2 LAITORINIK 22:2 - BUKUIT NE TILIIL Sireet ne Dutero Kanon

² Ki yai ne myee eng' taitap Kamuktaindet ne Toroor ak kowendote ortinwek tugul che po Daudi kwandanyi, ama masta kwo tai anan ko kaataam.

Bukuit Ne Tilil

² Ki yai ne myee eng' taitap Kamuktaindet ne Toroor ak kowendote ortinwek tugul che po Daudi kwandanyi, ama masta kwo tai anan ko kaataam.

BUKUIT NE TILIL

² Ak kiyai ne mie eng’ taitab Jehovah, ak kowendote ortinwek tugul che bo Daudi kwandanyi, ama masta kwo tai anan ko katam.

2 LAITORINIK 22:2 ပူးပေါင်းရင်းမြစ်များ

1 LAITORINIK 11:38

Ngot igas tugul che ang'atiin, ak iwendote ortinwekyuk, iyai che achame, iriip etanutikyuk ak ng'atuutikyuk, ko uu ye ki yai Daudi otwogindennyu; atebi kobooten, ateegun koot ne kiim, ko uu ye ki ateekyi Daudi ak agoonin Israel.

1 LAITORINIK 15:11

Ki yai Asa ne myee eng' taitap Kamuktaindet ne Toroor, ko uu ye ki yai Daudi kwandanyi.

1 LAITORINIK 15:5

Amu ki yai Daudi ne myee eng' taitap Kamuktaindet ne Toroor, ama masta eng' kiy age tugul ne ki ng'at ineendet, eng' peetuusyek tugul che po sabeennyi, kobatee eng' ng'olyootap Uriah Hitindet.

1 LAITORINIK 3:6

Ak ki le Solomon, “Ki iyachi otwogindeng'ung' Daudi abba myeeindo ne oo, ko uu ye kiwendote taing'ung' eng' imanit, ak eng' imanda, ak eng' lititindap muguleldo eng' inyee; ak ki igonorchi ineendet myeini oo, amu ki igoochi ineendet weeriit kotebee ng'echerennyi ne po laitornatet, ko uu ra.

2 LAITORINIK 12:3

Ago ki ma kiisto komoswek che torooreen; kita koenyei piik tiseiywek ak kobeelei nyamdutik eng' komoswek che torooreen.

2 LAITORINIK 14:3

Ki yai ne myee eng' taitap Kamuktaindet ne Toroor, ago ma igei Daudi kwandanyi. Ki yai ko uu tugul che kiga yai kwandanyi Joash.

2 LAITORINIK 16:2

Ki po kenyiisyek tiptem Ahaz ye ki tau kolaitorani, ak ki laitoran kenyiisyek taman ak lo eng' Jerusalem. Ki ma yai ne myee eng' taitap Kamuktaindet ne Toroor Kamuktaindennyi, ko uu ye ki yai Daudi kwandanyi.

2 LAITORINIK 18:3

Ki yai ne myee eng' taitap Kamuktaindet ne Toroor, ko uu tugul che kiga yai Daudi kwandanyi.

2 ATEPTAP PEETUUSYEK 17:3

Ki mi Kamuktaindet ne Toroor ak Jehoshaphat amu kiwendote ortinwek che po tai che po kwandanyi Daudi. Ki ma cheeng' `ineendet Baalik,

2 ATEPTAP PEETUUSYEK 29:2

Ak ki yai ne myee eng' taitap Kamuktaindet ne Toroor, ko uu tugul che ki yai Daudi kwandanyi.

2 ATEPTAP PEETUUSYEK 31:20

Ki yai anyun ko uu nooto Hezekiah eng' Judah komugul; ki yai ne myee ak ne litit ak ne po iman eng' taitap Kamuktaindet ne Toroor Kamuktaindennyi.

2 ATEPTAP PEETUUSYEK 34:1

Ki po Josiah kenyiisyek sisiit ye ki tau kolaitorani; ak ki laitoran kenyiisyek sosom ak agenge eng' Jerusalem.

KALEWANAIK 20:11

Naoksei lakweet eng' poisyonikyik, ngo tiliil poisyennyi anan ngo litit.

KALEWANAIK 4:27

Amemaste iwe eutap tai anan ne po kaataam; istoe keeldong'ung' yaityet.

SEPANIA 1:1

Ki nyoonji `ng'olyootap Kamuktaindet ne Toroor Zephaniah weeriitap Kusi, weeriitap Gedalia, weeriitap Amariah, weeriitap Hezekiah, eng' peetuusyegap Josiah weeriitap Ammon, laitoryatap Judah.

NG'ATUTIK 5:32

“Oriip anyun si oyai ko uu ye king'ataak Kamuktaindet ne Toroor Kamuktaindeng'wong'; amomaste obe tai anan kaataam.

JOSHUA 1:7

Kimitu ak inyiganitu miising', keer iman ile keyai ko uu ng'atuutik tugul che king'atin otwogindennyu Musa. Amemaste iwe eutap tai anan ko murot kaataam si kobiit kiberuurin miising' eng' oldo age tugul ole iwendi.