2 LAITORINIK 21:13 - BUKUIT NE TILIIL Sireet ne Dutero Kanon

¹³ Aiitoi anweetap Samaria kobun Jerusalem, kobooto kiit ne kikwaise ne po kootap Ahab. Abuchi Jerusalem ko uu ye ibuchi chiito sanit, ye ibuchi ak kogabui.

Bukuit Ne Tilil

¹³ Aiitoi anweetap Samaria kobun Jerusalem, kobooto kiit ne kikwaise ne po kootap Ahab. Abuchi Jerusalem ko uu ye ibuchi chiito sanit, ye ibuchi ak kogabui.

BUKUIT NE TILIL

¹³ Ak aiitoi anwetab Samaria kobun Jerusalem, koboto kit ne kikwaise ne bo gotab Ahab: ak abuchi Jerusalem ko u ye ibuchi chito sanit, ye ibuchi ak kogabui.

2 LAITORINIK 21:13 ပူးပေါင်းရင်းမြစ်များ

1 LAITORINIK 14:10

Ara anyun aipchini yaityet kootap Jeroboam amu nooto. Aistoe Jeroboam lakweet age tugul ne weeriit, ne ki kigerchi ko anan ne wendoti eng' Israel. Abuuktoi kogestagei kootap Jeroboam, ko uu ye peleei chiito pusagaryek, kot kogestagei.

2 LAITORINIK 10:11

Ki par anyun Jehu tugul che ki kong'et che po kootap Ahab eng' Jezreel, kobooto piikyik tugul che eecheen, choronokyik ak tisiikyik, ma ituukyi ineendet chii agot agenge.

2 LAITORINIK 17:6

Ki nam laitoryatap Assyria Samaria, eng' kenyiitap sogool ne po Hoshea ak komut Israel koba Assyria. Ki imut icheek kwo konde komeny Hala ak Habor, eng' aineetap Gosan ak nganasoogap Medes.

2 LAITORINIK 21:14

Atoortai che kang'et che po porotennyu, ak ande icheek eunegap puunikwak. Egu icheek luulenik che luulei puunikwak tugul,

2 LAITORINIK 23:27

Ki le Kamuktaindet ne Toroor, “Aistoi Judah agine eng' tainnyu, ko uu ye ki aiste Israel, ak amete nganasani ki alewen, Jerusalem, kobooto koot ne ki ale, ‘Tebee kainennyu yooto.’ ”

2 LAITORINIK 9:8

Amu igeesugei koot komugul ne po Ahab. Abare weeriit age tugul ne po Ahab, kobooto ineendet ne kerat ak ineendet ne ityagat eng' Israel.

ISAIAH 10:22

Agot nganda uu piiguk che po Israel ng'aniek che po nyanjet, koweeksei piik che ng'etu kityo eng' icheek. Kigeng'at kagesunet eng' icheek, ne ng'elyektoi eng' imanda.

ISAIAH 14:23

Ak agoochi komeny emonooto chepswererinik, ak tamboinigap peek. Ak abuge kabugoitap ng'emisyet, mwaei Kamuktaindet ne Toroor ne po lugoosyek.”

ISAIAH 28:17

Ak ayai kirwooget koek kiit ne litit, ak ayai imanda koek porowet ne kilititisye. Ak kobukto koigap ropta ole mwechin ne po lembechek, ak komarane peek ole kiung'egei.

ISAIAH 34:11

Ago punjin chebo kibabaa ak chepswererit; ak komeny olooto sugurut ak chepkugit. Ak kochuul eng' paragunnyi porowetap toiyet, ak porowet ne po puch ne po kalititisyet.

JEREMIA 25:9

ogeero, ayooktoi kenam piigap ortinwek tugul che po murot kaataam, mwaei Kamuktaindet ne Toroor, kobooto Nebukadresar, laitoryatap Babilon, otwogindennyu, ak amutu icheek kobookyi emoni, ak piik che menyei olito, ak pororyosyechu tugul che mi komoswechuuto; ak ang'em icheek, ageesu, ak ayai koek kwong'eet, ak ne kireenyei, ak karotwek peetuusyek tugul.

RIREKAB JEREMIA 2:8

Ki kochop Kamuktaindet ne Toroor kong'em irimeetap cheptap Zion; Ki kokwerto kiit ne kikwaise, tomo koaruny eunnyi eng' ng'emisyet: ki kogoochi irimeet ak tooteet kooteeiyo; ng'emaksei tuwai.

EZEKIEL 7:5

Mwaei Kiptaiyat Kamuktaindet ne Toroor kole: Yaityet, yaityet kityo, keero, nyoonei.

SEKARIA 1:16

Ko uu nooto mwaei Kamuktaindet ne Toroor ne po lugoosyek kole kaaweekyigei Jerusalem ariiree; ki teekyin koonnyu nganasanooto, ak kechuul porowet ne kikwaise eng' Jerusalem.’ ”