2 LAITORINIK 18:7 - BUKUIT NE TILIIL Sireet ne Dutero Kanon

⁷ Ak ki mi Kamuktaindet ne Toroor kobooto ineendet; kibor eng' komosta age tugul ne ki wo. Ki ingelelji laitoryatap Assyria, ma oot ineendet.

Bukuit Ne Tilil

⁷ Ak ki mi Kamuktaindet ne Toroor kobooto ineendet; kibor eng' komosta age tugul ne ki wo. Ki ingelelji laitoryatap Assyria, ma oot ineendet.

BUKUIT NE TILIL

⁷ Ak kimi Jehovah koboto inendet; kibor eng’ komosta age tugul ne kiwa: ak kiingelelji laitoriatab Asuria, ma ot inendet.

2 LAITORINIK 18:7 ပူးပေါင်းရင်းမြစ်များ

TAUNET 21:22

Ki ng'alaalji eng' peetuusyechooto Abimelek ak Pikol, ineendet ne ki kiptaiyatap kiplutotinikyik, Abraham koleenji, “Miitei Kamuktaindet kobooten eng' tuguuk tugul che iyae.

2 SAMUEL 8:14

Ki inde irimosyek Edom komugul, ak ki ek Edomik tugul otwogigap Daudi. Ki igoochi `Kamuktaindet ne Toroor Daudi katerteeret eng' komosta age tugul ne ki wo.

2 SAMUEL 8:6

Ki inde anyun Daudi irimosyek Syria ne po Damasko. Ki ek piigap Syria otwogigap Daudi ak ki ip kagoochinoik. Ki igoochi `Kamuktaindet ne Toroor Daudi katerteeret eng' komosta age tugul ne ki wo.

2 LAITORINIK 16:7

Ki iyookto anyun Ahaz piik koba kap Tiglat-peleser laitoryatap Assyria, koleenji, “Aa otwogindeng'ung' ak ko aa weeriing'ung'. Togosu, sarwo eng' eutap laitoryatap Syria ak eng' eutap laitoryatap Israel, che machei kobookyo.”

2 LAITORINIK 17:3

Ki togos Shalmaneser laitoryatap Assyria kobargei ak ineendet, ak ki ek Hoshea otwogindennyi ak ki ipchi ineendet kagoochinoik.

2 LAITORINIK 18:14

Ki iyookto Hezekiah laitoryatap Judah chiito kwo kaplaitoryatap Assyria eng' Lakish, koleenji, “Ki alel. Ui weektegei eng' oldanyu. Kiit age tugul ne igesenwo, alae.” Ak king'atyi laitoryatap Assyria Hezekiah, laitoryatap Judah keruutik eliphuusyek taman ak agenge che po fedha ak keruutik eliphuut agenge che po thahabu.

2 LAITORINIK 18:20

Ing'alaali ile, mi kirwooget ak kimnateetap lugeet, ago ng'aleegap puch. Ara ng'oo ne imang'u, si ingelelja?

2 ATEPTAP PEETUUSYEK 15:2

ak ki wo kotorookta Asa, koleenji, “Ogasa okweek, inyee Asa ak Judah tugul ak Benjamin! Mi Kamuktaindet ne Toroor kobootok koteen otebye ak ineendet. Ye ocheeng' ineendet, onyooru, ago ngot omete ineendet, kometook.

2 ATEPTAP PEETUUSYEK 31:21

Ak eng' poisyet age tugul ne ki toi koyai eng' otisyetap kootap Kamuktaindet, ak eng' ko uu ng'atuutik ak eng' kayomisutik, kocheeng' Kamuktaindennyi, kogiyai eng' muguleldanyi komugul, ak kibor.

2 ATEPTAP PEETUUSYEK 32:30

Hezekiah niito ne ki imaas peegap kondametut ne mi meto eng' Gihon, ak koip eng' ooreet ne litit korek kobwa komostap cherongo ne po nganaseetap Daudi. Ak kibor Hezekiah eng' poisyonikyik tugul.

TIENWOGIKAL 1:3

Kergeitu ineendet ak keetit ne ki kiminji ole neegitee ainoosyek, ne yiei logoekyik eng' peetuusyekyik, ama restos sogekyik. Iberuurokse kiy age tugul ne yaei.

TIENWOGIKAL 46:11

Mi Kamuktaindet ne Toroor ne po lugoosyek kobootech; Kamuktaindetap Jakobo ko ole kimwechini.

TIENWOGIKAL 60:12

Kiterteerisyei eng' nyiganateet eng' Kamuktaindet, amu ineendet ne tyekyin ng'wony puunikyok.

ISAIAH 33:6

Tuun piitu kimnateet eng' peetuusyeguk, ak ooindap yetunet, utaatyet, ak naet; kaiyweisyet ne kiywei Kamuktaindet ne Toroor ko konorwennyi.

ISAIAH 36:5

Amwae ale, ng'aleek puch kirwoogutiguk ak kimnateng'ung' ne po lugeet: ng'oo anyun ne imang'u kot ingelelja?

MATAYO 1:23

“Ogeero, manachi pergeiyat ak kosich weeriit, ak keguure kainennyi Immanuel,” ne ye kiweech ko ni, “Mi Kamuktaindet kobootech.”

MATAYO 28:20

oneet icheek koosup tuguuk tugul che kaang'atak. Ak ogeero, ami kobootok eng' peetuusyek tugul, agoi kagesunetap ng'wony.”

ROMANIK 8:31

Kimwae nee anyun eng' tuguuchuuto? Ngo mi Kamuktaindet komostanyo, ko ng'oo ne kirindaech?

KIRUOGIK 1:19

Ki mi Kamuktaindet ne Toroor kobooto Judah, ak ki nam emetap tuloonook. Ki ma imuuch koon piik che ki menyei atebweet, amu ki tinyei kariisyegap kariik.

1 SAMUEL 18:14

Ki tebi Daudi eng' ng'omnateet eng' ortinwekyik tugul ak ki mi Kamuktaindet ne Toroor kobooto ineendet.

1 SAMUEL 18:5

Ki wo Daudi oldo age tugul ole ki iyookto Saulo, ak ki tebi eng' ng'omnateet. Ki inde `Saulo ineendet koboi murenigap lugeet ak ki myeeit kioto eng' taitap piik tugul, ak eng' taitap otwogigap Saulo ak icheek.