2 LAITORINIK 19:20 - BUKUIT NE TILIIL Sireet ne Dutero Kanon

²⁰ Ki iyookto anyun Isaiah weeriitap Amos chiito kwo kap Hezekiah, koleenji, “Kamwa Kamuktaindet ne Toroor, Kamuktaindetap Israel, kole, ‘Ko uu ye kaisaa agobo Sennacherib laitoryatap Assyria, ko kaagasin.’

Bukuit Ne Tilil

²⁰ Ki iyookto anyun Isaiah weeriitap Amos chiito kwo kap Hezekiah, koleenji, “Kamwa Kamuktaindet ne Toroor, Kamuktaindetap Israel, kole, ‘Ko uu ye kaisaa agobo Sennacherib laitoryatap Assyria, ko kaagasin.’

BUKUIT NE TILIL

²⁰ Koyokto anyun Isaia weritab Amos chito kwo oldab Hesekia, kolenji, Kamwa Jehovah, Kamuktaindetab Israel, ko u ni kole, Ko u ye kaisaa agobo Senakerib laitoriatab Asuria, ko kaagasin.

2 LAITORINIK 19:20 ပူးပေါင်းရင်းမြစ်များ

2 SAMUEL 15:31

Ak ki kimwachi Daudi keleenji, “Mi Ahitopel kobooto njaamigap Absalom.” Ak ki sa Daudi kole, “Ee Kamuktaindet ne Toroor, asoomin ale, wal kirwoogetap Ahitopel koek perberyo.”

2 SAMUEL 17:23

Kingo keer Ahitopel kole mata koosup chii kirwoogennyi, koiito sigiryennyi ak kong'eet kwo kaa, kot koit nganasennyi. Kirarchi keet piigap koonnyi yeityo kwo kogeetkei, ak kime. Ara ki kitupchi poortanyi kereritap kwandanyi.

2 LAITORINIK 18:13

Ki togos Sennacherib laitoryatap Assyria eng' kenyiitap taman ak ang'wan ne po laitoryat Hezekiah, kobar nganasook tugul che ng'ootaatiin che po Judah ak konam.

2 LAITORINIK 20:5

“Weege kogeny, ak ileenji Hezekiah pounindetap piikyuk, Kamwa Kamuktaindet ne Toroor, Kamuktaindetap kwandang'ung' Daudi, kole: Kaagas saaeng'ung', kaageer peeguk po kong'; ara asaabin anyun. Itogostoi kootap Kamuktaindet ne Toroor eng' peetuutap somok.

Kitabuutap JOB 22:27

Isa anyun ineendet ak kogasin: Ak iyaakte arorutiguk.

TIENWOGIKAL 50:15

Kuura eng' peetuutap nyalilda; asi asaruun, ak iloswa.

TIENWOGIKAL 65:2

Ee inyee ne kasei saaet, pwonjinin piik tugul.

TIENWOGIKAL 65:3

Katemena tengekwogik, inyee ne iundoi pistaosyekyok.

ISAIAH 58:9

Yeityo anyun iguurse, ak kowolun Kamuktaindet ne Toroor; iguure, ak kole, Ami yu. Ngot iiste chogit eng' kwenung'ung', kang'wererisyet, ak ng'alaalet ne ya;

ISAIAH 65:24

Ak ye tomo koguurso, awolu; ak ye ta kong'alaali, agas.

JEREMIA 33:3

Kuura, si awolun, ak aboorun tuguuk che eecheen, ak ko uueen, che mengen.

JOHANA 11:42

Ak kaanai ale igasa eng' ui tugul, ago kaamwa ni amu tuiyoni tononi eng' yuto, si kobiit koyan kole ki iyookwo.”

POISYONIGAP CHE KIYOKTOI 10:31

ak kole, ‘Korneli, kigegas saaeng'ung', ak ki koek kabwaatet eng' taitap Kamuktaindet kagoochinoiguk.

POISYONIGAP CHE KIYOKTOI 10:4

Keer `Korneli ineendet miising' eng' kaiyweisyet ak kole, “Tos nee, Kiptaiyat?” Koleenji, “Kigoit parak saautiguk ak kagoochinoiguk koek kabwaatet eng' taitap Kamuktaindet.