2 LAITORINIK 21:6 - BUKUIT NE TILIIL Sireet ne Dutero Kanon

⁶ Ki igoito weeriinnyi kobun maat, king'orso ak koboisyee ponisyet, ak kobois kobooto piik che poisyee oik ak pooniik. Ki yai yaityet eng' taitap Kamuktaindet ne Toroor, kotach ineendet konereech.

Bukuit Ne Tilil

⁶ Ki igoito weeriinnyi kobun maat, king'orso ak koboisyee ponisyet, ak kobois kobooto piik che poisyee oik ak pooniik. Ki yai yaityet eng' taitap Kamuktaindet ne Toroor, kotach ineendet konereech.

BUKUIT NE TILIL

⁶ Ak kiigoito werinnyi kobun mat, ak kong’orso, ak koboisie bonisiet, ak kobois koboto bik che boisie oik, ak bonik: kiyai yaitiet eng’ taitab Jehovah, kotach inendet konerech.

2 LAITORINIK 21:6 ပူးပေါင်းရင်းမြစ်များ

TAUNET 13:13

Ago kiyaachen, ak ko ki kiptengegin miising' piigap Sodom eng' taitap Kamuktaindet ne Toroor.

2 LAITORINIK 16:3

Ago ki wendotee ortinwegap laitorinigap Israel, ee, ak kogoito weeriinnyi kobun maat, ko uu tuguuk che kiwechei che po pororyosyek, che ki oon Kamuktaindet ne Toroor koba eng' taitap piigap Israel.

2 LAITORINIK 17:17

Ki igoito weeriikwak ak tiibiikwak kobun maat. Kiboisyee ng'oorset ak ponisosyek ak koaldagei koyai yaityet eng' taitap Kamuktaindet ne Toroor, kotach ineendet konereech.

2 LAITORINIK 23:24

Ki isto `Josiah icheek che kiboisyee oik, pooniik, terapik, kanamonik ak tuguuk tugul che kiwechei che ki kigeerei eng' emetap Judah ak eng' Jerusalem. Ki yai niito si kobiit kogimit ng'aleegap Ng'atuutik che kiga kisir eng' bukuit ne kinyoor Hilkiah tisiindet eng' kootap Kamuktaindet ne Toroor.

1 ATEPTAP PEETUUSYEK 10:13

Ki me anyun Saulo amu chalwoktanyi ne ki ingelelji Kamuktaindet ne Toroor, ak amu ng'olyootap Kamuktaindet ne Toroor ne ma riip; ak amu kiteep ng'omnateet kogeny eng' ineendet ne kiboisyee oik, koteepse,

2 ATEPTAP PEETUUSYEK 28:3

Ki peel kogeny nyamdutik eng' atebweetap weeriitap Hinom ak kobeel lagokyik eng' maat, ko uu tuguuk che kiwechei che po pororyosyek, che kigaon Kamuktaindet ne Toroor eng' taitap piigap Israel.

2 ATEPTAP PEETUUSYEK 33:6

Ak ki igoito kogeny lagokyik kobun maat eng' atebweetap weeriitap Hinom: ak king'orso ak ki isogis, ak ki yai ponisyet, ak ki ng'alaal ak che poisyee oik ak pooniik: ki yai yaityet ne oo eng' taitap Kamuktaindet ne Toroor, kotach ineendet konereech.

ISAIAH 19:3

Ak tuun kiyaei koek puch kimnateet Misiri eng' kwenunnyi, ak ang'em kirwoogutikyik; ak koba kocheeng' kanamonik ak piik che abusisyei, ak che poisyee oik, ak pooniik.

ISAIAH 66:4

alewenjini anyun kaberberisyosyekwak, ak aipchi icheek kaiyweisyosyekwak; amu kinga kuurse, koma wol chii; ye kinga ng'alaal, koma kas icheek: ago ki yai tuguuk che yaach eng' tainnyu, ak kolewen tuguuk che ma abaibaitune.

ISAIAH 8:19

Ak ye mwaiwok kole, “Ocheeng'ate icheek che poisyee oik ak pooniik che twegu ko uu toriitik ak che nyeanyei ng'aleek.” Tos nyoljin kocheeng'at che ki kobek agobo che saptos? Tos ma nyooljin piik kocheeng' Kamuktaindennywa?

JEREMIA 19:4

Amu ki kometa icheek, ki koyai yuto koek ole ma kinaei, ak ki kobeelji eng' yuto, nyamdutik, kanamonik che teer, che ki ma kongen, icheeget ak kwanisyekwak ak laitorinigap Judah; ak kigonyiit olito korotiigap che ma tinyei tengek;

JEREMIA 19:5

ak ki koteekyi Baal komoswek che torooreen, si kobeel weeriikwak, koek kagoochinoik che kibeelei, kogoochin Baal; kiit ne ki ma ang'at, anan amwa, anan konyoonjo met:

EZEKIEL 23:39

Amu ye kingo parchi lagokwak kanamonikwak, kobwa peetuunooto oldanyu ne tiliil komurwon; ak ogeero, ki yai nooto eng' koonnyu.

ATEPTAP LAWIK 18:21

“Amegoite iyoteng'ung' ibeelji Molek, ak amereeny kainetap Kamuktaindeng'ung'. Aa Kamuktaindet ne Toroor.

ATEPTAP LAWIK 19:26

“Amat oam kiy age tugul kobooto korotiikyik. Amoboisyee ponisyet anan ong'oorse.

ATEPTAP LAWIK 19:31

“Amobe ye mi che poisyee oik anan pooniik; amocheeng'ate, si ma ing'wanitak. Aa Kamuktaindet ne Toroor Kamuktaindeng'wong'.

MIKAH 6:7

Tos paibaitune Kamuktaindet ne Toroor mengichik eliphuusyek, anan ainoosyek eliphuusyek taman che po mwanik? Tos agoite taaitanyu agobo pistoennyu, agoite iyoteetap poortanyu agobo tengektap saboondanyu?

POISYONIGAP CHE KIYOKTOI 16:16

Peetuut age ye ki kibendi ole kisaae, kotuiyenech chepto ne ki tinyei tamirmiryet ne ng'oorsei ne ki ipchi kiptainikyik tuguuk che chaang' amu ng'oorset.

NG'ATUTIK 32:16

Ki igoochi koam ng'etkonda amu kamuktaik che teer, kitach eng' kanamonik che kiwechei.

NG'ATUTIK 32:21

Ki koono ng'etkonda eng' otetap che ma Kamuktaindet; Kitacha eng' tangoitanywa: Ara anyun nguno ko kagoochi icheek ng'etkonda eng' che ma poror; Atache icheek eng' pororyet ne abusat.