2 LAITORINIK 19:31 - BUKUIT NE TILIIL Sireet ne Dutero Kanon

³¹ Amu mandoi eng' Jerusalem che kang'et, ak chilildos eng' tulweetap Zion. Yaei niito kagiiletapkei ne po Kamuktaindet ne Toroor.

Bukuit Ne Tilil

³¹ Amu mandoi eng' Jerusalem che kang'et, ak chilildos eng' tulweetap Zion. Yaei niito kagiiletapkei ne po Kamuktaindet ne Toroor.

BUKUIT NE TILIL

³¹ Amu mandoi eng’ Jerusalem che kang’et, ak chilildos eng’ tulwetab Sion: yaei nito kagiiletab ge ne bo Jehovah.

2 LAITORINIK 19:31 ပူးပေါင်းရင်းမြစ်များ

2 LAITORINIK 19:37

Ak ye kita kosaaei eng' kootap Nisrok kanamwennyi, kobar ineendet Adramelek ak Sareser eng' rotwetap chok, ak ki mwei koba emetap Ararat. Ak ki laitoran Esarhaddon weeriinnyi kogeer ineendet.

2 LAITORINIK 19:4

Abeere imuuchi kogas Kamuktaindet ne Toroor Kamuktaindeng'ung' ng'aleek tugul che po Rabsake, ne kagoyok `laitoryatap Assyria kiptaiyandennyi, konyo kochot Kamuktaindet ne sabei, ak koger kong' ng'aleek che kagas Kamuktaindet ne Toroor Kamuktaindeng'ung'. Ara anyun saa agobo piik che ng'etunotiin.”

ISAIAH 10:12

Nooto anyun ye tuun kagoyai Kiptaiyat poisyennyi komugul eng' tulweetap Zion ak eng' Jerusalem, abir anyun logoegap menoteetap muguleldo ne po laitoryatap Assyria, ak toroornatetap kachaunennyi pogei.

ISAIAH 10:20

Eng' peetuunooto koma kotiegei kogeny che ki ng'et eng' Israel, ak icheek che kichililyo eng' kootap Jakobo, ineendet ne kibirei icheek; ago tiegei Kamuktaindet ne Toroor iman, Ineendet ne Tiliil ne po Israel.

ISAIAH 10:22

Agot nganda uu piiguk che po Israel ng'aniek che po nyanjet, koweeksei piik che ng'etu kityo eng' icheek. Kigeng'at kagesunet eng' icheek, ne ng'elyektoi eng' imanda.

ISAIAH 37:32

Amu mandoi eng' Jerusalem che kang'et, ak chilildos eng' tulweetap Zion: yaei niito kagiiletapkei ne po Kamuktaindet ne Toroor ne po lugoosyek.

ISAIAH 59:17

Ak ki ilaach imanda ko uu karnetap tegeet, ak chepkulet ne po yetunet eng' metinnyi; ak ki ilaach ngoroigap yaaktaetap mugetuut, ak ki ilaach kagiiletapkei ko uu sambut.

ISAIAH 63:15

Keer anyun ng'wony eng' kipsengwet, ak igeer eng' meng'ootetap tiliilindang'ung' ak ko po toroornateng'ung'. Mi ano kagiileng'ung' pogei ak poisyoniguk che po kamuktaet? Kaietena rireenetap muguleldang'ung' ak rireenosyeguk.

ISAIAH 9:7

Pounatennyi ko tese tai agoi, ak kaalyeet koma mi ole igeesunegei Namei ng'echereet ne po laitornatetap Daudi ak laitornatennyi, si kogimit ak koboi eng' kirwooget ak imanda kobooch nguno agoi koigeny. Yaei kagiiletapkei ne po Kamuktaindet ne Toroor ne po lugoosyek niito.

JEREMIA 44:14

kot koma chilil anan kong'et agot agenge eng' che kiga ng'et che po Judah, che ki pa emetap Misiri, kotebee olooto, kole koweek kobwa emetap Judah, emet ne machei kole koweekyigei koba komeny: amu ma piitu ne weechigei kobatee ne chilili.

EZEKIEL 20:9

Ago ki aboisye amu kainennyu, si ma kimurwon kogeerei pororyosyek, che ki mi icheek kwenunnywa, pororyosyek che kigeerei aboorchinigei icheek, amutu komong' eng' emetap Misiri.

EZEKIEL 5:13

Isuldoi anyun nereegekyuk ko uu nooto, ak anereekyini icheek eng' nereegekyuk che ng'woneen, kot koyama, si kigaigaa: si konai icheek kole anee Kamuktaindet ne Toroor ne ki ang'alaal eng' kagiilennyu pogei, ye kaayai nereegekyuk che ng'woneen kosulda eng' icheek.

JOEL 2:18

Ki am ng'etkong' anyun Kamuktaindet ne Toroor amu emennyi, ak ki riiree piikyik.

SEKARIA 1:14

Ki leenjo anyun malaikaiyandanooto ki ng'alaalwo: “Ititenji ileenji, Mwaei Kamuktaindet ne Toroor ne po lugoosyek kole; ‘Ama ng'etkong' agobo Jerusalem ak agobo Zion eng' ng'etkonda ne oo.

JOHANA 2:17

Ki ibwaat anyun kasubikyik kole ki kisir keele, “Ama ng'etkonda agobo koong'ung'.”

ROMANIK 11:5

Agot ko uu nooto anyun agine eng' peetuusyechu, miitei che ng'etunotiin ko uu lewenet ne po myeeindo.

ROMANIK 9:27

Ak ki mwa Isaiah eng' kutit ne oo agobo Israel, kole, “Agot ngo koitetap piigap Israel ko tee ng'aniegap nyanjet, kesaru che ki ng'et;