2 LAITORINIK 19:35 - BUKUIT NE TILIIL Sireet ne Dutero Kanon

³⁵ Ki manda malaikaiyatap Kamuktaindet ne Toroor kemounooto ak kobar piik eliphuusyek pogol ak tamanwogik sisiit ak muut eng' nganaseetap piigap Assyria. Kingo ng'eetyo piik karon, ko ki muuswek tugul, che kogobek.

Bukuit Ne Tilil

³⁵ Ki manda malaikaiyatap Kamuktaindet ne Toroor kemounooto ak kobar piik eliphuusyek pogol ak tamanwogik sisiit ak muut eng' nganaseetap piigap Assyria. Kingo ng'eetyo piik karon, ko ki muuswek tugul, che kogobek.

BUKUIT NE TILIL

³⁵ Ak kimanda malaikaiyatab Jehovah kemounoto, ak kobar bik elfusiek bogol ak tamanwogik sisiit ak mut eng’ nganasetab Asuriek: ak kingong’eetyo bik karon, ogeero, ki muswek tugul, che kogobek.

2 LAITORINIK 19:35 ပူးပေါင်းရင်းမြစ်များ

2 SAMUEL 24:16

Ye kingo tokyi malaikaiyat eunnyi Jerusalem kole kobar, kowal Kamuktaindet ne Toroor kabwaatutikyik agobo yaityonooto ak koleenji malaikaiyandonooto kibarei piik, “Kagoyam, ingosiis eung'ung'.” Ki mi malaikaiyatap Kamuktaindet ne Toroor ole neegitee rwanyut ne kiboorsee ne po Arauna Jebusindet.

2 LAITORINIK 19:7

Keero! Andoi ineendet chesawil, si ko kas ng'aleegap piik, koweek kwo emennyi, ak agoite kebar eng' rotwetap chok eng' emennyi.’ ”

1 ATEPTAP PEETUUSYEK 21:12

kenyiisyek somok che po rubeet, kobarin puuniguk arawek somok, ye imwee koonotin puuniguk eng' rotweet, anan ko peetuusyek somok che po rotwetap Kamuktaindet ne Toroor, nooto ko koroitap ng'wony ne nyoonei emet, kobarisyoti malaikaiyatap Kamuktaindet ne Toroor eng' kiwotosyek tugul che po Israel.’ Ibwaat anyun nguno kiit ne awoljini ineendet ne koiyookwo.”

1 ATEPTAP PEETUUSYEK 21:16

Ki ing'eet metit Daudi ak ki keer malaikaiyatap Kamuktaindet ne Toroor kotononi eng' kwenutap ng'wony ak kipsengwet, kotinyei rotwetap chok ne kaging'us eng' eunnyi, ak kong'werere Jerusalem. Kobutyi ng'wony anyun Daudi ak poisyek kotooree togoochikwak ng'wony, kolaachi kuniok.

2 ATEPTAP PEETUUSYEK 20:24

Kingo it piigap Judah teekseet ne kooi ne kiriipse eng' surkwen, kotoben piik che chaang'; ak kiga kobutyo koek muuswek, ak ki ma komi agot agenge ne kichilil.

TIENWOGIKAL 76:10

Iman ilasun nereegegap piik: Irategei nereegek che kang'et.

TIENWOGIKAL 90:10

Peetuusyegap kenyiisyekyok koitei kenyiisyek tamanwogik tisap, Ago eng' che kiimeen koitei tamanwogik sisiit; Ago menatennywa ko nyalilda ak arageneet; Amu choktoi ko uu nooto, ak keebe kesiirte.

TIENWOGIKAL 91:6

Anan koroito ne wendoti eng' mesundeito, Anan ng'emisyet ne parisyei peet.

KOMONG'U 12:23

Amu nyoo kosiirtoi Kamuktaindet ne Toroor kowendi kobarei taiywegap Misiriik. Ye keer korotiik eng' rateiywotap tugatuk ak eng' tugatugik tuwai eng' kooriikwok, kosiirto ineendet eng' kurganooto ak ma chamjin ng'emindet komong' nyoo kobaraak.

KOMONG'U 9:15

Amu kata achuule eunnyu abariin ak piiguk eng' koroito, ak ta kageisten ibet eng' ng'wony,

KOMONG'U 9:16

ago kaachamun isap, si kobiit aboorun kimnateennyu, ak kemwaita kainennyu konaak eng' ng'wony komugul.

ISAIAH 10:33

Ogeero, tuun ebei Kiptaiyat, Kamuktaindet ne Toroor ne po lugoosyek, mooriik eng' kamuiset; kiluulei che kooen, ak kinyeroti che ieetegei.

ISAIAH 17:14

Ogeero, mi kamuiset koskoleny, ak kobetyo kotom koeech! Niito kebebertap icheek che luuleech, ak ko kebebertap icheek che rebenech.

ISAIAH 37:36

Ak kimanda malaikaiyatap Kamuktaindet ne Toroor, ak kobar piik eliphuusyek pogol ak tamanwogik sisiit ak muut eng' nganaseetap piigap Assyria: ak kingo ng'eetyo piik karon, ogeero, kimuuswek tugul, che kogobek.

HOSEA 1:7

Ago ariiree kootap Judah ak agoochi katerteerisyet icheek kobun eutap Kamuktaindet ne Toroor Kamuktaindennywa. Ma saruunee kwanget, anan rotwetap chok, anan lugeet, anan paraisisyek, anan piik che ketei paraisisyek.”

POISYONIGAP CHE KIYOKTOI 12:23

Eng' sainooto anyun kobir ineendet `malaikaiyatap Kiptaiyat, amu ma konyit Kamuktaindet. Ara ki am ineendet kuutik ak kime.