2 LAITORINIK 21:3 - BUKUIT NE TILIIL Sireet ne Dutero Kanon

³ Amu ki teech kogeny komoswek che torooreen che kiga kobut Hezekiah kwandanyi; kiteekyi Baal kapkorosusyek ak koyai Asera ko uu ye kiga yai Ahab laitoryatap Israel. Kigutung'ji ineendet tuguuk tugul che po kipsengwet ak koot.

Bukuit Ne Tilil

³ Amu ki teech kogeny komoswek che torooreen che kiga kobut Hezekiah kwandanyi; kiteekyi Baal kapkorosusyek ak koyai Asera ko uu ye kiga yai Ahab laitoryatap Israel. Kigutung'ji ineendet tuguuk tugul che po kipsengwet ak koot.

BUKUIT NE TILIL

³ Amu kiteech kogeny komoswek che tororen che kiga kobut Hesekia kwandanyi; ak kiteekyi Baal kapkorosusiek, ak koyai Asera ko u ye kiga yai Ahab laitoriatab Israel, ak kogutung’ji tuguk tugul che bo kipsengwet, ak koot.

2 LAITORINIK 21:3 ပူးပေါင်းရင်းမြစ်များ

1 LAITORINIK 18:21

Ki nyo Elijah koriikyi piik tugul ak koleenji, “Otebee kabwaatutik aeng' kot kotyanit? Ngot ko Kamuktaindet ne Toroor ko Kamuktaindet, osup ineendet; ago ngot ko Baal, osup anyun ineendet.” Ak ma wolji `piik ineendet ng'olyoo.

1 LAITORINIK 18:26

Ara ki nam kirgit ne kiga kigoochi ak koeny, ak koguur kainetap Baal kong'etee karon kot koit peet kween, koleen, “Ee Baal, kaseech!” Ago ki ma piit tweguuno, anan kobiit waluuno age tugul. Ak ki toroombenso komuut kapkorosuut ne kiga kiyai.

2 LAITORINIK 13:6

Ago ma istoegei tengekwogigap kootap Jeroboam, che ki ibeete Israel si koyai tengekto, kibendotee tengekwogichooto. Ki tebee Samaria Asera agine.)

2 LAITORINIK 17:16

Ki meto icheek ng'atuutik tugul che po Kamuktaindet ne Toroor Kamuktaindennywa, ak koyachigei moek aeng' che po kanamonik che ki kitany ak ki yai Asera. Kigutung'ji icheek tuguuk tugul che po kipsengwet, ak koot Baal.

2 LAITORINIK 18:22

Ago ngot oleenjo: “Kimang'u Kamuktaindet ne Toroor, Kamuktaindennyo,” koma ineendet, ne ki isto Hezekiah komoswekyik che torooreen ak kapkorosusyekyik, ak koleenji Judah ak Jerusalem, “Osae eng' taitap kaptisisyoni eng' Jerusalem”?

2 LAITORINIK 18:4

Ki isto komoswek che torooreen, kibut tolochik ak koluul tolochigap Asera. Kitui ereneetap sugunwet ne kiyaei Musa, ne kiguure Nehustan. Amu kibeeljin nyamdutik piigap Israel agoi peetuusyechooto.

2 LAITORINIK 8:18

Kiwendote ortinwegap laitorinigap Israel, koyai ko uu kootap Ahab: amu ki cheptap Ahab osotyonnyi. Ki yai yaityet eng' taitap Kamuktaindet ne Toroor.

2 LAITORINIK 8:27

Kiwendote ortinwegap kootap Ahab, ak koyai yaityet eng' taitap Kamuktaindet ne Toroor, ko uu ye kiga yai kootap Ahab, amu kisandetap kap Ahab.

2 ATEPTAP PEETUUSYEK 32:12

Tos ma Hezekiah niito ne ki isto komoswek che torooreen ak kapkorosusyekyik, ak kong'atei Judah ak Jerusalem koleenjin, ‘Osae eng' kapkorosuut agenge, ak obeel nyamdutik eng' yooto?’

2 ATEPTAP PEETUUSYEK 34:3

Amu eng' kenyiitap sisiit ne po laitornatennyi, ye kita ko ming'in, kotoi kocheeng' Kiptaiyat Kamuktaindetap Daudi kwandanyi: ak eng' kenyiitap taman ak aeng' kotoi kotiliil Judah ak Jerusalem koisto komoswek che torooreen, ak Aserik, ak kanamonik che ki kiwai ak kanamonik che ki kitany.

Kitabuutap JOB 31:26

ak ngot ko ki ageer asiista ye ki iluu, anan arawet ye kiwendoti eng' kaluunet,

ISAIAH 65:11

Ago okweek che ometoi Kamuktaindet ne Toroor, che outye tulweennyu ne tiliil, che ochobe meset agobo Kelunet, ak che onyiityini Kagesunet divaik che ki kiburuch:

JEREMIA 7:30

Amu ki koyai lagogap Judah kiit ne ya eng' tainnyu, mwaei Kamuktaindet ne Toroor. Ki konde tuguukwak che kiwechei koot ne kimwaitoe kainennyu ak komurwon.

MIKAH 6:16

Amu ki oriip ng'atuutigap Omri, ak poisyonik tugul che po kootap Ahab, ak obendate kirwoogutikwak: si kobiit ayain iegu panan, ak ayai piik che menyei olooto koek che kireenyei; ak oip chotisyetap piikyuk.

NG'ATUTIK 16:21

“Amat iminji keetit age tugul ne po Asera ole neegitee kaptisisyetap Kamuktaindet ne Toroor Kamuktaindeng'ung' ne tuun iteekyinigei.

NG'ATUTIK 17:2

“Ngo pitunee kwenung'ung' eng' kurgotiguk alak tugul che koonin Kamuktaindet ne Toroor Kamuktaindeng'ung' chii ne muren anan ne kwony, ne yaei ne ya eng' taitap Kamuktaindet ne Toroor Kamuktaindeng'ung' kobistoe arorutyennyi,

NG'ATUTIK 17:3

ak kwo koot kanamonik kogutung'ji anan asiista anan arawet anan age tugul ne po chaang'indap kipsengwet ne ma ang'at,

NG'ATUTIK 20:18

Si ma ineetin isup iyai tuguukwak tugul che kiwechei, che ki koyachi kanamonikwak. Ngo yai ko uu nooto ko kochalwogenji Kamuktaindet ne Toroor kamuktaindeng'wong'.

NG'ATUTIK 4:19

Riipkei anyun si ma ye inyal parak, igeer asiista ak arawet ak kecheik, agot chaang'indo tugul che mi kipsengwet, kochuutin iwe isaa tuguuchooto ak ioot tuguuchooto ki kopchechi Kamuktaindet ne Toroor Kamuktaindeng'ung' pororyosyek tugul che mi kurereetap kipsengwet.