KAITOSYEK 21:29

Pwo! Inyee Moab! Kaolusye, okweek piigap Kemos! Kagogoito weeriikyik che kichililso kogoochi Sihon laitoryatap Amorik, ak tiibiikyik koek luulenik, kogoochi Sihon, laitoryatap Amorik.

KIRUOGIK 10:6

Ki yai piigap Israel yaityet kogeny eng' taitap Kamuktaindet ne Toroor. Ki oot `icheek Baalik ak Astarot, ak kanamonigap Syria ak che po Sidonik, kanamonigap Moab ak che po Amonik ak che po Philistiik. Ki meto `icheek Kamuktaindet ne Toroor ak mata koot ineendet.

KIRUOGIK 11:24

Tos meibe kobunjiin ne kigoonin Kemos kamuktaindeng'ung'? Nooto anyun, age tugul ne oonei Kamuktaindet ne Toroor, Kamuktaindennyo eng' tainnyo, kename chooto kobunjech.

KIRUOGIK 2:13

Ki meto Kamuktaindet ne Toroor, ak koot Baal ak Astarot.

1 SAMUEL 12:10

Ki riirchi `icheek Kamuktaindet ne Toroor koleenji, ‘Ki kiplelutiin, amu kigebagaakte Kamuktaindet ne Toroor ak keoot Baalik ak Astarot. Sarwech anyun nguno eng' eutap puunikyok si keotin.’

1 SAMUEL 7:4

Ki isto anyun `piigap Israel Baalik ak Astarot ak koot Kamuktaindet ne Toroor ineegei.