2 LAITORINIK 18:4 - BUKUIT NE TILIIL Sireet ne Dutero Kanon

⁴ Ki isto komoswek che torooreen, kibut tolochik ak koluul tolochigap Asera. Kitui ereneetap sugunwet ne kiyaei Musa, ne kiguure Nehustan. Amu kibeeljin nyamdutik piigap Israel agoi peetuusyechooto.

Bukuit Ne Tilil

⁴ Ki isto komoswek che torooreen, kibut tolochik ak koluul tolochigap Asera. Kitui ereneetap sugunwet ne kiyaei Musa, ne kiguure Nehustan. Amu kibeeljin nyamdutik piigap Israel agoi peetuusyechooto.

BUKUIT NE TILIL

⁴ Kiisto komoswek che tororen, ak kobut tolochik, ak koluul Asera: ak kitui erenetab sugunwet ne kiyaei Musa; amu kibeeljin nyamdutik lagokab Israel agoi betusiechoto; ak kiguure Nehustan.

2 LAITORINIK 18:4 ပူးပေါင်းရင်းမြစ်များ

1 LAITORINIK 22:43

Kiwendote ortinwek tugul che po Asa kwandanyi; ma masta eng' ortinwechooto, ki yai ne myee eng' taitap Kamuktaindet ne Toroor. Nganda ki ma kiisto komoswek che torooreen, ak kita koenyei piik tiseiywek ak kobeelei nyamdutik eng' komoswechooto torooreen.

2 LAITORINIK 10:26

Ki ip tolochik che ki mi kootap Baal, komong' ak kobeel.

2 LAITORINIK 11:18

Ki pa piik tugul che po emet kootap Baal ak kobut koluul. Kibut kapkorosusyekyik ak kanamonikyik kotonaton inne, ak kobar Matan tisiindetap Baal eng' taitap kapkorosusyek. Ak ki lewen tisiindet pounik koriip kootap Kamuktaindet ne Toroor.

2 LAITORINIK 12:3

Ago ki ma kiisto komoswek che torooreen; kita koenyei piik tiseiywek ak kobeelei nyamdutik eng' komoswek che torooreen.

2 LAITORINIK 14:4

Ago ki ma kiisto komoswek che torooreen. Kita koenyei piik tiseiywek ak kobeelei nyamdutik eng' komoswek che torooreen.

2 LAITORINIK 15:35

Agos ma ki isto komoswek che torooreen; kita koenyei piik tiseiywek ak kobeelei nyamdutik eng' komoswek che torooreen. Ki teech ineendet ormariichetap meto ne po kootap Kamuktaindet ne Toroor.

2 LAITORINIK 15:4

Ago ki ma kiisto komoswek che torooreen; kita koenyei piik tiseiywek ak kobeelei nyamdutik eng' komoswechooto.

2 LAITORINIK 16:15

Ki ng'at anyun Laitoryat Ahaz Urija tisiindet, koleenji, “Peel kagoochinet ne kibeelei ne po karon eng' kaptisisyet ne oo, ak kagoochinet ne po koskoleny ne po peek, ak kagoochinet ne kibeelei ne po laitoryat, ak kagoochinennyi ne po peek, kobooto kagoochinennywa ne kibeelei ne po piik tugul che po emet, ak kagoochinoikwak che po peek, ak kagoochinoikwak che kieei. Iise kaptisisyonooto korotiik tugul che po kagoochinennywa ne kibeelei, ak korotiik tugul che po tiseiywek. Ago kaptisisyetap sugunwet, kobunjino nooto si ateepse.”

2 LAITORINIK 18:22

Ago ngot oleenjo: “Kimang'u Kamuktaindet ne Toroor, Kamuktaindennyo,” koma ineendet, ne ki isto Hezekiah komoswekyik che torooreen ak kapkorosusyekyik, ak koleenji Judah ak Jerusalem, “Osae eng' taitap kaptisisyoni eng' Jerusalem”?

2 LAITORINIK 21:3

Amu ki teech kogeny komoswek che torooreen che kiga kobut Hezekiah kwandanyi; kiteekyi Baal kapkorosusyek ak koyai Asera ko uu ye kiga yai Ahab laitoryatap Israel. Kigutung'ji ineendet tuguuk tugul che po kipsengwet ak koot.

2 LAITORINIK 23:14

Kituatui anyun ineendet tolochik ak koep Aserik koluul, ak ki inyiit olooto kawegap piik.

2 LAITORINIK 23:4

Ki ng'at `laitoryat Hilkiah tisiindet ne oo, tisiik che rubei ne po tai ak riibiigap kurgeet, koip komong' eng' Hekaluutap Kamuktaindet ne Toroor tereenik tugul che ki kiyachin Baal, che po Asera ak che po tuguuk tugul che po kipsengwet. Ki peel eng' Jerusalem saang' eng' mbareetap Kidron ak koip oreek koba Bethel.

2 ATEPTAP PEETUUSYEK 19:3

Nganda uu nooto ko ki kigeerchin tuguuk che myachen, amu ki iste Aserot eng' emet ak ki igiil muguleldang'ung' icheeng' Kamuktaindet.”

2 ATEPTAP PEETUUSYEK 31:1

Kingo kagogeskei chuuto tugul, koba nganasoogap Judah Israel tugul che ki mi koba kobut tolochik, koep Aserik ak kobut komoswek che torooreen ak kapkorosusyek eng' Judah tugul ak Benjamin, eng' Ephraim ak Manasseh, kot kong'em kogees tugul. Ki week anyun lagok tugul che po Israel koba nganasookwak, kwo chii tugul ole mi tuguukyik.

2 ATEPTAP PEETUUSYEK 33:3

Ki teech komoswek che torooreen che kiga kobut kwandanyi Hezekiah, kiteekyi Baalik kapkorosusyek ak koyai Aserot. Kigutung'ji tuguuk tugul che po kipsengwet ak koot chooto.

TIENWOGIKAL 78:58

Kitach ineendet kot konereech eng' oldinwekwak che sutotin, Ak ki igoochi ineendet ng'etkonda eng' kanamonikwak che ki kiwai.

KOMONG'U 23:24

Amat isaa kanamonikwak, anan ioot, anan isup poisyonikwak. Ago oluul kot koma ng'et kiy ak obut kotonogis tolochikwak.

KOMONG'U 34:13

Ago obut kapkorosusyekwak. Otuatui kanamonikwak kotonogis ak oluul Aserikwak,

ISAIAH 36:7

Ago ngot ileenjo, Kimang'u Kamuktaindet ne Toroor, Kamuktaindennyo: ko tos ma ineendet ne chechiik komoswek che torooreen ak kapkorosusyek che ki koisto Hezekiah, ak koleenji Judah ak Jerusalem, Osae eng' taitap kaptisisyoni?

ATEPTAP LAWIK 26:30

Ang'eme awong'u komoswekwok che torooreen ak aluul kanamonikwok che po asiista, ak awirchi muuswekwok ole mi muuswegap kanamonikwok, ak kowechok saboondanyu.

NG'ATUTIK 5:5

ki atonon eng' kwenung'wong' ak Kamuktaindet ne Toroor eng' peetuunooto si aboorwok ng'olyoonnyi amu ki oiyweisye amu maat, ak ki ma otogoste tulweet ak koleenjok,

NG'ATUTIK 7:5

Ago oyachi ko uu ni; obut kapkorosusyekwak, otonaton tolochikwak, oep lumeiywegap Aserik ak obeel kanamonikwak.

KIRUOGIK 6:25

Ki leenji `Kamuktaindet ne Toroor ineendet kemounooto, “Kweri kirgitap kwandang'ung', kirgitap aeng' ne po kenyiisyek tisap, ak ibut kapkorosutap Baal ne tinyei kwandang'ung' ak iluul Asera ne neegitee kapkorosunooto.

KIRUOGIK 6:28

Ye kingo ng'eetyo piigap nganaseet kota ko karon inne, ogeero, ko kiga kebut kapkorosutap Baal, ak kiga kiluul Asera ne kineegite kapkorosuut ak kiga kigoito kirgit ne po aeng' eng' kaptisisyet ne kiga kiteech.