2 LAITORINIK 19:4 - BUKUIT NE TILIIL Sireet ne Dutero Kanon

⁴ Abeere imuuchi kogas Kamuktaindet ne Toroor Kamuktaindeng'ung' ng'aleek tugul che po Rabsake, ne kagoyok `laitoryatap Assyria kiptaiyandennyi, konyo kochot Kamuktaindet ne sabei, ak koger kong' ng'aleek che kagas Kamuktaindet ne Toroor Kamuktaindeng'ung'. Ara anyun saa agobo piik che ng'etunotiin.”

Bukuit Ne Tilil

⁴ Abeere imuuchi kogas Kamuktaindet ne Toroor Kamuktaindeng'ung' ng'aleek tugul che po Rabsake, ne kagoyok `laitoryatap Assyria kiptaiyandennyi, konyo kochot Kamuktaindet ne sabei, ak koger kong' ng'aleek che kagas Kamuktaindet ne Toroor Kamuktaindeng'ung'. Ara anyun saa agobo piik che ng'etunotiin.”

BUKUIT NE TILIL

⁴ Abere imuchi kogas Jehovah Kamuktaindeng’ung’ ng’alek tugul che bo Rabsake, ne kagoyok laitoriatab Asuria kiptaiyandennyi, konyo kochot Kamuktaindet ne sobei, ak koger kong’ ng’alek che kagas Jehovah Kamuktaindeng’ung’: ara anyun sa agobo bik che ng’etunotin.

2 LAITORINIK 19:4 ပူးပေါင်းရင်းမြစ်များ

TAUNET 22:14

Ak ki kuuree Abraham yooto, “Koonu Kamuktaindet ne Toroor;” ko uu ye kimwaei agoi kora, keele, “Kigonune tulweetap Kamuktaindet.”

2 SAMUEL 16:12

Abeere keerei Kamuktaindet ne Toroor yaityet ne kagiyaiywo, ak igeerwo Kamuktaindet ne Toroor ne myee agobo chubisyoni kagichubo rani.”

2 LAITORINIK 18:13

Ki togos Sennacherib laitoryatap Assyria eng' kenyiitap taman ak ang'wan ne po laitoryat Hezekiah, kobar nganasook tugul che ng'ootaatiin che po Judah ak konam.

2 LAITORINIK 19:16

Ee Kamuktaindet ne Toroor, ep iit ak igas, yaat konyeguk ak igeer, kas ng'aleegap Sennacherib, che kaiyogune chiito konyo kochot Kamuktaindet ne Toroor ne sabei.

2 LAITORINIK 19:22

Ng'oo ne ki ichot ak ichup? Ng'oo ne ki ibolji? Ak ng'oo ne injururi? Nooto ko Ineendet ne Tiliil ne po Israel!

2 LAITORINIK 19:23

Koichot Kiptaiyat eng' piiguk che koiyoogu, koile: Anyoone kot aitu paragutap tuloonook kobooto chaang'indap kariisyekyuk, kot aitu oriit eng' Lebanon. Aluuli taragonikyik che kooen, ak piribirinikyik che korooron. Achute komosta ne ki menyei oriit inne, timdap mbareennyi ne rurei.

2 LAITORINIK 19:3

Ki leenji ineendet, “Kamwa Hezekiah kole: Peetuuni ko peetuutap nyalilda, kereetap kong' ak chubisyet, amu kait kesich lagok, ama mi kimnateet ne kesige.

2 LAITORINIK 19:30

Ak iywoktogei kobendi ng'wony tigitigap che ng'etu eng' kootap Judah ak koiyo logoek eng' parak.

2 LAITORINIK 19:31

Amu mandoi eng' Jerusalem che kang'et, ak chilildos eng' tulweetap Zion. Yaei niito kagiiletapkei ne po Kamuktaindet ne Toroor.

2 LAITORINIK 19:5

Kobwa anyun otwogigap Laitoryat Hezekiah ole mi Isaiah.

2 ATEPTAP PEETUUSYEK 32:20

Ki sa Laitoryat Hezekiah ak maotyot Isaiah weeriitap Amos koriirchi kipsengwet agobo niito.

TIENWOGIKAL 50:15

Kuura eng' peetuutap nyalilda; asi asaruun, ak iloswa.

TIENWOGIKAL 50:21

Ki iyai tuguuchuuto ak ki asiis; ki ileen ki kerge ak inyee. Ago agerin kong' nguno, ak atete tugul eng' taing'ung'.

TIENWOGIKAL 74:18

Ibwaat niito, ee Kamuktaindet ne Toroor, ile, ki kogerin kong' puunyoot, ak ki chup piik che abusotiin kaineng'ung'.

ISAIAH 1:9

Nda ki ma pagaakwech Kamuktaindet ne Toroor ne po lugoosyek ng'etunenik che ng'ering' miising', ta kiga kiwoongwech ko uu Sodom ak Gomorah.

ISAIAH 10:6

Ayooktoi kobargei ak pororyet ne ya, ak agoochini kobargei ak piik che anereekyini, si koluul ak koip parunenik, ak ketyech icheek ko uu ye kityechi ng'atateek eng' ooreet.

JEREMIA 23:36

Ama omwae mileetap Kamuktaindet ne Toroor kogeny: amu egu ng'olyootap chii age tugul lautyennyi; amu ki omaas ng'aleegap Kamuktaindet ne Toroor ne sabei, che po Kamuktaindet ne Toroor ne po lugoosyek, Kamuktaindennyo.

JEREMIA 33:3

Kuura, si awolun, ak aboorun tuguuk che eecheen, ak ko uueen, che mengen.

JEREMIA 42:9

ak koleenji icheek, Mwaei Kamuktaindet ne Toroor, Kamuktaindetap Israel ne ki oyooktocha aip soomeng'wong' kwo tainnyi, kole:

EZEKIEL 36:37

Mwaei Kiptaiyat Kamuktaindet ne Toroor kole: Teepsena anyun kootap Israel agobo niito, si kobiit ayachi; atesyini icheek piik kochang'a ko uu akweetap keechiirek.

ROMANIK 11:5

Agot ko uu nooto anyun agine eng' peetuusyechu, miitei che ng'etunotiin ko uu lewenet ne po myeeindo.

ROMANIK 9:27

Ak ki mwa Isaiah eng' kutit ne oo agobo Israel, kole, “Agot ngo koitetap piigap Israel ko tee ng'aniegap nyanjet, kesaru che ki ng'et;

NG'ATUTIK 32:36

Eng' iman ko irwookyinechin `Kamuktaindet ne Toroor piikyik, ak koriir moo agobo otwogikyik, ye keer kole kagowandagei kimnateennywa, Ama mi ne kong'et ne rataat anan ne ma rataat.

JOSHUA 14:12

Ara anyun, konoo tulwooni ki kamwa Kamuktaindet ne Toroor eng' peetuunooto. Ki igas eng' peetuunooto ile ki mi Anagik olooto ak nganasook che eecheen che ng'ootaatiin. Imuuch komi Kamuktaindet ne Toroor kobooto, si aoon koba ko uu ye ki mwa ineendet.”

JOSHUA 3:10

Ki testai Joshua kole, “Onae eng' ni ole mi kwenung'wong' Kamuktaindet ne sabei, ak oonei ineendet eng' taing'wong' ne matiny Kanaanik, Hitik, Hibik, Perisik, Girgasik, Amorik ak Jebusik.

1 SAMUEL 14:6

Ki leenji `Jonathan murenooto ki ipchin kariikyik che po lugeet, “Nyoo kelande keebe ole mi lugeetap chu ma kimuratan, abeere imuuchi kotoretech Kamuktaindet ne Toroor amu ma mi kiy ne etee Kamuktaindet ne Toroor kosar eng' che chaang' anan ko eng' che ng'ering'.”

1 SAMUEL 17:10

Ki le Philistindonooto, “Areenye lugosyegap Israel ra, ogoono chiito si kobiit kebarge.”

1 SAMUEL 17:26

Ki ng'alaalji `Daudi piik che kitonondos eng' ye mi ineendet koleenji, “Kiyachin nee chiito ne parei Philistindoni ak koisto teweernatani eng' Israel? Amu ng'oo Philistindoni ma kimuratan kot koreeny lugosyegap Kamuktaindet ne sabei?”

1 SAMUEL 17:45

Koleenji `Daudi Philistindonooto, “Kenyoonjo ak rotwetap chok, ng'otit ak ndirit, ago anyoonjinin eng' kainetap Kamuktaindet ne Toroor ne po lugoosyek, Kamuktaindetap lugosyegap Israel ne koireeny.