2 LAITORINIK 20:3 - BUKUIT NE TILIIL Sireet ne Dutero Kanon

³ “Ee Kamuktaindet ne Toroor, asaain ale, ibwaat ole ki atepte eng' imanda eng' taing'ung', ak eng' muguleldo ne ititaat, ak ayai ne myee eng' taing'ung'.” Ak ki riir Hezekiah eng' ng'wanindo.

Bukuit Ne Tilil

³ “Ee Kamuktaindet ne Toroor, asaain ale, ibwaat ole ki atepte eng' imanda eng' taing'ung', ak eng' muguleldo ne ititaat, ak ayai ne myee eng' taing'ung'.” Ak ki riir Hezekiah eng' ng'wanindo.

BUKUIT NE TILIL

³ Ee Jehovah, asain ale, ibwat ole kiatepte eng’ imanda eng’ taing’ung’, ak eng’ muguleldo ne igesunotgei, ak ayai ne mie eng’ taing’ung’. Ak kirir Hesekia eng’ ng’wanindo.

2 LAITORINIK 20:3 ပူးပေါင်းရင်းမြစ်များ

TAUNET 17:1

Ye kingo po Abram kenyiisyek tamanwogik sogool ak sogool, kogimong'ji Kamuktaindet ne Toroor ak koleenji, “Aa Kamuktaindet Ne po Kamuktaet. Wendote tainnyu ak iegu ne ititaat,

TAUNET 5:22

Ki pendat Enok ak Kamuktaindet eng' kenyiisyek pogol somok ye kingo kagosich Methuselah ak ki sich weeriik alak ak tiibiik.

TAUNET 5:24

Kibendoti Enok ak Kamuktaindet; ak ki mata kiro amu ki imut ineendet `Kamuktaindet!

TAUNET 8:1

Ki ibwaat anyun `Kamuktaindet Noah, tyong'ik che po timiin ak kiyagiik tugul che ki mi tugul eng' moinget. Ak ki iyookyi Kamuktaindet usoonet ne ki usyi ng'wony, ak ki toi koteenyo peek.

1 LAITORINIK 11:4

Amu kingo osit Solomon, komaas osotikyik muguleldanyi koosup kanamonikwak, ak ki ma kogesunotkei eng' Kamuktaindet ne Toroor Kamuktaindennyi, ko uu kiit ne ki uu muguleldap Daudi kwandanyi.

1 LAITORINIK 15:14

Nganda ma ki isto komoswek che torooreen, ko ki ititaat muguleldap Asa eng' Kamuktaindet ne Toroor eng' peetuusyekyik tugul.

1 LAITORINIK 2:4

si kobiit koogimiit Kamuktaindet ne Toroor ng'olyoondennyi ne ki mwa agobo anee, kole, Ngot koriip lagoguk ortinwekwak, kobendat eng' tainnyu eng' imanit eng' mugulelwekwak tugul ak eng' saboonwekwak tugul, koma petenen chiito ne tebee ng'echereetap laitornatet eng' Israel.

1 LAITORINIK 3:6

Ak ki le Solomon, “Ki iyachi otwogindeng'ung' Daudi abba myeeindo ne oo, ko uu ye kiwendote taing'ung' eng' imanit, ak eng' imanda, ak eng' lititindap muguleldo eng' inyee; ak ki igonorchi ineendet myeini oo, amu ki igoochi ineendet weeriit kotebee ng'echerennyi ne po laitornatet, ko uu ra.

1 LAITORINIK 8:23

ak ki le, “Ee Kamuktaindet ne Toroor, Kamuktaindetap Israel, ma mi Kamuktaindet ne Toroor age ne uu inyee, eng' parak kipsengwet, anan eng' ng'wony oriit; ne riibei kayomiset ak rireenet eng' otwogiguk, che pendote taing'ung' eng' mugulelwekwak tugul.

1 LAITORINIK 8:61

Ingoek anyun mugulelwekwok che ititaatiin eng' Kamuktaindet ne Toroor, Kamuktaindennyo, obendate ng'atuutikyik, ak oriip etanutikyik, ko uu rani.”

1 LAITORINIK 9:4

Ngiwendotee tainnyu inyee, ko uu ye kiwendotee Daudi kwandang'ung', eng' kagesunetapkei ne po muguleldo ak eng' imanda, iyai ko uu tugul che kaang'atiin, iriip ng'atuutikyuk ak kirwoogutikyuk;

2 LAITORINIK 20:2

Kowelel anyun togeennyi kogeer inaat, ak kosa Kamuktaindet ne Toroor kole,

2 LAITORINIK 20:4

Ak ye ki tomo koit Isaiah kwenutap nganaseet, konyonji ineendet ng'olyootap Kamuktaindet ne Toroor, koleenji,

2 ATEPTAP PEETUUSYEK 16:9

Amu pendoti konyegap Kamuktaindet ne Toroor eng' ng'wony komugul, koboortogei kole kiim agobo icheeget che ititaatiin mugulelwekwak eng' tainnyi. Koiyai kioto eng' perberyo; amu kobooch nguno ko kenyooru lugoosyek agoi.”

NEEMIA 13:14

Ibwaata, ee Kamuktaindennyu agobo ng'olyoondoniito, amat ibuch poisyonikyuk che myach che ki ayai agobo kootap Kamuktaindennyu ak poisyonikyik.

NEEMIA 13:22

Ki ang'at Lawiik koanyinygei ak kobwa koriip ormariichok, kotabaan peetuutap sabato. “Ibwaata, ee Kamuktaindennyu, agobo ng'olyoondoniito agine, ak iriirena ko uu ooindap rireeneng'ung'.”

NEEMIA 13:31

Ki ang'at tuguuk che po kagoochinetap kweenik ak che po tongoanik keip eng' peetuusyek che ki king'at. Ibwaata, ee Kamuktaindennyu eng' tuguuk che myach.

NEEMIA 5:19

Ibwaata, ee Kamuktaindennyu, eng' tuguuk che myach, amu tugul che ki ayachi pichu.

Kitabuutap JOB 1:1

Ki mi chii eng' emetap Us ne ki kiguure Job. Ki igeesunotkei ineendet ak ko po iman. Ki iywei Kamuktaindet ak koistoegei yaityo.

Kitabuutap JOB 1:8

Koleenji `Kamuktaindet ne Toroor Setani, “Tos ko igeer otwogindennyu Job, amu ma mi ne kergei ak ineendet eng' ng'wony? Ititaat ak ko po iman inee, iywei Kamuktaindet ak koistoegei yaityo.”

Kitabuutap JOB 16:20

Sasa choronokyuk: roong'jin konyekyuk peegap kong' Kamuktaindet.

Kitabuutap JOB 4:6

Tos ma kaiyweisyet ne iywei Kamuktaindet nyiganateng'ung', ak imanda ne po ortinweguk kamang'uneng'ung'?

TIENWOGIKAL 102:9

Aame oreek koek amitwogik, ak ki aburuch tuguukyuk che aee kobooto peegap kong',

TIENWOGIKAL 119:26

Ki abooru ortinwekyuk, ak ki iwolwoo; ineeta ng'atuutiguk.

TIENWOGIKAL 119:49

Ibwaat ng'olyoot ne ki iarorchi kiboityondeng'ung', amu ki igoono amang'.

TIENWOGIKAL 145:18

Neegitee Kamuktaindet ne Toroor icheeget tugul che kuurei ineendet, tugul che kuurei ineendet eng' iman.

TIENWOGIKAL 25:7

Amebwaat tengekwogik anan pistoennyu che po ming'inatennyu; ibwaata ko uu chamyeng'ung' ne tala, amu myeeindong'ung', ee Kamuktaindet ne Toroor.

TIENWOGIKAL 26:1

Ibesyeiwo, ee Kamuktaindet ne Toroor, amu ki awendotee kagesunatennyu pogei, ki amang'u Kamuktaindet ne Toroor amachuchuige.

TIENWOGIKAL 26:3

Amu mi tainnyu chamyeng'ung' ne tala, ak ki awendotee imaning'ung'.

TIENWOGIKAL 32:2

Paibai miising' chii ne ma iityin Kamuktaindet ne Toroor tengekto, ama komi ng'aalseet muguleldanyi.

TIENWOGIKAL 39:13

Undaa, si anyoor kimnateet kogeny, kotom asiirte eng' yu, ama ami kogeny.

TIENWOGIKAL 6:6

Kaang'et eng' tigenoikyuk; marane peegap kong' itogunnyu kemout age tugul; sachin peekyuk po kong' ole arue.

TIENWOGIKAL 6:7

Machei kong'emogis konyekyuk amu arageneet; kagoosegitu amu puunikyuk tugul.

TIENWOGIKAL 89:47

Ee, ibwaat ole tee nwagindap peetuusyekyuk: Ki itau iyai weeriik tugul che po piik koek puch agobo nee?

TIENWOGIKAL 89:50

Ibwaat, ee Kiptaiyat, sastaet ne po kiboitiniguk; Ko uu ye aiboti eng' tegeennyu kereetap kong' ne po piik tugul che chaang';

ISAIAH 38:14

Ki atwegu anyun ko uu kibiswet anan cheptalamyat, ki ariir ko uu cheptuget. Ki anyal parak kot koimenitu konyekyuk; ee Kamuktaindet ne Toroor, anyalili, egu ne riiba.

ISAIAH 63:11

Ki ibwaat anyun peetuusyek che po keny, Musa, ak piikyik, kole, Mi ano ineendet ne ki imut icheek kolong'une nyanjet kobooto mestoweek che po akweennyi? Mi ano ineendet ne ki inde Kabuusennyi ne Tiliil kwenunnywa,

JEREMIA 4:2

ak ngot iyasye ko uu ni ile, ‘Ko uu ye sabei Kamuktaindet ne Toroor,’ eng' imanit, eng' kirwooget ak lititindo, konyooru kaberuret pororyosyek eng' aneendet ak kolasunenogei.”

AMOS 5:4

Amu mwachin Kamuktaindet ne Toroor kootap Israel kole: “Ocheeng'a si osapche!

LUKA 1:6

Ak ki po iman icheek tuwai eng' taitap Kamuktaindet, ak kibendotee ng'atuutik tugul ak karureiywek che po Kiptaiyat, ama tinyei leluut.

JOHANA 1:47

Kingo keer `Jeso Nathanael konyonei ole mi ineendet, ak komwa agobo ineendet kole, “Ogeero, Yahudyot iman, ne ma tinyei ng'aalseet!”

2 KORINTOEK 1:12

Amu kalasunennyo ko ni, paornateetap kabwaatennyo, keele ki kiteptoi tiliilindo ak atepto ne ma tinyei keniisyet, ne po Kamuktaindet, eng' ng'wony, ma eng' utaatyetap poorto ago eng' myeeindap Kamuktaindet, ak ne siirei miising' ko eng' komostang'wong'.

HEBRANIK 5:7

Ne ki eng' peetuusyek che kimi eng' poorto, ko kagogoito saautik ak soomutik eng' riirek che eecheen ak peegap kong', koriirchin ineendet ne ki imuuchi kosar eng' meet, ak kingo kagegasyi amu kaiyweisyennyi ne kiywei Kamuktaindet.