2 LAITORINIK 2:19 - BUKUIT NE TILIIL Sireet ne Dutero Kanon

¹⁹ Ki leenji piigap nganaseet Elisha, “Keero, karaaran ole mi nganasani, ko uu ye keerei kiptaiyandennyu, ago yaacheen peek, ama rurtos tuguuk eng' emet.”

Bukuit Ne Tilil

¹⁹ Ki leenji piigap nganaseet Elisha, “Keero, karaaran ole mi nganasani, ko uu ye keerei kiptaiyandennyu, ago yaacheen peek, ama rurtos tuguuk eng' emet.”

BUKUIT NE TILIL

¹⁹ Ak kilenji bikab nganaset Elisha, Keero, kararan ole mi nganasani, ko u ye keerei kiptaiyandennyu: ago yaachen beek, ama rurtos tuguk eng’ emet.

2 LAITORINIK 2:19 ပူးပေါင်းရင်းမြစ်များ

1 LAITORINIK 16:34

Ki teech Hiel Bethelindet Jeriko eng' peetuusyekyik. Kilume lumeiywondennyi meetap Abiram taaitanyi, ak kolumda ormariichokyik eng' meetap weeriinnyi Segub toweennyi, ko uu ng'olyootap Kamuktaindet ne Toroor ne ki mwa eng' Joshua weeriitap Nun.

1 LAITORINIK 18:13

Tos ma kimwaun inyee kiptaiyandennyu kiit ne ki ayai ye kingo par Jesebel maotigap Kamuktaindet ne Toroor, keele ki auny piik pogol che po maotigap Kamuktaindet ne Toroor kobeate konom eng' kebeneet age tugul ak abai icheek eng' magatiinik ak peek?

1 LAITORINIK 18:7

Kingo mi ooreet Obadiah, kotuiye Elijah. Ki inyit ineendet ak kobutyi ng'wony ak kole, “Inyee niito, kiptaiyandennyu Elijah?”

2 LAITORINIK 2:18

Kingo week ole mi ineendet, ole ki tebee eng' Jeriko; koleenji ineendet icheek, “Ki ma mwaiwok aleenjok, Amat obe?”

2 LAITORINIK 2:20

Ak ki le, “Oibwa soteet ne leel, ak onde oriit muunyuk.” Ak ki ipchi ineendet.

KOMONG'U 15:23

Kingo it Marah, koma komuuch koe peegap Marah amu king'woneen. Ki kiguure anyun kainennyi Marah amu nooto.

KOMONG'U 23:26

Ma piitu ne rorogu moet anan ne oosu anan ne soneni eng' emeng'ung'. Ayae kosulda koitetap peetuusyeguk.

KOMONG'U 7:19

Ki leenji `Kamuktaindet ne Toroor Musa, “Ileenji Aron, ‘Nam kiroktong'ung' ak ichuul eung'ung' itokyi peegap Misiri, ainoosyekwak, kereruusyekwak, tamboinikwak ak togomwekwak tugul che po peek. Piitu korotiik eng' emet komugul ne po Misiri ak eng' tereenigap peek che po keetiik, ak eng' tereenigap peek che po koik.’ ”

HOSEA 9:14

Igoochi, ee Kamuktaindet ne Toroor, tos igoochini nee? Igoochi moet ne rorogu ak kinaik che yamyotiin.

KAITOSYEK 12:11

Ki leenji anyun `Aron Musa, “Ee, kiptaiyandennyu, asaain ale amat iityech yaityet agobo tengekto ne kageyai acheek eng' abusnateet.

NG'ATUTIK 28:11

Iyabin Kamuktaindet ne Toroor ibaraitu iegu ne nyiitaat myeeindo, eng' iyoteng'ung', eng' iyoteetap akwotisyeguk ak eng' iyoteetap koreng'ung' eng' emet ne ki iyasyechi Kamuktaindet ne Toroor kwanisyeguk kole koonin.

1 TIMOTEO 5:17

Ingiityi poisyek che pou komyee, teegisto konyil aeng', ne siirei ko icheek che yaei poisyet ne nyigiis ne po ng'olyoot ak kaneetisyet.

JOSHUA 6:17

Nganaseet ak tugul che mi oriitinnyi kitabaanjin Kamuktaindet ne Toroor. King'emei kobatee Rahab chepkugoniot ak tugul che mi koonnyi amu kiuny piik che ki kiyogu.

JOSHUA 6:26

Ki ng'at `Joshua icheek koyastos kole: “Chuboot eng' taitap Kamuktaindet ne Toroor chii ne ng'eetei koteechei nganasani po Jeriko! Age tugul ne lumei lumeiywondennyi, ko mee taaitanyi, ak age tugul ne lumdoi kurgennyi, ko mee toweennyi.”